జురాసిక్‌ వరల్డ్‌ సిరీస్‌ కొన్నేళ్లుగా ప్రేక్షకులను థ్రిల్‌ చేస్తూ వస్తోంది. ఈ డైనోజర్ల ప్రపంచంలో తెరకెక్కుతున్న తాజా చిత్రం ‘జురాసిక్‌ వరల్డ్‌: డామినియన్‌’. యూనివర్శల్‌ పిక్చర్‌ స్టూడియోస్‌ నిర్మిస్తున్న ఈ చిత్రానికి కోలిన్‌ ట్రెవొరో దర్శకత్వం వహిస్తున్నారు. ఈ సినిమా విడుదలను వాయిదా వేస్తున్నట్టు చిత్రబృందం ప్రకటించింది. ముందుగా ఈ సినిమాను వచ్చే ఏడాది వేసవిలో విడుదల చేయాలనుకున్నారు. తాజాగా ఈ సినిమాను జూన్‌ 10, 2022లో విడుదల చేస్తున్నట్లు ప్రకటించారు. ‘‘ప్రస్తుత పరిస్థితుల వల్ల మా సినిమా విడుదల ఆలస్యం అయినప్పటికీ, దానికి తగ్గట్టుగానే మా చిత్రం ఉంటుంది. ప్రేక్షకులను రెండింతలు థ్రిల్‌ చేసేలా మా సినిమాని తీర్చిదిద్దుతున్నాం. అప్పటివరకూ అందరూ జాగ్రత్తగా ఉండండి. ఆరోగ్యం విషయంలో జాగ్రత్త వహించండి’’ అన్నారు దర్శకుడు కోలిన్‌.

స్టీవెన్‌ స్పీల్‌బర్గ్‌ డైరెక్షన్‌లో మొన్న డిసెంబర్‌లో ‘ది పోస్ట్‌’ అని ఒక సినిమా వచ్చింది గుర్తుంది కదా? ఇప్పుడు నిన్నగాక మొన్న ‘రెడీ ప్లేయర్‌ వన్‌’ అని ఇంకో సినిమా వచ్చింది. ఇవి కాకుండా ఆయన ప్రొడక్షన్‌లో నిరంతరం ఏదో ఒక సినిమా వస్తూనే ఉంటుంది. అంత బిజీగా ఉంటాడాయన. ఇక ‘జురాసిక్‌  పార్క్‌’తో డైనోసర్‌ సినిమా అంటే స్పీల్‌బర్గ్‌ అనిపించుకున్న ఆయన, ‘జురాసిక్‌ వరల్డ్‌’ సిరీస్‌కు దర్శకుడిగా కాక, నిర్మాతల్లో ఒకరుగా ఉంటూ వస్తున్నాడు. జురాసిక్‌ వరల్డ్‌ ఒకటో భాగం 2015లో వస్తే, రెండో భాగం 2018 జూన్‌లో వస్తోంది. అలాగే మూడో భాగానికి కూడా అప్పుడే ప్లాన్‌ రెడీ చేసేశాడు స్పీల్‌బర్గ్‌. ఆయన ఒక నిర్మాతగా నిర్మించనున్న జురాసిక్‌ వరల్డ్‌ మూడో భాగానికి కొలిన్‌ ట్రెవెరో దర్శకత్వం వహించనున్నాడు. జురాసిక్‌ వరల్డ్‌ మొదటి భాగానికి ఆయనే దర్శకుడు కాగా, కొన్ని అనుకోని కారణాల వల్ల రెండో భాగానికి జె.ఎ.బయోనా దర్శకత్వం వహించాడు. ఇప్పుడు మూడో భాగానికి మళ్లీ కొలినే దర్శకుడు కావడం విశేషం.


 ఇలా కూడా సినిమాలు తీయొచ్చా? యానిమేషన్‌లో ఇంతటి పెద్ద జంతువులను క్రియేట్ చేయొచ్చా? అని ‘జురాసిక్ పార్క్’ చూసినవాళ్లు అనుకోకుండా ఉండలేకపోయారు. 1993లో విడుదలైన ఈ చిత్రానికి కొనసాగింపుగా వచ్చిన మూడు భాగాలకూ ప్రేక్షకుల నుంచి మంచి ఆదరణే లభించింది. ఇప్పుడు ఐదో భాగం నిర్మాణంలో ఉంది. నాలుగో భాగం ‘జురాసిక్ వరల్డ్’కి దర్శకత్వం వహించిన కాలిన్ ట్రెవెరోనే ఐదో భాగమైన ‘జురాసిక్ వరల్డ్ 2’ని తెరకెక్కిస్తున్నారు. 2018 జూన్ 22న ఈ చిత్రాన్ని విడుదల చేయాలనుకుంటున్నారు. ‘‘ఏదో డైనోసార్ రావడం, ఛేజ్ చేయడం.. ఈ సినిమా అలా ఉండదు. స్టోరీ లైన్ డిఫరెంట్‌గా ఉంటుంది. ముందు వచ్చిన నాలుగు భాగాలకన్నా ఇంకా భయంగా, ఉత్కంఠగా ఉంటుంది. టెక్నికల్‌గా కూడా ఆ చిత్రాలకు మించి ఉంటుంది’’ అని దర్శకుడు పేర్కొన్నారు.
  


 బాక్సాఫీసు రికార్డులను తిరగరాసిన జురాసిక్ వరల్డ్ సినిమాకు సీక్వెల్ రెడీ అవుతోంది. తొలి భాగానికి దర్శకత్వం వహించిన కొలిన్ ట్రివోరో సీక్వెల్ను మరింత భారీగా తెరకెక్కించడానికి రెడీ అవుతున్నాడు. ఓ ప్రముఖ టీవీ ఛానల్కు ఇచ్చిన ఇంటర్వ్యూలో ఈ విషయాన్ని వెల్లడించిన దర్శకుడు, సీక్వెల్తో జురాసిక్ వరల్డ్ ఇమేజ్ను మరింత ఎత్తుకు తీసుకెళ్లడానికి ప్రయత్నిస్తున్నామని తెలిపాడు.
 
 తొలి భాగానికి ఘనవిజయం అందించిన ఆడియన్స్, ఈ సినిమాకు సీక్వెల్ను తెరకెక్కించడానికి మాకు పర్మిషన్ ఇచ్చినట్టుగానే భావిస్తున్నాం అన్నాడు దర్శకుడు కొలిన్. తొలి భాగంతో పొలిస్తే రెండో భాగంలో మరింత భారీ రాక్షస బల్లులను తెర మీద చూపించడానికి రెడీ అవుతున్నామని, అయితే ఇప్పటివరకు కథ రెడీ అవ్వలేదు కనుక మరింత వివరంగా చెప్పలేమని తెలిపాడు. వీలైనంత త్వరగా కథా కథనాలను సిద్ధం చేసి జురాసిక్ వరల్డ్ 2ను సెట్స్ మీదకు తీసుకెళ్లే ఆలోచనలో ఉన్నారు చిత్రయూనిట్. ఈ సినిమాను 2018 జూన్ 22న ప్రపంచవ్యాప్తంగా రిలీజ్ చేయడానికి ప్లాన్ చేస్తున్నారు.