2019లో విడుదలైన ' మల్లేశం' సినిమాతో ఎంట్రీ ఇచ్చిన తెలుగమ్మాయి అనన్య నాగళ్ల. ఆ తర్వాత పవన్​ కల్యాణ్​ చిత్రం వకీల్​ సాబ్ మూవీ​తో మరింత ఫేమ్ తెచ్చుకుంది. గతేడాది సమంత నటించిన శాకుంతలం చిత్రంలోనూ అనన్య ఓ పాత్రలో అభిమానులను మెప్పించింది. తాజాగా ప్రియదర్శి నటించిన డార్లింగ్ చిత్రంలో మెరిసింది ముద్దుగుమ్మ. తాజాగా ఓ ఇంటర్వ్యూకు హాజరైన అనన్య.. టాలీవుడ్‌ హీరో ప్రభాస్ గురించి ఆసక్తికర కామెంట్స్ చేసింది.ప్రభాస్‌తో నటించే ఛాన్స్ వస్తే ఎలాంటి క్యారెక్టర్‌ చేస్తారు? ‍అన్న ప్రశ్నకు అనన్య నాగళ్ల స్పందించింది. ఆయనతో నటించే అవకాశం వస్తే.. ఏ క్యారెక్టర్ అయినా ఎగిరి గంతేసి చేస్తానని చెప్పింది. ప్రభాస్ నటించిన వర్షం సినిమా చూసినప్పటి నుంచి ఆయనంటే క్రష్‌. ఆ సమయంలో నేను స్కూల్లోనే చదువుతున్నా. ఆ సినిమాను నేను థియేటర్లో చూడలేదు. టీవీల్లో వచ్చినప్పుడు నేను, మా ఫ్రెండ్‌ కలిసి వర్షం సినిమా చూశామని అనన్య నాగళ్ల నవ్వుతూ చెప్పుకొచ్చింది. కాగా.. ఈ ఏడాదిలో తంత్ర మూవీతో డిఫరెంట్‌ రోల్‌లో అనన్య నాగళ్ల మెప్పించారు.

మలేషియాలో మంగళవారం ఉదయం ఘోర ప్రమాదం జరిగింది. వైమానిక దళానికి చెందిన హెలికాఫ్టర్లు గాల్లోనే ఒకదాంతో మరొకటి ఢీ కొట్టాయి. ఈ ప్రమాదంలో పది మంది దుర్మరణం పాలయ్యారు. రాయల్‌ మలేషియన్‌ నేవీ పరేడ్‌ కోసం మంగళవారం ఉదయం లుముత్‌ నేవల్‌ బేస్‌లో రిహాల్సల్‌ జరిగాయి. ఆ సమయంలో రెండు హెలికాఫ్టర్లు ఆకాశంలోనే ఢీ కొట్టాయి. ముక్కలైన శకలాలు కింద మైదానంలో పడిపోయాయి. ఈ ఘటనకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.  ఇదిలా ఉంటే.. రెండు హెలికాఫ్టర్లలో పది మంది సిబ్బంది అక్కడికక్కడే చనిపోయినట్లు మలేషియా నేవీ ప్రకటించుకుంది. మృతదేహాల గుర్తింపునకు కోసం నేవీ ఆస్పత్రికి మృతదేహాల్ని తరలించినట్లు తెలిపింది. ⚡Ten people are reported killed as two military #helicopters had a mid-air collision in #Malaysia during preparations for a naval military parade. The incident occurred in the town of Lumut at around 9:30 am during a training to mark the 90th anniversary of the Royal… pic.twitter.com/OEF3SDNG6a — Shafek Koreshe (@shafeKoreshe) April 23, 2024

2019లో విడుదలైన 'మల్లేశం' సినిమాతో ఎంట్రీ ఇచ్చిన ముద్దుగుమ్మ, తెలుగమ్మాయి అనన్య నాగళ్ల. ఆ తర్వాత  పవన్​ కల్యాణ్​ చిత్రం 'వకీల్​ సాబ్'​తో మరింత ఫేమస్​ అయింది. గతేడాది సమంత లీడ్​ రోల్​ పోషించిన శాకుంతల చిత్రంలోనూ అనన్య ఓ పాత్రలో అభిమానులను మెప్పించింది. ప్రస్తుతం అనన్య ప్రధాన పాత్రలో వస్తోన్న హారర్ మూవీ తంత్ర. ఇందులో ధనుశ్ రఘుముద్రి హీరోగా నటిస్తున్నారు. ఈ చిత్రానికి శ్రీనివాస్ గోపిశెట్టి దర్శకత్వం వహిస్తున్నారు. ఇప్పటికే షూటింగ్‌ పూర్తి చేసుకున్న ఈ చిత్రం ఈనెల 15న ప్రేక్షకుల ముందుకు రానుంది. ఈ నేపథ్యంలో మూవీ ప్రమోషన్లతో బిజీగా ఉన్నారు చిత్రయూనిట్. తాజాగా ఓ ఇంటర్వ్యూకు హాజరైన అనన్య తన కెరీర్ పలు ఆసక్తికర విషయాలు పంచుకుంది. తనకు కాబోయేవాడు ఎలా ఉండాలో చెప్పుకొచ్చింది. అంతే కాదు టాలీవుడ్‌ యంగ్ హీరో అంటే క్రష్ అని ఓపెన్ అయింది ముద్దుగుమ్మ. ఆ వివరాలేంటో చూద్దాం.  (ఇది చదవండి: అనన్య నాగళ్ల కొత్త మూవీ.. సాంగ్ రిలీజ్‌ చేసిన మంగళవారం బ్యూటీ!) అనన్య మాట్లాడుతూ.. 'తనకు కాబోయేవాడు నిజాయితీగా ఉంటే చాలు. అలాంటి వాడైతే ఓకే. సరైన వ్యక్తి కోసం వెతుకుతున్నా. ఇండస్ట్రీ వాళ్లయితే కొంచెం కష్టం. ఇద్దరి మధ్య భేదాభిప్రాయాలు రావొచ్చు. సినిమా వాళ్లకు ఎక్కువ ఆప్షన్స్ ఉంటాయి. ఇండస్ట్రీలో నా ఫస్ట్ క్రష్ నాగశౌర్య. నా చిన్నప్పుడు అల్లు అర్జున్, మహేశ్ బాబు, ప్రభాస్‌ను అంటే చాలా ఇష్టం. వాళ్ల సినిమాలు చూస్తూ పెరిగా. నాకు ఇంతవరకు ఎవరు ప్రపోజ్ చేయలేదు. ఇండస్ట్రీ వాళ్లను చూస్తే కమిట్ అయి ఉంటారని అనుకుంటారు. కానీ నేను మాత్రం కమిటేడ్ కాదు. అంతేకాదు నాకు ఇండస్ట్రీలో క్యాస్టింగ్ కౌచ్ అనుభవం ఎదురవ్వలేదు ' అని ‍అన్నారు. 

జయసుధ.. ఈ పేరు తెలుగువారికి పరిచయం అక్కర్లేదు. అంతలా తెలుగు సినీ ప్రియుల గుండెల్లో తన పేరును లిఖించుకుంది. ఆనాటి స్టార్స్‌ ఎన్టీఆర్‌, ఏఎన్నార్, శోభన్‌ బాబు లాంటి దిగ్గజాల సరసన తనదైన నటనతో మెప్పించింది. తెలుగు, తమిళ తదితర భాషల్లో హీరోయిన్‌గా చాలా పేరు తెచ్చుకుంది. ఆ తర్వాత సహాయ నటిగా ఎన్నో సినిమాలు చేసింది. ఇప్పటికీ వెండితెరపై అభిమానులను అలరిస్తోంది. గతేడాది విజయ్ నటించిన చిత్రం వారీసు(వారసుడు)లో తల్లి పాత్రలో మెరిసింది. అయితే తాజాగా ఓ ఇంటర్వ్యూకు హాజరైన జయసుధ తన వ్యక్తిగత జీవితం గురించి పలు ఆసక్తికర విషయాలు వెల్లడించింది. తన బాల్యంలో చెన్నైలో చెపాక్ స్టేడియం(ఇప్పటి చిదంబరం స్టేడియం) దగ్గర్లోనే తమ నివాసముండేదని జయసుధ తెలిపింది. మా ఇంటికి.. గ్రౌండ్‌కు మధ్య ఒక రోడ్డు మాత్రమే ఉండేదని వివరించింది. అక్కడే ఉన్న హిందూ స్కూల్లో చాలామంది సినిమా, క్రికెట్‌ ప్రముఖులు కూడా చదువుకున్నారు. తనకు చిన్న వయసులో అక్కడే చాలా క్రికెట్‌ మ్యాచులు జరుగుతుండేవని పేర్కొంది. నేను చాలాసార్లు స్టేడియంలోకి వెళ్లి మ్యాచులు చూసేవాళ్లమని చెప్పుకొచ్చింది. ఆ రోజుల్లో తనకు ఆ సమయంలో పాకిస్థాన్ క్రికెటర్‌ ఇమ్రాన్‌ ఖాన్ అంటే క్రష్‌ ఏర్పడిందని ఆమె తెలిపింది. అప్పట్లో అందరికంటే అతను హ్యాండ్‌సమ్‌గా ఉండేవారని జయసుధ తెలిపింది. అంతే కాకుండా ఆయనను చాలామంది ఇష్టపడేవారని వెల్లడించింది. తాజా ఇంటర్వ్యూలో జయసుధ చేసిన కామెంట్స్‌ నెట్టింట తెగ వైరలవుతున్నాయి.  జయసుధ మాట్లాడుతూ..  'ఫస్ట్ నేను క్రికెటర్‌ అవ్వాలని అనుకున్నా. సెకండ్ ఆప్షన్ సినిమా. ఇక మూడోది టీచర్ అవ్వాలని అనుకునేదాన్ని. కానీ ఈ క్యారెక్టర్‌ అన్ని సినిమాల్లో చేశాను. లక్కీగా 12 ఏళ్లకే మొదటి సినిమా చేశా. అప్పట్లో మంజుల గారు చాలా ఫేమస్. ఆమెకు నేనంటే చాలా ఇష్టం. ఆమె చేయలేని సినిమాలకు నన్ను పరిచయం చేసేవారు. అలా శోభన్‌ బాబుతో మొదటి సినిమా చేశా. నా అసలు పేరు సుజాత. అప్పటికే మలయాళంలో ఆ పేరుతో మరో హీరోయిన్ ఉండేది. గుహనాథన్ అనే ఒక తమిళ రైటర్‌ జయసుధ అనే పేరును సూచించారు. నాకు మొదటి నుంచి సినిమా చేసే లక్షణాలు లేవు. నాకు క్రికెట్ అంటే పిచ్చి. షూటింగ్‌లో ఉన్నప్పుడు కామెంటరీ వినేందుకు సిగ్నల్‌ కోసం అలా వెళ్లిపోయేదాన్ని. క్రికెట్‌లో నా ఫేవరేట్‌ సునీల్ గవాస్కర్, ఏక్‌నాథ్ సోల్కర్‌ అని ఒకాయన ఉండేవారు. సినిమాల వాళ్లకు క్రికెటర్స్‌ మీద క్రష్ ఉంటుంది. అలాగే ఆ రోజుల్లో టీనేజర్‌గా ఉన్నప్పుడు ఇమ్రాన్‌ ఖాన్ నా క్రష్. అతను చాలా హ్యాండ్‌సమ్‌గా ఉండేవారు. నేనే కాదు.. చాలామంది ఆయన్ను చూసేందుకే మ్యాచులకు వచ్చేవారు. ' అంటూ తన మనసులోని మాటను బయటకు చెప్పేసింది.      

మీడియాతో అయినా, అభిమానులతో అయినా సరదాగా మాట్లాడే అది కొద్ది మంది హీరోలలో నాని ఒకరు. ఏ విషయాన్ని అయినా అభిమానులతో షేర్‌ చేసుకుంటాడు. మీడియాతో కూడా అంతే. పర్సనల్‌ విషయాలను అడిగినా.. చెప్పను..కుదరదు అని అనడు. చాలా జన్యూన్‌గా జవాబిస్తాడు. తాజాగా ఆయన తొలి ప్రేమ అనుభవాన్ని రేడియో జాకీలతో షేర్‌ చేసుకున్నాడు. మృనాల్‌ ఠాకూర్‌, నాని జంటగా నటిస్తోన్న తాజా చిత్రం ‘హాయ్‌ నాన్న’. శౌర్యువ్‌ దర్శకత్వంలో మోహన్‌ చెరుకూరి (సీవీఎం), డా. విజయేందర్‌ రెడ్డి తీగల నిర్మిస్తున్న ఈ చిత్రంలో బేబీ కియారా ఖన్నా కీలక పాత్ర పోషిస్తోంది. తెలుగు, తమిళ, కన్నడ, మలయాళం, హిందీ భాషల్లో ఈ చిత్రాన్ని డిసెంబర్‌ 21న విడుదల చేయనున్నారు. మూవీ ప్రమోషన్స్‌లో భాగంగా నాని ఇటీవల రేడియో జాకీలతో కలిసి చిట్‌చాట్‌ నిర్వహించాడు. ఈ సందర్భంగా ఆయన ప్రేమలో ఎప్పుడు పడ్డాడో.. ప్రస్తుతం తన క్రష్‌ ఎవరో చెప్పి అందరినీ ఆశ్చర్య పరిచాడు.  ‘నేను మూడో తరగతిలోనే ప్రేమలో పడ్డాను. అప్పుడు ఫ్యాన్సీ డ్రెస్‌ పోటీల్లో సోనీ అనే అమ్మాయి మంచి గౌను వేసుకొని వచ్చింది. నేను ఏమో ఆకులు చుట్టుకుని నిలబడ్డాను. ఆమెను చూడగానే నాకు వెళ్లి పకలరించాలని అనిపించింది. కానీ ఆకులు చుట్టుకున్నాననే సిగ్గుతో ఆమె దగ్గరకు వెళ్లలేదు. ఇప్పుడు ఆ అమ్మాయి కనిపిస్తే.. వెళ్లి పలకరిస్తాను’అని సరదగా చెప్పాడు.  ప్రస్తుతం తన క్రష్‌ కియారా ఖన్నా(హాయ్‌  నాన్న చైల్డ్‌ ఆర్టిస్ట్‌) అని చెపన్పాడు. ‘ఒక్కరోజు కియారా ఖన్న చక్కగా రెడీ అయి సెట్‌కి వచ్చింది. చూడగానే ముచ్చటగా అనిపించింది. ప్రస్తుతం తనే నా క్రష్‌’అని నాని చెప్పుకొచ్చాడు. 

మరణం తర్వాత ఏమి జరుగుతుంది? మరణ  రహస్యం ఏమిటనేది ఈ ‍ప్రపంచంలో ఎవరికీ స్పష్టంగా తెలియదు. విశ్వవ్యాప్తమైన ఈ రహస్యంపై ప్రముఖ శాస్త్రవేత్తలు కూడా ఏమీ చెప్పలేకపోయారు. అయితే ప్రతీ మతానికి మరణ రహస్యంపై ప్రత్యేక వివరణలు ఉన్నాయి. మరణం అనేక రకాలుగా సంభవిస్తుంది. కొందరు ప్రమాదవశాత్తు మరణిస్తే, మరికొందరు అనారోగ్యరీత్యా మరణిస్తుంటారు.  ప్రతి ఒక్కరూ ఏదో ఒక కారణంతో మరణిస్తారు. కొందరు చనిపోయే ముందు నవ్వుతూ ఉంటారు. ఈ రకమైన మరణాన్ని 'స్మైలింగ్ డెత్' అని అంటారు. ఈ స్థితిలో బాధతో విలపిస్తున్న వారు కూడా నవ్వుతూ చనిపోతారు. దీనిని క్రష్ సిండ్రోమ్ అని కూడా అంటారు. ఇంతకీ స్మైలింగ్ డెత్ అంటే ఏమిటి? కొందరు చనిపోయే ముందు ఆకస్మికంగా ఎందుకు నవ్వుతారో ఇప్పుడు తెలుసుకుందాం.   భూకంపం లేదా ప్రకృతి వైపరీత్యంలో చిక్కుకున్న వ్యక్తి రక్తంలో పొటాషియం అధిక మోతాదులో విడుదలవుతుంది. ఈ కారణంగా గుండె చప్పుడులో అసమతుల్యత ఏర్పడుతుంది. ఫలితంగా షాక్‌లో ఉంటూనే మరణిస్తాడు. ఈ రకమైన మరణానికి ముందు సదరు వ్యక్తి అసంకల్పితంగా నవ్వడం ప్రారంభిస్తాడు. ఆ వ్యక్తి అంతర్గతంగా విపరీతమైన నొప్పిని అనుభవిస్తున్నప్పటికీ, నవ్వుతూనే ఉంటాడు. అందుకే దీనిని స్మైలింగ్ డెత్ అంటారు. ఇది కూడా చదవండి: అంతరిక్షంలోకి వెళితే వయసు పెరగదా? ‘నాసా’ పరిశోధనలో ఏమి తేలింది? తొలిసారి కనుగొన్నారిలా.. స్మైలింగ్ డెత్‌ను మొదట జపాన్‌లో కనుగొన్నారు. 1923లో జపనీస్ చర్మవ్యాధి నిపుణుడు సీగో మినామి ఈ క్రష్ సిండ్రోమ్ అనే వ్యాధిని మొదటిసారిగా గుర్తించారు. ఆ సమయంలో మొదటి ప్రపంచ యుద్ధంలో కిడ్నీ ఫెయిల్యూర్ కారణంగా చాలా మంది చనిపోయారు. మినామి.. చనిపోయిన ముగ్గురు సైనిక సైనికుల పాథాలజీని అధ్యయనం చేశారు. జపాన్ తరువాత ఇంగ్లాండ్‌లో కూడా ఈ వ్యాధిపై అధ్యయనం జరిగింది. 1941లో ఆంగ్ల వైద్యుడు ఎరిక్ జార్జ్ లాప్‌థోర్న్ క్రష్ సిండ్రోమ్‌ గురించి తెలియజేశారు. క్రష్ సిండ్రోమ్ కేసులు చాలా తీవ్రమైన ప్రకృతి వైపరీత్యాల సమయంలో సంభవిస్తాయి. భూకంపం, యుద్ధం, ఏదైనా భవనం కూలిపోవడం లేదా రోడ్డు ప్రమాదాల వంటి సందర్భాలలో క్రష్ సిండ్రోమ్ కేసులు కనిపిస్తుంటాయి.  ఉత్తర టర్కీలో భూకంపంలో క్రష్ సిండ్రోమ్(స్మైలింగ్‌ డెత్‌) కారణంగా నమోదైన మరణాల రేటు 15.2% గా ఉంది. ఈ భూకంపం 1999లో సంభవించింది. బ్రిటిష్ మెడికల్ జర్నల్ తెలిపిన వివరాల ప్రకారం క్రష్ సిండ్రోమ్ అనేది తీవ్రమైన నొప్పితో కూడిన ఒక రకమైన రిపెర్ఫ్యూజన్ గాయం. శిథిలాలలో చిక్కుకుపోవడం వల్ల శరీర కండరాలు అస్తవ్యస్తంగా మారతాయి. ఎవరైనా వ్యక్తి 4 నుండి 6 గంటల పాటు శిధిలాలలో ఉండిపోతే అతను క్రష్ సిండ్రోమ్ స్థితికి లోనవుతాడు. కొన్నిసార్లు ఈ పరిస్థితి ఒక గంటలోనే ఏర్పడవచ్చు.  మరణించే చివరి క్షణంలో.. క్రష్ సిండ్రోమ్ స్థితికి గురైన వ్యక్తి తన భావాలను సరిగా వ్యక్తపరచలేడు. ఎలాంటి ఫీలింగ్ కలిగి ఉండాలో లేదా ఏమి ఆలోచించాలో అనే ధ్యాసలో మునిగిపోతారు. తాజాగా జరిగిన అధ్యయనంలో క్రష్ సిండ్రోమ్‌కు గురైన వ్యక్తి చివరి క్షణంలో అసమంజసమైన రీతిలో ఆలోచిస్తాడని తేలింది. నేషనల్ అకాడమీ ఆఫ్ సైన్సెస్‌కు చెందిన ప్రొసీడింగ్స్ జర్నల్‌లో ప్రచురితమైన కథనం ప్రకారం మరణించే సమయంలో మనిషి.. చనిపోయిన తన బంధువులను గుర్తుకుతెచ్చుకుంటాడు. అమెరికాలోని మిచిగాన్ యూనివర్శిటీ పరిశోధకులు ఈ విషయంపై నలుగురిని ప్రయోగాత్మకంగా తీసుకున్నారు. వారు ఇక బతికే అవకాశాలు లేవని నిర్ధారించిన తరుణంలో వారికి వెంటిలేటర్ తొలగించిన తర్వాత వారి హృదయ స్పందన రేటుతో పాటు గామా కార్యకలాపాలు కూడా పెరిగాయని గుర్తించారు. ఈ ప్రయోగం ఆధారంగా శాస్త్రవేత్తలు మరణానికి ముందు సదరు వ్యక్తి తెల్లటి కాంతిని, చనిపోయిన బంధువులను చూస్తాడని, విభిన్న శబ్దాలను వింటాడని గుర్తించారు. ఇది కూడా చదవండి: ‘హలాల్‌ హాలిడే’ అంటే ఏమిటి? ముస్లిం యువతులకు ఎందుకంత ఇష్టం?

బాలీవుడ్ నటి, మాజీ మిస్ ఇండియా దియా మీర్జా పరిచయం అక్కర్లేని పేరు.  మోడల్, నటి, నిర్మాతగా రాణించింది.  మిస్ ఆసియా పసిఫిక్ 2000 టైటిల్‌ను కూడా గెలిచింది. పుట్టి పెరిగింది హైదరాబాద్‌లో అయినా.. దియా మీర్జా ఎక్కువగా బాలీవుడ్‌ చిత్రాల్లో నటించారు. రహ్నా హై తేరే దిల్ మే సినిమాతో ఎంట్రీ ఇచ్చారు. ఈ చిత్రంలో ఆమె ఆర్ మాధవన్ సరసన నటించింది. ఆ తర్వాత సంజు, తప్పడ్, భీడ్ లాంటి చిత్రాల్లో కనిపించింది. (ఇది చదవండి: నటుడితో విభేదాలు.. మరొకరితో లవ్‌లో పడ్డ నవాజుద్దీన్‌ భార్య!) కాగా.. 2019లో నిర్మాత సాహిల్‌ సంఘాను దియా మీర్జా పెళ్లి చేసుకుంది. ఆ తర్వాత విడాకులిచ్చింది. ఫిబ్రవరి 15, 2021లో వ్యాపారవేత్త వైభవ్‌ రేఖీని రెండో పెళ్లి చేసుకుంది. ఈ జంటకు ఓ అబ్బాయి జన్మించారు. దియా చివరిసారిగా భీఢ్‌ చిత్రంలో కనిపించింది. అయితే వైభవ్ రేఖీని వివాహం చేసుకున్న దియా మీర్జా స్కూల్ డేస్‌లో జరిగిన మొదటి క్రష్‌ గురించి వివరించింది. ఇటీవల ఓ ఇంటర్వ్యూకు హాజరైన దియా.. స్కూల్లో భాయ్‌ ఫ్రెండ్‌ తనను మోసం చేశాడని తెలిపింది. తనను మోసం చేసినందుకు స్కూల్ ప్రిన్సిపాల్‌కి  ఫిర్యాదు చేసినట్లు వెల్లడించింది. దియా మాట్లాడుతూ.. 'నా సీనియర్ స్కూల్‌లో నాకంటే రెండేళ్లు పెద్ద. నేను అతనిపై విపరీతమైన ప్రేమ. కానీ ఈ విషయాన్ని అతనికి  చెప్పలేదు. నేను అతన్ని ఇష్టపడ్డానని ఎలా తెలిసిందో నాకు తెలియదు. ప్రతి రోజూ మా ఇంటికి ఫోను చేసి ఐ లవ్ యు చెప్పడానికే కాల్ చేశా అనేవాడు. అది విని చాలా సంతోషించా. అతను నన్ను కూడా ప్రేమిస్తున్నాడని అనుకున్నా. మేము స్కూల్లో ఒకరినొకరు చూసుకుని నవ్వుకునేవాళ్లం. కానీ అతను నా బెస్ట్ ఫ్రెండ్‌తో కూడా అదే పని చేస్తున్నాడని తెలిసింది. దీంతో మేం నేరుగా ప్రిన్సిపాల్ కార్యాలయానికి వెళ్లాం. అతనిపై ఇద్దరం ఫిర్యాదు చేశాం.' అంటూ తెలిపింది.  కాగా.. దియా ప్రస్తుతం తరుణ్ దూదేజా దర్శకత్వం వహించిన ధక్ ధక్‌లో నటిస్తోంది. ఇందులో రత్న పాఠక్ షా, ఫాతిమా సనా,  సంజన సంఘీ నటిస్తున్నారు.  (ఇది చదవండి: ప్రముఖ రాజకీయ నాయకుడి కుమారుడితో పెళ్లి ఫిక్స్‌?)

హీరోయిన్‌ సాయిపల్లవి క్రేజ్‌ గురించి ప్రత్యేకంగా చెప్పాల్సిన పనిలేదు. నేచురల్‌ బ్యూటీగా, లేడీ పవర్‌ స్టార్‌గా తనకంటూ ప్రత్యేకమైన గుర్తింపును సంపాదించుకుంది. హిట్టూ, ఫ్లాపులతో సంబంధం లేకుండా స్టార్‌ స్టేటస్‌ను సొంతం చేసుకుంది. డ్యాన్స్‌ స్టెప్పులతో తనకంటూ ప్రత్యేకతను చాటుకున్న సాయిపల్లవికి సౌత్‌లోనే కాదు, నార్త్‌లోనూ ఎంతోమంది అభిమానులు ఉన్నారు. ఈ క్రమంలో సాయిపల్లవిపై బాలీవుడ్‌ నటుడు గుల్షన్ దేవయ్య మనసు పారేసుకున్నాడు. ఈ విషయాన్ని ఓ ఇంటర్వ్యూలో బయటపెట్టాడు. హీరోయిన్‌ సాయిపల్లవి అంటే తనకు చాలా ఇష్టమని, ఆమె తన క్రష్‌ అంటూ చెప్పుకొచ్చాడు. సాయిపల్లవి అందం, డ్యాన్స్‌కు ఫిదా అయిపోయానని, ఆమె నెంబర్‌ తన వద్ద ఉన్నా ఫోన్‌ చేసి మాట్లాడే ధైర్యం చేయలేకపోయానంటూ తన ప్రేమ గురించి వెల్లడించాడు. 'సాయిపల్లవి అద్భుతమైన నటి, డ్యాన్సర్‌. కొన్నిసార్లు ఆమె పట్ల ఇన్‌ఫాచ్యువేషన్‌కు లోనయ్యాను. ఎందుకో తెలియదు కానీ ఆమె సినిమాలన్నీ చూస్తాను. ఆమెపై నాకు ఎంత పిచ్చి అంటే జీవితంలో ఒక్కసారైనా ఆమెతో కలిసి పనిచేసే అవకాశం వస్తుందని అనుకుంటున్నా. అప్పుడు నా సంతోషానికి అవధులు ఉండవు' అంటూ గుల్షన్‌ చేసిన కామెంట్స్‌ ఇప్పుడు ఇండస్ట్రీలో హాట్‌టాపిక్‌గా మారాయి.   

హీరోయిన్‌ ధక్ష నగర్కర్‌ గురించి ప్రత్యేకంగా పరిచయం చేయాల్సిన పనిలేదు. హోరాహోరి,హుషారు వంటి సినిమాల్లో నటించినా ఈ అమ్మడికి అంతగా గుర్తింపు రాలేదు. కానీ బంగార్రాజు సినిమాలో ఓ స్పెషల్‌ సాంగ్‌లో మెరిసింది ఈ ముద్దుగుమ్మ. ఇక ఆ సినిమా ప్రీ రిలీజ్‌ ఈవెంట్‌లో నాగచైతన్య-దక్ష మధ్య జరిగిన క్యూట్‌ వీడియో ఎంతగా వైరల్‌ అయ్యిందో ప్రత్యేకంగా చెప్పక్కర్లేదు. ఇద్దరూ సైగలతో మాట్లాడుకోవడంతో ఇద్దరి మధ్య సంథింగ్ సంథింగ్ అంటూ అప్పట్లో వార్తలు పుట్టుకుచ్చాయి. తాజాగా ఓ ఇంటర్వ్యూలో మాట్లాడిన దక్ష నాగచైతన్యపై ఆసక్తికర వ్యాఖ్యలు చేసింది. ఈ సందర్భంగా ఆమె మాట్లాడుతూ.. 'చైతూ చాలా స్వీట్‌ పర్సన్‌. చై లాంటి అబ్బాయిని ప్రతి అమ్మాయి కోరుకుంటుంది. అమ్మాయిలందరి క్రష్‌ అని చెప్పొచ్చు. చాలా కేరింగ్‌గా చూసుకుంటాడు. అమ్మాయిలను చాలా గౌరవిస్తాడు. బంగర్రాజు సినిమా షూటింగ్‌ టైంలో నన్ను హగ్‌ చేసుకోవడానికి, ముద్దు పెట్టుకోవడానికి చాలా ఇబ్బంది పడ్డాడు.  ఆ సీన్స్‌ చిత్రీకరించాక వచ్చి నాకు సారీ చెప్పాడు..అంత స్వీట్ అబ్బాయి అతను అంటూ చై పై తన అభిప్రాయాన్ని బయటపెట్టింది. ప్రస్తుతం ఈ బ్యూటీ రవితేజ సరసన రావణాసుర అనే చిత్రంలో నటిస్తున్న సంగతి తెలిసిందే.  • Men Will Be Men 😜#NagaChaitanya || #Bangarraju #BangarrajuOnJan14th pic.twitter.com/J6xaQf9GZT — ChayAkkineni ™ 🏹 (@MassChayCults) January 10, 2022

సంచలనానికి మరో పేరు ఉంటే అది నటి శ్రుతిహాసనే అవుతుంది. విశ్వ నటుడు కమలహాసన్‌ వారసురాలు అయిన ఈమె తొలుత సంగీత దర్శకురాలిగా తన తండ్రి నటించిన ఉన్నైప్పోల్‌ ఒరువన్‌ చిత్రం ద్వారా పరిచయం అయ్యారు. ఆ తరువాత నటిగా తెరంగేట్రం చేశారు. హిందీలో లక్‌ చిత్రం, తెలుగులో అనగనగా ఒక ధీరుడు చిత్రాల్లో నటించిన తర్వాతే కోలీవుడ్‌లో ఎంట్రీ ఇచ్చారు. ఆ విధంగా శ్రుతిహాసన్‌కు తమిళంలో కంటే తెలుగులోనే మంచి విజయాలు వరించాయి. ఇటీవల తెలుగులో ఈ బ్యూటీ నటించిన వీరసింహారెడ్డి, వాల్తేరు వీరయ్య చిత్రాలు సంచలన విజయాన్ని సాధించాయి. ప్రస్తుతం ప్రభాస్‌ సరసన సోలార్‌ చిత్రంలో నటిస్తున్నారు. ఇది పాన్‌ ఇండియా చిత్రంగా త్వరలో తెరపైకి రావడానికి సిద్ధమవుతోంది. మరో కొత్త చిత్రానికి సైన్‌ చేయకపోయినా శ్రుతిహాసన్‌ నిత్యం వార్తల్లో ఉంటారు. తన గ్లామరస్‌ ఫోటోలను సామాజిక మాధ్యమాలలో విడుదల చేస్తూ నెటిజన్లకు బాగానే పని చెబుతుంటారు. అదేవిధంగా నిజాలను నిర్భయంగా చెప్పే నటి ఎవరైనా ఉన్నారంటే అది శ్రుతిహాసనే. తన ప్రియుడితో కలిసిన ఫొటోలను ధైర్యంగా సామాజిక మాధ్యమాలకు తెలియజేసే నటి ఈ బ్యూటీ. ఇప్పటికే రెండు మూడు సార్లు ప్రేమలో విఫలమైన శ్రుతి మళ్లీ ప్రేమలో పడినట్లు ప్రచారం సామాజిక మాధ్యమాల్లో హోరెత్తుతోంది. కాగా ఇటీవల ఈమె ఒక ఇంటర్వ్యూలో పేర్కొంటూ తన తొలి క్రష్‌ నటుడు ఎవరన్న ప్రశ్నకు ఏ మాత్రం తడుముకోకుండా హాలీవుడ్‌ నటుడు బ్రూస్‌లీ అని చెప్పారు.

నటి రష్మిక మందన్నా మరోసారి వార్తల్లోకి ఎక్కింది. ఇటీవల హిందీ, తమిళం భాషల్లో నటించిన చిత్రాలు నిరాశపరచడం, కొత్త అవకాశాలు రాకపోవడంతో తన మార్కెట్‌ డౌన్‌ అవుతుందనే అభద్రాతాభావంతో ఉందో ఏమోగానీ ఈ అమ్మడు పబ్లిసిటీ ట్రిక్స్‌ మొదలెట్టింది. అందులో భాగంగా ఇటీవల గ్లామరస్‌ దుస్తులతో కనిపిస్తోంది. అలాంటి ఫొటోలను సామాజిక మాధ్యమాల్లో పోస్ట్‌ చేస్తూ నెటిజన్లను ఆకట్టుకుంటోంది. ఈ అమ్మడిని టాలీవుడ్‌ నటుడు విజయ్‌దేవరకొండతో కలిపి చాలా విషయాలు ఇప్పటికే ట్రోలింగ్‌లో ఉన్న విషయం తెలిసిందే. ఇటీవల ఈ సంచలన జంట విదేశీ టూర్‌ కూడా వెళ్లి వార్తల్లో నిలిచారు. అయితే తమ మధ్య మంచి ఫ్రెండ్‌షిప్‌ మాత్రమే అని ఇద్దరూ చెబుతుంటారు. కాగా రష్మిక అంటే భారత క్రికెటర్‌  శుభమాన్ గిల్ కి క్రష్‌ అనే ప్రచారం హోరెత్తింది. అయితే అదంతా వదంతి అని శుభమాన్ గిల్ వివరణ ఇచ్చారు. దీంతో ఈ ప్రచారానికి తెరదించారని అందరూ అనుకున్నారు. అయితే నటి రష్మిక ఆ ప్రచారానికిప్పుడు ఆజ్యం పోసింది. ఈ బ్యూటీ ఒక ఫ్యాషన్‌ షాలో పాల్గొని అందాలను ఆరబోసింది. ఈ సందర్భంగా రష్మికను శుభమాన్ గిల్ పై మీకు క్రష్‌ ఉందా అని మీడియా అడగ్గా యా అంటూ కన్నుగీటింది. దీంతో ఇప్పుడు వీరి గురించి చర్చ వైరల్‌ అవుతోంది. 23 ఏళ్ల శుభమాన్ గిల్ పై 26 ఏళ్ల రష్మికకు క్రష్‌ అంటూ నెటిజన్లు ఏకిపారేస్తున్నారు. ప్రస్తుతం రష్మిక నటుడు అల్లు అర్జున్‌కు జంటగా పుష్ప 2 చిత్రంలో నటిస్తోంది.

చైల్డ్‌ ఆర్టిస్ట్‌గా చిత్రపరిశ్రమలోకి ఎంట్రీ ఇచ్చి.. స్టార్‌ హీరోయిన్‌గా ఎదిగిన నటి మీనా. దాదాపు మూడు దశాబ్దాలుగా స్టార్‌ హీరోయిన్‌గా రాణించింది.  కమలహాసన్, రజనీకాంత్, చిరంజీవి, బాలకృష్ణ, వెంకటేశ్‌,  నాగార్జున వంటి స్టార్‌ హీరోలందరితో కలిసి నటించింది. కెరీర్‌ పీక్స్‌లో ఉండగానే 2009లో బెంగళూరుకు చెందిన వ్యాపారవేత్త విద్యాసాగర్‌ను పెళ్లాడింది. వీరి ప్రేమకు గుర్తుగా నైనికా అనే పాప జన్మించింది. గతేడాది జూన్‌లో ఆమె భర్త మృతి చెందిన సంగతి తెలిసిందే. భర్తను కోల్పోయిన దుఃఖం నుంచి ఈమె ఇప్పుడిప్పుడే కోలుకుంటున్నారు. పలు సినిమాల్లో క్యారెక్టర్‌ ఆర్టిస్ట్‌గా నటిస్తూ.. ఆ బాధ నుంచి బయటపడేందుకు ప్రయత్నిస్తోంది.  ఇదిలా ఉంటే మీనా ఇండస్ట్రీకి వచ్చి 40 ఏళ్లు పూర్తి అవుతోంది. ఈ సందర్భంగా ఓ తమిళ చానెల్‌కు ఇంటర్వ్యూ ఇస్తూ పలు ఆసక్తికరమైన విషయాలను పంచుకుంది.  పెళ్లికి ముందు తనకు ఓ బాలీవుడ్‌ హీరో అంటే క్రష్‌ ఉండేదని, అలాంటి వ్యక్తినే వివాహం చేసుకుంటానని అమ్మతో చెప్పానని మీనా అన్నారు. మీనా మనసు పడ్డ హీరో ఎవరో కాదు...  బాలీవుడ్‌ సూపర్‌ స్టార్‌ హృతిక్ రోషన్. హృతిక్‌పై తనకు ఉన్న ప్రేమ గురించి చెబుతూ.. ‘హృతిక్ రోషన్‌ను చాలా ప్రేమించాను. నాకు హృతిక్ లాంటి అబ్బాయి కావాలి అని పెళ్లి ప్రపోజ్ చేస్తున్న మా అమ్మతో చెప్పాను. హృతిక్ పెళ్లి రోజు నా గుండె పగిలింది. అప్పటికి నాకు ఇంకా పెళ్లి కాలేదు’ అని మీనా చెప్పుకొచ్చింది.  (ఫొటో గ్యాలరీ కోసం ఇక్కడ క్లిక్ చేయండి)

ఆర్‌ఆర్‌ఆర్‌ సినిమాతో మెగా పవర్‌స్టార్‌ రామ్‌ చరణ్‌ పాన్‌ ఇండియా స్టార్‌ అయ్యాడు. ఆ సినిమా వరల్డ్‌ వైడ్‌గా రిలీజై మంచి విజయం సాధించడంతో చరణ్‌కి ప్రపంచ వ్యాప్తంగా గుర్తింపు వచ్చింది. ఆర్‌ఆర్‌ఆర్‌ మూవీ ఆస్కార్‌కు కొద్ది దూరంలో ఉంది. ఇదిలా ఉంటే ప్రస్తుతం రామ్‌ చరణ్‌ సన్సెషనల్‌ డైరెక్టర్‌ శంకర్‌ దర్శకత్వంలో ఆర్‌సీ 15 మూవీ చేస్తున్న సంగతి తెలిసిందే. ఈ నేపథ్యంలో ఇటీవల ఓ హాలీవుడ్‌ చానల్‌కు ఇచ్చిన ఇంటర్య్వూలో చరణ్‌ పలు ఆసక్తికర విషయాలను పంచుకున్నాడు.  చదవండి: వాలంటైన్స్‌ డే: తమన్నా-విజయ్‌ వర్మ రిలేషన్‌పై క్లారిటీ వచ్చేసింది? ఈ సందర్భంగా హీరోయిన్లలో తన క్రష్‌ ఎవరనే ప్రశ్న ఎదురైంది చెర్రికి. దీనికి అతడు స్పందిస్తూ హాలీవుడ్‌ నటి జూలియా రాబర్ట్స్‌ అని సమాధానం ఇచ్చాడు. ‘జూలియా రాబర్ట్స్‌ అంటే చాలా ఇష్టం. ఆమెను స్క్రీన్‌పై ఎప్పుడు చూసిన అలా కళ్లు ఆర్పకుండ చూస్తూనే ఉండిపోతా. దాన్ని అబ్సెషన్ అంటారో లేదో తెలియదు కానీ ఆమెలో ఏదో ప్రత్యేక ఉంది. అందుకే ఆమె నన్ను అంతగా ఆకర్షిస్తుంది. ‘ప్రెట్టీ ఉమెన్‌’ మూవీ నుంచి నేను ఆమెకు పెద్ద ఫ్యాన్‌ని. అలాగే ‘ఎంట్రాప్ మెంట్’ హీరోయిన్‌ కేథిరిన్ జీటా జోన్స్‌ యాక్టింగ్ చూసి ఫిదా అయ్యాను. ఆమె నటించిన సినిమాల్లో నేను మొదట చూసంది మార్క్‌ ఆఫ్‌ జోరో. ఈ సినిమా నుంచే ఆమెను ఫాలో అవ్వడం స్టార్ట్‌ చేశా’ అంటూ చెప్పుకొచ్చాడు. 

బిహార్‌లో వృద్ధుడిని ఢీ కొట్టి ఈడ్చుకెళ్లిన ఘటన తీవ్ర కలకలం రేపింది. ఢీ కొట్టడంతో ఆ వృద్ధుడు కారు ముందు భాగం బానెట్‌పై పడిపయాడు. అయినా ఆపకుండా ర్యాష్‌గా వెళ్లిపోయాడు కారు డ్రైవర్‌. ఆ తర్వాత సడెన్‌ బ్రేక్‌లు వేసి ఆ వృద్ధుడిని కింద పడేసి..అతడిపై నుంచే వెళ్లిపోయాడు. ఈ దారుణ ఘటన బిహార్‌లోని చంపారన్‌ జిల్లాలోని జాతీయ రహదారిలో చోటు చేసుకుంది. వివరాల్లోకెళ్తే...బాంగ్రా గ్రామానికి చెందిన శంకర్‌ చౌధర్‌ అనే 70 ఏళ్ల వ్యక్తి సైకిల్‌పై వస్తున్నాడు. బాంగ్రా చౌక్‌ సమీపంలోని ఎన్‌హెచ్‌27 రహదారిని దాటుతుండగా గోపల్‌గంజ్‌ పట్టణం నుంచి వేగంగా వస్తున్న కారు అతడిని ఢీ కొట్టింది. ఈ అనుహ్య ఘటనకు ఆ వృద్ధుడు ఆ కారు బానెట్‌పై పడిపోయాడు. ఐతే ఆ కారు డ్రైవర్‌ మాత్రం కారు ఆపకుండా నిర్లక్ష్యంగా పోనిచ్చాడు. అలా ఎనిమిది కిలోమీటర్ల వరకు ఆ వృద్ధుడిని ఈడ్చుకెళ్లి..సడెన్‌ బ్రేక్‌లు వేసి కింద పడిపోయేలా చేశాడు. దీంతో ఆ వృద్ధుడు ఒక్కసారిగా కారు కింద పడిపోయాడు. ఆ డ్రైవర్‌ కాస్త కూడా వృద్ధుడని కనికరం చూపకుండా.. కారుని అతని పై నుంచి తీసుకెళ్లిపోయాడు. దీంతో ఆ వృద్ధుడు అక్కడికక్కడే మరణించాడు. ఈ ఘటన జరిగిన సమయంలో చుట్టుపక్కల స్థానికులు గమనించి ఆ కారుని ఆపమని అరవడమే కాకుండా కొంతమంది ఆ కారుని వెంబడించారు. కానీ ఆ డ్రైవర్‌ ఆ స్థానికులను చూసి మరింత స్పీడ్‌గా కారుని పోనిచ్చినట్లు సమాచారం. ఈ ప్రమాదం జరిగిన వెంటనే స్థానికులు పోలీసులకు సమాచారం అందివ్వడంతో వాళ్లు ఎన్‌హెచ్‌27 రహదారి సమీపంలోని పోలీస్టేషన్లను అప్రమత్తం చేశారు. దీంతో ఆ కారుని పిప్రకోఠి సమీపంలో స్వాధీనం చేసుకున్నారు పోలీసులు. ఐతే ఆ కారు డ్రైవర్‌తో సహా కారులో ఉన్నవారందరూ పరరయ్యినట్లు పేర్కొన్నారు. ఆ కారు యజమానిని ట్రేస్‌ చేసి ఈ ఘటన గురించి విచారిస్తున్నట్లు వెల్లడించారు. ఈ మేరకు పోలీసులు నిందితులపై కేసు నమోదు చేసుకుని దర్యాప్తు చేయడం ప్రారంభించారు. ఢిల్లీలోని 20 ఏళ్ల యువతి కారుతో ఈడ్చుకెళ్లిన ఘటన తర్వాత దేశంలో ఇదేతరహాలో వరుస ఘటనలు చోటుచేసుకోవం బాధాకరం. (చదవండి:  వృద్ధుడిపై లాఠీ ఝళిపించిన మహిళా పోలీసులు)

ప్రమాదాలనేవి ఎప్పుడు, ఏ రకంగా వస్తాయో ఎవరూ ఊహించలేం. అవి ఎదురైనప్పుడు కొందరు లక్కీగా తప్పించుకున్న ఘటనలు కూడా ఉన్నాయి. తాజాగా ఓ ట్రక్‌ డ్రైవర్‌ అదృష్టం బాగుండడంతో తన ట్రక్‌ కారణంగా ప్రాణాలు పోకుండా తప్పించుకున్నాడు. అయినా, పాపం తన ట్రక్‌ మీద తెచ్చిన కారుతో ముప్పతిప్పలు పడ్డాడు. ఈ ఘటన బ్రెజిల్‌, సావోపాలోలోని చోటు చేసుకుంది. వివరాల్లోకి వెళితే..  క్యాంపినాస్‌కు చెందిన ఓ డ్రైవర్‌ తన ట్రక్‌పై నల్ల కారును తీసుకెళుతున్నాడు. అతను వెళ్తున్న దారిలో ఓ చోట ఎత్తుగా ఉండడంతో పాటు రోడ్డు మలుపు తిరుగుతుండడంతో ట్రక్‌ మీద ఉన్న కారు సడన్‌గా కిందపడి వెనుక్క వెళ్లింది. అది గమనించిన ఆ వ్యక్తి ట్రక్‌లోంచి కిందకు దూకి కారు వెంట పరిగెత్తాడు. కారు చివరకు ఓ ఇంటి ముందుకు వచ్చి ఆగింది. హమ్మయ్యా అనుకున్న డ్రైవర్‌ ట్రక్‌ను తీసుకువచ్చి కారుకు కొద్దిదూరంలో ఆపాడు. కారు టెన్షన్‌లో ట్రక్‌కు హ్యాండ్‌ బ్రేక్‌ వేయటం ఆ వ్యక్తి మర్చిపోయాడు. ఈ క్రమంలో అతడు ట్రక్‌ నుంచి కిందకు దిగి కారు దగ్గరకు వస్తుండగా.. ట్రక్‌ కిందకు దొర్లసాగింది. అతడు దాన్ని ఆపే ప్రయత్నం చేసినప్పటికి ప్రయోజనం లేకుండా పోయింది. అది ఏకంగా దొర్లుకుంటూ కారును ఢీకొట్టింది. అయితే, ట్రక్‌కు, కారుకు మధ్య ఉన్న ఆ ట్రక్‌ డ్రైవర్‌ కాస్త ఉంటే ఆ రెండింటి మధ్య నలిగిపోయేవాడే. పక్కకు జరగటంతో పెనుప్రమాదం తప్పింది. ట్రక్‌ కారును ఢీకొట్టి వెనక్కు వెళ్లి​ ఇంటిని ఢీకొట్టి ఆగిపోయింది. ఈనెల 11న జరిగిన ఈ ఘటనకు సంబంధించిన సీసీటీవీ దృశ్యాలు ప్రస్తుతం సోషల్‌ మీడియాలో వైరల్‌గా మారాయి. చదవండి: చిప్స్‌ ప్యాకెట్‌లో అది చూసి షాక్‌ అయిన కస్టమర్‌..!

మనీలా: లక్షల రూపాయలు ఖరీదు పెట్టి ఎంతో ఇష్టంగా కొనుకున్న కారు మీద చిన్న గీత కనిపించినా మనసు కలుక్కుమంటుంది. చాలా రోజుల పాటు దాని గురించే ఆలోచిస్తూ ఉంటాం. అలాంటిది కోట్ల రూపాయలు విలువ చేసే కార్లను తుక్కుతుక్కుగా మార్చితే.. అబ్బో తల్చుకోవడానికే బాధగా ఉంది కదా. కానీ ఫిలిప్పీన్స్‌ ప్రభుత్వం మాత్రం ఇదేం పట్టించుకోవడం లేదు. కోట్ల రూపాయలను విలువ చేసే లగ్జరీ కార్లను వరుసగా పార్క్‌ చేసి ఆ తర్వాత బుల్డోజర్‌తో వాటిని తుక్కుతుక్కుగా మార్చేస్తుంది. ఎందుకంటే ఈ కార్లను దేశంలోకి అక్రమంగా తీసుకువచ్చారట. దాంతో కార్‌ స్మగ్లర్స్‌ను గట్టిగా హెచ్చరించడం కోసం ఫిలిప్పీన్స్‌ ప్రభుత్వం ఈ కఠిన నిర్ణయం తీసుకుంది. ఇప్పటి వరకు 1.2మిలయన్‌ డాలర్లు(రూ. 8,89,72,920.00) విలువ చేసే 21 కార్లను ఇలా తుక్కుగా మార్చేసింది.   ఇలా ధ్వంసం చేసిన కార్లలో మెక్‌లారెన్ 620 ఆర్, పోర్స్చే 911, బెంట్లీ ఫ్లయింగ్ స్పర్ వంటి లగ్జరీ కార్లు ఉన్నాయి. అంతేకాకుండా, మెర్సిడెస్ ఎస్‌ఎల్‌కే, లోటస్ ఎలిస్, మాడిఫైడ్‌ హ్యుందాయ్ జెనెసిస్ కూపే, టయోటా సోలారా, 14 “మిత్సుబిషి జీపు’’లను ఇలా తుక్కుగా మార్చింది. బ్యూరో ఆఫ్ కస్టమ్స్ ప్రకారం, ఈ లగ్జరీ కార్లన్నీ వేర్వేరు మార్గాల ద్వారా దేశంలోకి "అక్రమ రవాణా" చేయబడ్డాయి. 2018 నుంచి 2020 వరకు వేర్వేరు సందర్భాల్లో వీటిని స్వాధీనం చేసుకుని తుక్కుగా మార్చారు. “ప్రెసిడెన్షియల్ డైరెక్టివ్ 2017-447 ప్రకారం, ప్రభుత్వం కార్ల స్మగ్లర్ల పట్ల తీవ్ర ఆగ్రహంగా ఉందని తెలపడం కోసం వీటిని ఇలా నాశనం చేయవలసిందే’’ అని అధ్యక్షుడు రోడ్రిగో రో డ్యూటెర్టే పునరుద్ఘాటించారు.  దేశంలోకి అక్రమ రవాణా చేసిన లగ్జరీ కార్లను ఇలా తుక్కుగా మార్చడం ఇది రెండో సారి. గతంలో బీఎమ్‌డబ్ల్యూ జెడ్ 1, ఫెరారీ 360 స్పైడర్, లంబోర్ఘిని గల్లార్డోతో సహా 17 వాహనాలను ఫిబ్రవరి 9 న బ్యూరో ఆఫ్ కస్టమ్స్ తుక్కుతుక్కు చేసింది. ఇది ఇక్కడ చాలా సాధారణ విషయం. గతంలో ఇలా తుక్కుగా మార్చిన వాటిలో రెనాల్ట్ 5 టర్బో, మెర్సిడెస్ ఎస్‌ఎల్ 55 ఏఎమ్‌జి, ఒపెల్ మాంటా, మసెరటి క్వాట్రోపోర్ట్, కాక లెక్కలేనన్ని లగ్జరీ కార్లు ఉన్నాయి. అయితే ప్రభుత్వ చర్యలపై మిశ్రమ స్పందన వ్యక్తం అవుతుంది. ఇంత ఖరీదైన కార్లను ఇలా ధ్వంసం చేసే బదులు ప్రభుత్వమే వేలం వేసి.. వచ్చిన డబ్బును మంచి పనుల కోసం వాడవచ్చు కదా అంటున్నారు జనాలు.  చదవండి: ఆయన లగ్జరీ చూస్తే.. బిలియనీర్లకు కూడా షాకే!

రష్మిక మందన్నా.. ప్రస్తుతం దక్షిణాదిలో మోస్ట్‌ డిసైరబుల్‌ హీరోయిన్‌గా పేరు తెచ్చుకుంది. తన క్యూట్‌ ఎక్స్‌ప్రెషన్స్‌తో నేషనల్‌ క్రష్‌గా మారిన రష్మిక అతి తక్కువ సమయంలోనే స్టార్‌ హీరోయిన్‌గా ఎదిగింది. కిరిక్‌ పార్టీ  అనే కన్నడ చిత్రం ద్వారా హీరోయిన్‌గా పరిచయమైన ఈ ముద్దుగుమ్మకు తక్కువ సమయంలోనే టాలీవుడ్‌ నుంచి పిలుపొచ్చింది. ఇక్కడ నటించిన తొలి సినిమా ‘ఛలో’తో సూపర్‌ హిట్‌ కొట్టి మంచి గుర్తింపు తెచ్చుకుంది. ఆ తర్వాత విజయ్‌ దేవరకొండ ‘గీతగోవిందం’లో నటించి స్టార్‌ హీరోయిన్‌గా మారిపోయింది. 25 ఏళ్ల ఈ ముద్దుగుమ్మ వరుసగా స్టార్‌ హీరోలతో సినిమాలు చేస్తూ బ్యాక్‌ టు బ్యాక్‌ ఆఫర్లతో యమ బిజీగా ఉంది. తాజాగా ఓ ఇంటర్వ్యూలో మాట్లాడుతూ..డేటింగ్‌కు సంబంధించి ఓ ఆసక్తికర విషయాన్ని వెల్లడించింది. ఒకవేళ తనకు అవకాశం వస్తే ఒకరోజు ప్రభాస్‌తో డేటింగ్‌కు వెళ్తానని చెప్పింది. తాను ప్రభాస్‌కు చాలా పెద్ద ఫ్యాన్‌ అని మనసులో మాటను బయటపెట్టేసింది. ప్రస్తుతం రష్మిక అల్లు అర్జున్‌ సరసన పుష్ప మూవీలో నటిస్తున్న సంగతి తెలిసిందే. అదే విధంగా ఇటీవలె కార్తీ సరసన నటించిన సుల్తాన్‌ చిత్రంతో కోలీవుడ్‌లో ఎంట్రీ ఇచ్చింది.ఈ సినిమా ఫ్లాప్‌ అయినప్పటీకీ.. రష్మిక పాత్రకు మాత్రం మంచి మార్కులే పడ్డాయి. ఇక బాలీవుడ్‌లో 'మిషన్ మజ్ను' సినిమాతో పాటు అమితాబ్‌ బచ్చన్‌తో కలిసి గుడ్ బాయ్ అనే సినిమాలో నటిస్తుంది ఈ కన్నడ బ్యూటీ.  (ఫొటో గ్యాలరీ కోసం ఇక్కడ క్లిక్ చేయండి) చదవండి :Rashmika Mandanna: డేటింగ్‌ అంటే ఏంటో తెలీదంటున్న రష్మిక హీరోగా జూ.ఎన్టీఆర్‌ అందుకున్న ఫస్ట్‌ రెమ్యూనరేషన్‌ ఎంతో తెలుసా?

హీరోయిన్‌ రష్మికా మందన్నాకు ఉన్న ఫ్యాన్‌ ఫాలోయింగ్‌ గురించి అందరికి తెలిసిందే. చాలా మంది అబ్బాయిల క్రష్‌ ఈ హీరోయిన్‌. తాజాగా ఓ తమిళ హీరో కూడా తనకు రష్మిక అంటే క్రష్‌ అని తెలిపారు. వివరాల్లోకి వెళితే.. తమిళ హీరో హరీష్‌ కల్యాణ్‌ హీరోగా బాలీవుడ్‌ చిత్రం విక్కీ డోనార్‌ను తమిళంలో ‘ధారాళ ప్రభు’ పేరుతో రీమేక్‌ చేశారు. మార్చి 13 ప్రేక్షకుల ముందుకు వచ్చిన ఈ చిత్రానికి మంచి స్పందన వచ్చింది. అయితే కరోనా కారణంగా థియేటర్లు మూతపడంతో సినిమా ప్రదర్శన ఆగిపోయింది. దీంతో ఈ చిత్రాన్ని ఏప్రిల్‌ 9న డిజిటల్‌ ప్లాట్‌ఫామ్‌లో విడుదల చేశారు. ఈ క్రమంలో ఆయన ట్విటర్‌ వేదికగా అభిమానులతో ముచ్చటించారు.  నెటిజన్లు అడిగిన పలు ప్రశ్నలకు హరీష్‌ జవాబులిచ్చారు. తనకు ఇష్టమైన సినిమాలు, ఇలా రకరకాల ప్రశ్నలకు ఆయన సమాధానం చెప్పారు. అయితే ఈ సందర్భంగా ఓ వ్యక్తి ‘నీకు ఏ హీరోయిన్‌ అంటే క్రష్‌’ అని అడిగాడు. దీనికి ఆ హీరో సమాధానమిస్తూ.. రష్మికా మందన్నా అని చెప్పారు. ఈ సమాధానం చూసిన పలువురు రష్మికా అభిమానులు ఆశ్చర్యపోయారు. త్వరలో రష్మికాతో ఏమైనా సినిమా చేయబోతున్నారా అని హరీష్‌ను ప్రశ్నించారు. అయితే అందుకు ఆ హీరో ఎలాంటి సమాధానం చెప్పలేదు. అలాగే ఇన్నేళ్లుగా తనకు మద్దతుగా నిలిచిన అభిమానులకు ఈ సందర్భంగా హరీష్‌ కృతజ్ఞతలు తెలిపారు. కాగా, ప్రస్తుతం హరీష్‌ తెలుగు చిత్రం పెళ్లి చూపులు తమిళ రీమేక్‌లో నటిస్తున్నారు. ఈ చిత్రంలో ప్రియా భవానీ శంకర్‌ హీరోయిన్‌గా నటిస్తున్నారు. అయితే కరోనా కట్టడిలో భాగంగా అన్ని రకాల షూటింగ్‌లు నిలిచిపోయిన సంగతి తెలిసిందే. #RashmikaMandanna #AskHarishKalyan @iamRashmika https://t.co/VsAqMo4FdK — Harish kalyan (@iamharishkalyan) April 8, 2020

టాలీవుడ్‌లో ప్రయోగాత్మకమైన చిత్రాలను తెరకెక్కించడంలో నటుడు, దర్శకుడు రవిబాబు ముందు వరుసలో ఉంటారు. ఫలితాలతో సంబంధం లేకుండా, ప్రయోగాలను వదిలిపెట్టకుండా డిఫరెంట్‌ కాన్సెప్ట్‌ చిత్రాలతో దర్శకుడిగా తనదైన ముద్ర వేసుకున్నాడు. ‘ఆవిరి’ చిత్రం తర్వాత రవిబాబు తాజాగా చేస్తున్న చిత్రం ‘క్రష్‌’. షూటింగ్‌ తుది దశకు చేరుకున్న ఈ చిత్రం వేసవి కానుకగా విడుదల కానుంది. దీంతో మూవీ ప్రమోషన్స్‌ను చిత్ర బృందం ప్రారంభించింది. దీనిలో భాగంగా చిత్రానికి సంబంధించిన మరో రెండు పోస్టర్లను మూవీ యూనిట్‌ విడుదల చేసింది. ప్రస్తుతం ఈ ఫోటోలు సోషల్‌ మీడియాలో వైరల్‌ అవుతున్నాయి.  ప్రపంచ దేశాలను వణికిస్తున్న ‘కరోనా వైరస్‌’వ్యాప్తికి అడ్డుకట్ట వేయడానికి మాస్క్‌లు ధరించాలంటూ సూచిస్తూ వినూత్న ఫోటోలను రూపొందించి సోషల్‌ మీడియాలో పోస్ట్‌ చేసింది. ప్రస్తుతం ఈ ఫోటోలు నెట్టింట్లో హల్‌చల్‌ చేస్తున్నాయి. ‘కుక్కపిల్ల, అగ్గిపుల్ల, సబ్బుబిళ్ళ కాదేదీ కవితకు అనర్హం అన్నట్లు కరోనా వైరస్‌ను కూడా ఉపయోగించుకుని సినిమా ప్రమోషన్స్‌ చేసుకోవచ్చని రవిబాబుకు మాత్రమే తెలుసు’అంటూ ఓ నెటిజన్‌ కామెంట్‌ చేశాడు. ఇక న్యూఇయర్‌ కానుకగా విడుదల చేసిన ఫస్ట్‌ లుక్‌ పోస్టర్‌పై కూడా నెటిజన్ల నుంచి మిశ్రమ స్పందన వచ్చిన విషయం తెలిసిందే.  తన సొంత బ్యానర్ ఫ్లయింగ్ ఫ్రాగ్స్ ప్రొడక్షన్స్‌పై రవిబాబు ఈ చిత్రాన్ని నిర్మిస్తున్నారు. 

క్రికెట్‌-సినిమా ఈ రెండు రంగాల మధ్య రిలేషన్‌షిప్‌, మంచి బాండింగ్‌ ఉంది. ఆనాటి నుంచి ఈనాటి వరకు అనేక మంది టీమిండియా క్రికెటర్లు సినిమా హీరోయిన్లతో ప్రేమాయణం నడిపించారు. కొన్ని ప్రేమ జంటలు పెళ్లి పీటలు ఎక్కగా మరికొన్ని జంటలు ప్రేమికులుగానే విడిపోయారు. పటౌడీ, అజహరుద్దీన్‌, సౌరవ్‌ గంగూలీ వంటి క్రికెటర్లు కూడా హీరోయిన్లతో ప్రేమాయణం నడిపించినట్టు అప్పట్లో అనేక వార్తలు వచ్చాయి. ఇక విరాట్‌ కోహ్లి, హర్భజన్‌ సింగ్‌, యువరాజ్‌ సింగ్‌లు బాలీవుడ్‌ హీరోయిన్లతో ప్రేమలో పడి వివాహం చేసుకున్న విషయం తెలిసిందే. తాజాగా ఆల్‌రౌండర్‌ హార్దిక్‌ పాండ్యా కూడా బాలీవుడ్ నటి నటాశాతో నిఖా ఫిక్స్‌ చేసుకోగా.. కేఎల్‌ రాహుల్‌ ఓ హీరోయిన్‌తో డేటింగ్‌లో ఉన్నట్లు వార్తలు వస్తున్నాయి. అయితే తనకు కూడా సెలబ్రెటీ క్రష్‌ ఉందని టీమిండియా సీనియర్‌ క్రికెటర్‌ సురేష్‌ రైనా తాజాగా తెలిపాడు.  తాజాగా ఓ ఇంటర్వ్యూలో పాల్గొన్న రైనా ఓ ఆసక్తికర విషయాన్ని వెల్లడించాడు. బాలీవుడ్ బ్యూటీ సోనాలి బింద్రేపై తనకున్న ప్రేమ‌ని వివ‌రించాడు రైనా. కాలేజీ రోజుల నుంచి సోనాలితో డేటింగ్‌కు వెళ్లాలనే ఆశ ఉండేదని తెలిపాడు. అయితే తన కోరిక నెరవేరలేదన్నాడు. కానీ.. ఓ రోజు సోనాలి నుంచి స్పెషల్‌ మెసేజ్‌ వచ్చిందని సంతోషం వ్యక్తం చేశాడు. అమె ఎప్పటికీ తనతో పాటు ఎంతో మందికి కలల రాకుమారేనని అన్నాడు. ప్రాణాంతక క్యాన్సర్‌ వ్యాధితో పోరాడి గెలిచిన సమయంలో ఆమె యువ తరానికి ఓ రోల్‌ మాడల్‌గా నిలిచారని రైనా పేర్కొన్నాడు. ఇక గత కొంతకాలంగా క్రికెట్‌కు దూరంగా ఉంటున్న రైనా రానున్న ఐపీఎల్‌లో రాణించి టీమిండియాలో చోటు దక్కించుకోవాలిన ఉవ్విళ్లూరుతున్నాడు.   చదవండి: పాక్‌ పౌరసత్వం కోసం సామీ దరఖాస్తు! మాకు కోహ్లి కావాలి: బంగ్లాదేశ్‌ ‘జడేజానే నా ఫేవరెట్‌ ప్లేయర్‌’

న్యూఢిల్లీ : సోషల్‌ మీడియాలో ఎంతో ప్రాచుర్యం పొందిన ‘ఫేస్‌బుక్‌’ అమెరికా వినియోగదారుల కోసం కొత్త ఫీచర్‌ను ప్రవేశపెట్టింది. ‘సీక్రెట్‌ క్రష్‌ (రహస్య ప్రేమ)’ పేరిట డేటింగ్‌ ఫ్లాట్‌ఫారమ్‌ను తీసుకొచ్చింది. ఈ ఫ్లాట్‌ఫామ్‌పై తమ ఇష్టాయిష్టాలను నిర్భయంగా పరస్పరం పంచుకోవచ్చు. తమ మిత్రుల మిత్రులను కూడా దీని ద్వారా పరిచయం చేయవచ్చు. వారి వివరాలను కూడా ఈ కొత్త ఫీచర్‌లో పొందుపర్చవచ్చు. దీనికి ఫేస్‌బుక్‌ యూజర్లతోపాటు ఇన్‌స్టాగ్రామ్‌ యూజర్లను, ఇన్‌స్టాగ్రామ్‌ ఫొటోలను కూడా అనుసంధానించవచ్చు. ‘టిండర్‌’ అనే డేటింగ్‌ వెబ్‌సైట్‌కు పోటీగా తీసుకొచ్చిన ఈ కొత్త ఫీచర్‌ను ఫేస్‌బుక్‌ గురువారం నుంచే అమెరికా యూజర్లకు అందుబాటులోకి తెచ్చింది. ఇతర డేటింగ్‌ సైట్లలాగా ఒకరితో ఒకరు కనెక్ట్‌ కావడానికి పరస్పరం ‘మ్యాచ్‌’ కావాల్సిన అవసరం లేదు. ఫ్రొఫైల్‌ను లైక్‌ చేయడం ద్వారా, ఫొటోపై వాఖ్యానం చేయడం ద్వారా ‘సీక్రెట్‌ క్రష్‌’తో ఒకరికొకరు సంధానం కావచ్చు. ఈ కొత్త ఫీచర్‌లో ఒక్కరు తొమ్మిది మంది ఫేస్‌బుక్‌ లేదా ఇన్‌స్టాగ్రామ్‌ యూజర్లకు కనెక్ట్‌ కావచ్చు. తద్వారా వారి మిత్రులే కాకుండా మిత్రుల మిత్రుల ప్రొఫైల్స్‌ను కూడా షేర్‌ చేసుకోవచ్చు. మాట్లాడుకోవచ్చు. ఎదుటి వారు నచ్చని పక్షంలో సింపుల్‌గా ఇంటూ మార్క్‌ను క్లిక్‌ చేసి ముందుకు పోవచ్చు. ఓ యూజర్‌కు ఫేస్‌బుక్, ఇన్‌స్టాగ్రామ్‌లలో నిక్షిప్తం చేసిన సమాచారం, ఫొటోలను నేరుగా ఈ ‘సీక్రెట్‌ క్రష్‌’పైకి తీసుకొచ్చి మిత్రులతో షేరు చేసుకోవచ్చు. నిజంగా డేటింగ్‌ చేయాలనుకుంటున్న వారి జాబితాను కూడా ఇందులో ‘సీక్రెట్‌’గా దాచుకోవచ్చు. ఇందులో యూజర్ల వ్యక్తీకరణ, గోప్యతను ఈ ‘సీక్రెట్‌ క్రష్‌’ సమతౌల్యం చేస్తుందని నిర్వాహకులు తెలిపారు. ఫేస్‌బుక్, గూగుల్‌ లాంటి టెక్‌ దిగ్గజ సంస్థలను యూజర్ల వ్యక్తిగత గోప్యతను పరిరక్షించలేక పోతున్నాయంటూ ఇటీవల ఎక్కువగా విమర్శలు వచ్చిన విషయం తెల్సిందే. (ఇది చదవండి: 41 కోట్ల యూజర్ల వివరాలు లీక్‌)