ఒక్క మెడిసిన్‌ రిజెక్ట్‌ అయినందుకు ఏకంగా 75% ఉద్యోగులను తొలగించింది ఓ అమెరికన్‌ ఔషధ సంస్థ. లైకోస్ థెరప్యూటిక్స్ అనే కంపెనీ పోస్ట్ ట్రామాటిక్ స్ట్రెస్ డిజార్డర్‌ చికిత్సలో ఉపయోగించే సైకోథెరపీ డ్రగ్‌ ఎండీఎంఏను తయారు చేసింది. దీన్ని యూఎస్‌ ఔషధ నియంత్రణ సంస్థ ఎఫ్‌డీఏ ఆమోదానికి పంపగా తిరస్కరించింది.ఎఫ్‌డీఏ ఎండీఎంఏ ఔషధాన్ని తిరస్కరించిన వారం రోజుల్లోనే తమ సిబ్బందిలో 75% మందిని తొలగిస్తున్నట్లు, కంపెనీ వ్యవస్థాపకుడు బోర్డు నుంచి వైదొలుగుతున్నట్లు లైకోస్ థెరప్యూటిక్స్ ప్రకటించింది. "మేము ఎఫ్‌డీఏ నిర్ణయాన్ని అంగీకరిస్తున్నాం. ఈ సరికొత్త ఔషధాన్ని మార్కెట్లోకి తీసుకురావడానికి మరింత కృషి చేస్తాం" అని బోర్డు ఛైర్మన్ జెఫ్ జార్జ్ ఒక ప్రకటనలో తెలిపారు.ఎఫ్‌డీఏ తిరస్కరణ నిర్ణయాన్ని సీరియస్‌గా తీసుకున్న కంపెనీ తమ ఔషధానికి మళ్లీ ఎఫ్‌డీఏ ఆమోదం పొందేలా తీవ్ర ప్రయత్నాలను చేపట్టింది. క్లినికల్ డెవలప్‌మెంట్ ప్రోగ్రామ్, ఏజెన్సీతో సమన్వయం సహా ఆ ప్రయత్నాలను పర్యవేక్షించడానికి జాన్సన్ & జాన్సన్ మాజీ ఎగ్జిక్యూటివ్ డేవిడ్ హగ్‌ని నియమించింది. ఇప్పుడు లైకోస్‌లో సీనియర్ మెడికల్ అడ్వైజర్ అయిన హగ్, 17 ఏళ్లకు పైగా జాన్సన్ & జాన్సన్‌లో ఉన్నారు.ఎఫ్‌డీఏ ఆమోదం కోసం తమ ఎండీఎంఏ ఔషధాన్ని మళ్లీ సమర్పించాలని లక్ష్యంగా పెట్టుకున్నట్లు లైకోస్ తెలిపింది. అయితే ఇది ఎంత సమయం పడుతుందో అంచనా వేయలేదు. మరొక ఫేజ్‌ 3 అధ్యయనాన్ని నిర్వహించాలని ఎఫ్‌డీఏ కోరిందని కంపెనీ గతంలో చెప్పింది. సాధారణంగా ఇది పూర్తి చేయడానికి చాలా సంవత్సరాలు పడుతుంది.డిపార్ట్‌మెంట్ ఆఫ్ వెటరన్స్ అఫైర్స్ ప్రకారం, 2020లో దాదాపు 13 మిలియన్ల అమెరికన్లు పోస్ట్ ట్రామాటిక్ స్ట్రెస్ డిజార్డర్‌ను కలిగి ఉన్నారు. దీని చికిత్స కోసం అతి తక్కువ ఔషధాలు అందుబాటులో ఉన్నాయి. ఎఫ్‌డీఏ ఆమోదించిన రెండు మందులు ఉన్నప్పటికీ కొంత మంది రోగులకు అవి ప్రభావవంతంగా పనిచేయడం లేదు.

జంతువుల్లో ప్రాణాంతకమైన బర్డ్‌ఫ్లూ వైరస్‌ అమెరికాలో మనిషికి సోకడం భయాందోళన కలిగిస్తోంది. వైరస్‌ ఆనవాళ్లు మనుషులు తాగే ఆవు పాలలో కనిపించడంతో అందరూ భయాందోళన చెందుతున్నారు. ఈ నేపథ్యంలో అమెరికా ఆరోగ్య శాఖ అధికారులు కీలక విషయం చెప్పారు.యూఎస్‌ స్టోర్లలో విక్రయిస్తున్న పాలు బర్డ్ ఫ్లూ నుండి సురక్షితమైనవని అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ వెల్లడించింది. ఎందుకంటే ఈ పాలను పాశ్చరైజేషన్ చేస్తారని, పాశ్చరైజేషన్ వ్యాధిని ప్రభావవంతంగా చంపుతుందని పేర్కొన్నారు.అత్యంత వ్యాధికారక ఏవియన్ ఇన్‌ఫ్లుయంజా (HPAI) వ్యాప్తి దేశవ్యాప్తంగా పాడి పశువుల మందల ద్వారా వ్యాపించింది. తేలికపాటి లక్షణాలతో ఒక వ్యక్తికి సోకింది. దీంతో దేశవ్యాప్తంగా అన్ని పాల విక్రయ సంస్థల నుంచి నమూనాలను ఎఫ్‌డీఏ పరీక్షించింది. ఇందులో ప్రతి ఐదు శాంపిల్స్‌లో ఒక దాంట్లో వైరస్‌ ఆనవాళ్లు కనిపించాయని ఎఫ్‌డీఏ పేర్కొంది.అయితే పాశ్చరైజేషన్ ప్రక్రియ కారణంగా వైరస్ పాల ద్వారా ఆరోగ్యానికి హాని కలిగించే అవకాశం లేదని ఎఫ్‌డీఏ ప్రకటించింది. దీనిపై మరిన్ని పరీక్షలు అవసరమని పేర్కొంది. హెచ్‌పీఏఐని నిష్క్రియం చేయడంలో పాశ్చరైజేషన్ ప్రభావవంతంగా ఉంటుందిని ప్రాథమిక ఫలితాల్లో గుర్తించినట్లు ఎఫ్‌డీఏ వెల్లడించింది. ఇంతకుముందు బర్డ్ ఫ్లూ ఆనవాళ్లు పచ్చి పాలలో కనుగొనడంతో ఆరోగ్య అధికారులు పచ్చి పాలను తాగొద్దని సూచించారు.

ముఖ్యమంత్రి వైఎస్‌ జగన్‌ నేతృత్వంలో సంక్షేమం, అభివృద్ధిలో ఆంధ్రప్రదేశ్‌ దూసుకెళ్తోంది. విదేశీ ప్రత్యక్ష పెట్టుబడులు రాబట్టే విషయంలోనూ వేగంగా ముందుకు సాగుతుందని కేంద్రం స్పష్టం చేసింది. విదేశీ ప్రత్యక్ష పెట్టుబడుల్లో (ఎఫ్‌డీఐ) ఆంధ్రప్రదేశ్‌ సరికొత్త రికార్డ్‌లను నమోదు చేసింది. ఆర్ధిక సంవత్సరం 2022-2023 నాటికి అత్యధికంగా 284.22 మిలియన్‌ డాలర్లను రాష్ట్రం రాబట్టినట్లు కేంద్ర పరిశ్రమలు, వాణిజ్య శాఖ సహాయమంత్రి సోమ్ ప్రకాష్ తెలిపారు. టీడీపీ ఎంపీ కనకమేడల రవీంద్ర కుమార్‌ రాజ్య సభలో మాట్లాడుతూ.. 2019 నుంచి రాష్ట్రానికి వచ్చిన విదేశీ ప్రత్యక్ష పెట్టుబడుల వివరాలు చెప్పాలని వాణిజ్య, పరిశ్రమల శాఖ మంత్రి సోమ్‌ ప్రకాష్‌ను కోరారు. ఈ సందర్భంగా రాష్ట్రంలో విదేశీ పెట్టుబడులను రాబట్టే విషయంలో సీఎం జగన్ ప్రభుత్వం విఫలమైందని చూపేందుకు ప్రతిపక్ష టీడీపీ చేసిన ప్రయత్నం బెడిసికొట్టింది. మే 2019 నుంచి రాష్ట్రంలో ఎఫ్‌డీఐ ప్రవాహం భారీగా తగ్గిపోయిందని, ఫలితంగా ఉపాధి కల్పన, ఉద్యోగావకాశాలు పడిపోయాయని ప్రభుత్వానికి తెలుసా? తెలియదా? అంటూ టీడీపీ ప్రశ్నించింది. కనకమేడల ప్రశ్నకు కేంద్ర మంత్రి సోమ్ ప్రకాశ్ ఊహించని రీతిలో సమాధానం ఇచ్చారు. ఏపీకి విదేశీ ప్రత్యక్ష పెట్టుబడులు ఎక్కడా తగ్గలేదని, ఇంకా చెప్పాలంటే 2022-23 ఆర్థిక సంవత్సరంలో ‘ఆల్ టైమ్ రికార్డ్’ స్థాయిలో పెరిగాయని చెప్పారు.  మహమ్మారి కారణంగా 2020-21 ఆర్థిక సంవత్సరంలో విదేశీ పెట్టుబడులు తాత్కాలికంగా తగ్గాయని’ రాత పూర్వకంగా పేర్కొన్నారు. అక్టోబర్ 2019 నుండి మార్చి 2023 వరకు ఆంధ్రప్రదేశ్‌కు వచ్చిన విదేశీ పెట్టుబడులు స్థిరంగా పెరుగుతున్నట్లు తెలిపారు. 2019-20 (అక్టోబర్ 2019-2020)లో ఆంధ్రప్రదేశ్‌కి వచ్చిన మొత్తం ఎఫ్‌డిఐ పెట్టుబడులు 200.97 మిలియన్లు. మహమ్మారి కారణంగా 2020-21లో ఇది 85.85 మిలియన్లకు తగ్గింది. కానీ 2021-22లో 224.96 మిలియన్లకు, 2022-23లో 284.22 మిలియన్లకు పెరిగింది’అని కేంద్ర పరిశ్రమలు, వాణిజ్య శాఖ సహాయమంత్రి సోమ్ ప్రకాష్ స్పష్టం చేశారు.

మనిషి మెదడులో చిప్‌ను ప్రవేశపెట్టే కీలక ప్రాజెక్టులో ఎలాన్‌మస్క్‌కు చెందిన న్యూరాలింక్‌కు అమెరికా రెగ్యులేటరీ కీలక అనుమతి లభించింది. ఈ విషయాన్ని న్యూరాలింక్‌  స్వయంగా ట్విటర్‌ ద్వారా ప్రకటించింది.  దీనిపై ట్విటర్‌లో అభినందనలువ వెల్లువెత్తుతున్నాయి. ఇదీ చదవండి: మరో సంచలనం: బ్రెయిన్‌ చిప్‌, మస్క్‌కు గ్రీన్‌ సిగ్నల్‌  తొలి హ్యూమన్ క్లినికల్ స్టడీకి ఎఫ్‌డీఏ మోదం లభించిందని తెలిపేందుకు సంతోషిస్తున్నామని న్యూరాలింక్ ట్వీట్ చేయడంతో ఇది వైరల్‌గా మారింది. చాట్‌జీపీటి కంటే మనుషులకు ఎక్కువ అవసర మైందంటూ ట్వీపుల్‌ వ్యాఖ్యానించారు. ఒక కొడుకుకు తండ్రిగా చాలా సంతోషిస్తున్నాను. అభినందనలు అని ఒకరు,  నా కొడుకు ఆరోగ్యంగా ఉండటం ముఖ్యం. ఈ ఏడాదిలో ఉన్న అత్యుత్తమ వార్త అంటూ మరో వినియోగదారుడు న్యూరాలింక్‌ను అభినందించారు. అయితే మానవ మెదడు లోపల చిప్‌లను అమరిక, ప్రయోగాలపై వ్యతిరేక వ్యాఖ్యలున్నప్పటికీ ఈ ట్రయల్స్‌కు నన్ను  ఎంచుకోండి అంటూ  ఒక యూజర్‌ మస్క్‌కు విజ్ఞప్తి చేయడం విశేషం.  I would like to be the first few people to get it I know all the risks and would sign anything needed 🙏 in 1999 I had a dream of a man that said he used neuralink to be in my dream he also told me about Starship it took 24 years to wait for this they are connected somehow… — Bradley P.R Gannon (@statehood101) May 25, 2023 @neuralink Congratulations on getting the FDA's approval! Hope the first-in-human clinical study goes better than the last time humans were used as test subjects for a first-in-human experiment. — Shing ha (@ReplyGPT) May 26, 2023 ఈ అద్భుత ప్రయోగంలో పాల్గొన్న ప్రపంచంలోనే తొలి వ్యక్తిగా ఉండాలనుకుంటున్నాను! అని ఒక యూజర్‌ ట్వీట్‌ చేశారు. దాదాపు ఇదే ఆసక్తిని మరొకరు ప్రదర్శించగా  హ్యూమన్ క్లినికల్ ట్రయల్ కోసం రిక్రూట్‌మెంట్ ఇంకా మొదలు పెట్టలేదనీ, దీనికి సంబంధించిన మరింత సమాచారాన్ని త్వరలో ప్రకటిస్తామని న్యూరాలింక్ సమాధాన మిచ్చింది.  మరిన్ని ఇంట్రస్టింగ్‌వార్తలకోసం చదవండి సాక్షి బిజినెస్‌

సాక్షి, ముంబై: టెస్లా అధినేత మరో అద్భుత ప్రయోగానికి శ్రీకారం చుట్టబోతున్నాడు. నేరుగా మనుషుల మెదడులోకి చిప్‌ను (Chip In Brain) ప్రవేశ పెట్టే ప్రయోగాలకు  గ్రీన్‌ సిగ్నల్‌ లభించింది. ఈ మేరకు అమెరికా ప్రభుత్వ ఆహార,ఔషధ నియంత్రణ సంస్థ (FDA) నుంచి అనుమతి లభించిందని ఎలాన్ మస్క్ ట్విటర్‌ ద్వారా  ప్రకటించారు.  ఎప్పటినుంచో ఎదురుచూస్తున్న ఇన్-హ్యూమన్ క్లినికల్ స్టడీకి సంబంధించి అనుమతో మరో చారిత్ర ప్రయోగానికి నాంది పడనుంది. మనిషి మెదడును నేరుగా కంప్యూటర్‌లతో లింక్ చేయడమే దీని ఉద్దేశం. ఇందులో భాగంగా ఆసక్తి ఉన్నవారిని వాలంటీర్లుగా ఎంపిక చేసి ప్రయోగాలు చేపట్టనుంది. ఇది ముఖ్యమైన ముందడుగు. తొలి హ్యూమన్ క్లినికల్ స్టడీకి ఆమోదం లభించిందని తెలిపేందుకు సంతోషిస్తున్నామని న్యూరాలింక్ ట్వీట్ చేసింది. (వరల్డ్‌ ఫాస్టెస్ట్‌ కారు కొన్న దిగ్గజ ఆటగాడు: రూ. 29 కోట్లు) కాయిన్ సైజ్ (అంచనా) చిప్‌ను కోతుల మెదడులో  అమర్చి ఇప్పటికే ప్రయోగాలు చేసింది సంస్థ. ఈ ఫలితాలతో రూపొందించిన నివేదికలను న్యూరాలింక్ కంపెనీ ఎఫ్‌డీఏ ముందుంచింది. వీటిని పరిశీలించిన రెగ్యులేటరీ బ్రెయిన్ చిప్‌ వల్ల తీవ్రమైన సైడ్ ఎఫెక్ట్స్ ఉండవనే అభిప్రాయానికి వచ్చిన నేపథ్యంలో తాజా అనుమతి లభించింది.  (మంటల్లో మహీంద్రా ఎక్స్‌యూవీ700: వీడియో వైరల్‌, స్పందించిన కంపెనీ ) కాగా గత ఏడాది డిసెంబర్‌లో న్యూరాలింక్ డివైస్‌ పరీక్షలకు సిద్ధంగా ఉందని మస్క్ వెల్లడించాడు. పందులు, కోతులపై ప్రయోగాల తరువాత క్లినికల్‌ ట్రయల్స్‌ చేయాలని భావించాడు. కానీ మార్చి 2023లో భద్రతా ప్రమాదాల రీత్యా మానవ మెదడులో చిప్‌ను అమర్చే ప్రయోగాలపై  న్యూరాలింక్ అభ్యర్థనను ఎఫ్‌డీఏ తిరస్కరించింది. పక్షవాతం, అంధత్వం వంటి తీవ్రమైన వ్యాధులకు బ్రెయిన్ చిప్ ద్వారా సాధ్యమవుతుందని  న్యూరాలింక్ విశ్వసిస్తోంది. మెదడు ఇంప్లాంట్  మానవ పరీక్షల కోసం 2019 నుండి మస్క్ వెయిట్‌ చేస్తున్నాడు. ఏఐని తీవ్రంగా వ్యతిరేకించే మస్క్‌ దాన్ని ఎదుర్కోవడానికే న్యూరాలింక్‌ ప్రాజెక్టుకు శ్రీకారం చుట్టాడు. ఏఐని అధిగమించేలా మానవ మేధస్సును, సామర్థ్యాలను పెంచడానికి ఈ ప్రాజెక్టు దోహదపడుతుందని  చెబుతున్న సంగతి తెలిసిందే. (విప్రో చైర్మన్‌ కీలక నిర్ణయం, సగం జీతం కట్‌) న్యూరాలింక్  న్యూరాలింక్ అనే న్యూరోటెక్నాలజీ కంపెనీని 2016లోమస్క్‌ స్థాపించాడు. మానవమెదడు, కంప్యూటర్‌లు లేదా ఇతర బాహ్య పరికరాల మధ్య ప్రత్యక్ష సంబంధం ఉండేలా ఇంప్లాంటబుల్ బ్రెయిన్-కంప్యూటర్ ఇంటర్‌ఫేస్‌లను (BCIలు) అభివృద్ధి చేయడం దీని ప్రాథమిక లక్ష్యం. మానవ మేధస్సును కృత్రిమ మేధస్సుతో విలీనం చేయడం ద్వారా మానవ జ్ఞానాన్ని మెరుగుపరచడం , నాడీ సంబంధిత రుగ్మతలను సమర్థవంతంగా ఎదుర్కోవడం. ఇలాంటి మరెన్నో విశేషమైన వార్తలు, అప్‌డేట్స్‌ కోసం సాక్షిబిజినెస్‌ చదవండి: Congratulations Neuralink team! https://t.co/AWZGf33UDr — Elon Musk (@elonmusk) May 26, 2023

బ్రెయిన్‌ కంప్యూటర్‌ ఇంటర్‌ ఫేస్‌ (బీసీఐ) స్టార్టప్‌ న్యూరాలింక్‌ కో-ఫౌండర్‌ ఎలాన్‌ మస్క్‌కు భారీ షాక్‌ తగిలింది. మనుషులపై చిప్‌ ఇంప్లాంట్‌ చేసే ట్రయల్స్‌ అనుమతుల్ని అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ) నిరాకరించింది.    ‘చిప్‌ బ్యాటరీ సిస్టమ్, దాని ట్రాన్స్‌ డెర్మల్ ఛార్జింగ్ సామర్థ్యాల గురించి ఎఫ్‌డీఏ ఆందోళన వ్యక్తం చేసింది. బ్యాటరీ విఫలమైతే రోగులకు ప్రమాదం. అయితే బ్యాటరీ విఫలం కావడానికి అవకాశం లేదు. వైఫల్యమైతే చుట్టుపక్కల కణజాలానికి నష్టం జరగకుండా నిరోధించడానికి తగిన చర్యలు ఉన్నాయనేలా హామీ ఇవ్వాలని’ ఎఫ్‌డీఏ న్యూరాలింక్‌ను కోరింది.  ఎఫ్‌డీఏ లేవనెత్తిన మరొక ఆందోళన కరమైన విషయం ఏంటంటే? చిప్‌ను బ్రెయిన్‌ నుంచి తొలగించే సమయంలో మెదడులోని సున్నితమైన కణజాలం దెబ్బతినే ప్రమాదం ఉంది. దెబ్బతింటే రోగి శరీరం రంగును మార్చేయడమే కాదు..మరణం సంభవించే అవకాశం ఉందని తెలిపింది. పై అంశాలను పరిగణలోకి తీసుకొని ఎఫ్‌డీఐ న్యూరాలింక్‌ హ్యూమన్ ట్రయల్స్‌ను వ్యతిరేకించిందంటూ పలు నివేదికలు వెలుగులోకి వచ్చాయి. 

సాక్షి, విశాఖపట్నం: ఫార్మా పరిశ్రమలు కేవలం ఔషద ఉత్పత్తులపైనే కాకుండా... వాటి రక్షణ, నిల్వలపైనా దృష్టి సారించాల్సిన అవసరం ఉందని అమెరికా ఆహార, ఔషధ నియంత్రణ సంస్థ (ఎఫ్‌డీఏ) సీనియర్‌ పాలసీ అడ్వైజర్‌ బ్రూకీ హెగిన్స్‌ చెప్పారు. ఆంధ్ర విశ్వవిద్యాలయంలో ఏయూ ఫార్మశీ కళాశాల, యూఎస్‌ ఎఫ్‌డీఏ ఆధ్వర్యాన రెండు రోజులపాటు నిర్వహించిన వర్క్‌షాప్‌ శుక్రవారం ముగిసింది. ఈ కార్యక్రమంలో పాల్గొనేందుకు వచ్చిన బ్రూకీ హెగిన్స్‌... ‘సాక్షి’తో ప్రత్యేకంగా మాట్లాడారు. ఫార్మా రంగానికి సంబంధించిన పలు విషయాలను వెల్లడించారు. ఆ వివరాలు ఆమె మాటల్లోనే.... నిరంతర పరిశీలన  ► ఆహార ఉత్పత్తులే కాదు, ఔషధాల తయారీ, నిల్వ­ల విషయంలో సరైన పద్ధతుల్లో నాణ్యత, భ­ద్రత ప్రమాణాలను పరిశీలిస్తు­న్నాం.   ► మందులు, వైద్య పరికరాల పరిరక్షణ­కు ఎఫ్‌డీఏ గైడ్‌లైన్స్‌ పాటించాల్సిందే.   ► ఫార్మా పరిశ్రమలు క్లీన్‌ రూమ్‌ ప్రమాణాలను పాటించాలి. ముఖ్యంగా స్టెరైల్‌గా భావించే ఔషధాలను ఉత్పత్తి చేసిన అనంతరం సూక్ష్మజీవుల బారినపడకుండా భద్రపరచాలి. లేదంటే వాటిని వినియోగించేవారి ఆరోగ్యంపై తీవ్ర ప్రభావం చూపుతుంది.  ►అసెప్టిక్‌ ప్రాసెసింగ్‌ (సూక్ష్మ కణాలు చేరకుండా భద్రపరచడం) అనేది ఫార్మా ఉత్పత్తుల కార్య­కలా­పాల్లో అత్యంత ముఖ్యమైనది. ప్రమాదకరమైనది కూడా.   ► సాధారణంగా ఒక మనిషి శరీరం నుంచి రోజూ లక్షలాది బ్యాక్టీరియాలు విడుదలవుతుంటాయి. వీటి ద్వారా మందులు తయా­రుచేసే సమయంలోనే కొన్నిసార్లు కలుషితమయ్యే ప్రమాదం ఉంది. అందుకే డ్రగ్స్‌ తయారీలో గ్లోవ్‌ లెస్‌ రోబోటి­క్స్‌ అసలైన ప్రత్యామ్నాయంగా భావించవచ్చు.   ► డ్రగ్స్‌ తయారీ, భద్రత విషయంలో భారత్‌లోని ఫార్మా పరిశ్రమలు అద్భుతంగా వ్యవహరిస్తున్నాయి.   ► జనరిక్‌ ఔషధాల తయారీ, సరఫరాలో భారత్‌ నంబర్‌ వన్‌గా ఉంది. ప్రపంచంలోనే మూడో అతి పెద్ద డ్రగ్‌ పరిశ్రమగా, విలువ ప్రకారం పదో స్థానంలో భారత్‌ ఉంది. ఫార్మారంగంలో అమెరికాతో సత్సంబంధాలు మెరుగుపడుతున్నాయి.     

న్యూఢిల్లీ:  దేశీయ ఫార్మా దిగ్గజం  సన్‌ ఫార్మాకు అమెరికాలో భారీ షాక్‌  తగిలింది. అధిక రక్తపోటు చికిత్సలో వాడే జనరిక్‌  మందు అమెరికా మార్కెట్‌లో డిసల్యూషన్ టెస్టింగ్‌లో  విఫలమైంది. దీంతో  34వేలకు పైగా జెనరిక్ మందుల బాటిళ్లను  రీకాల్ చేస్తోంది. అమెరికా ఫుడ్ అండ్ డ్రగ్ అడ్మినిస్ట్రేషన్ ఎన్‌ఫోర్స్‌మెంట్ రిపోర్ట్ ప్రకారం అమెరికాలోని  సన్ ఫార్మాకు చెందిన ఏంజినా అధిక రక్తపోటు,  ఇర్రెగ్యులర్‌ హార్ట్‌ బీట్స్‌ సమస్యకు  చికిత్స చేయడానికి ఉపయోగించే Diltiazem హైడ్రోక్లోరైడ్  క్యాప్సూల్స్‌ను రీకాల్ చేస్తోంది. వీటిని వాడటంతో తాత్కాలిక లేదా వైద్యపరంగా రివర్సిబుల్ ప్రతికూల ఆరోగ్య పరిణామాలకు కారణం కావచ్చు లేదా తీవ్రమైన ప్రతికూల ఆరోగ్య పరిణామాల  సంభవించవచ్చని యూఎస్‌ ఎఫ్‌డీఏ హెచ్చరించింది.   "స్టెబిలిటీ టెస్టింగ్ సమయంలో ఫెయిల్డ్ ఇంప్యూరిటీ(డీసెటైల్ డిల్టియాజెమ్ హైడ్రోక్లోరైడ్) స్పెసిఫికేషన్, ఎఫ్‌డీఏ ల్యాబ్‌లో డిసోల్యూషన్ టెస్టింగ్ ఫెయిల్యూర్‌ కారణంగా ప్రభావితమైన లాట్‌ను రీకాల్ చేస్తోంది. ముంబైకి చెందిన డ్రగ్ మేజర్ గుజరాత్‌లోని ప్లాంట్‌లోవీటిని ఉత్పత్తి చేస్తోంది.  ఈ ఏడాది జనవరి 13న క్లాస్ II దేశవ్యాప్తంగా రీకాల్ (అమెరికా)ను  ప్రారంభించింది. కాగా మల్టిపుల్ మైలోమా చికిత్సలో ఉపయోగించే జెనరిక్ ఔషధాల విక్రయాలకు అమెరికా హెల్త్ రెగ్యులేటర్  ఆమోదం పొందినట్టు  సన్‌ఫార్మ శుక్రవారం ప్రకటించిన సంగతి తెలిసిందే.

సాక్షి,ముంబై: వివాదాస్పద దేశీయ ఫార్మ కంపెనీ మైడెన్ ఫార్మాకు మరో భారీ షాక్‌ తగిలింది. కంపెనీ ఉత్పత్తి చేసే దగ్గు మందులు  ప్రమాణాలకు అనుగుణంగా లేవంటూ హరియాణా ప్రభుత్వం షోకాజ్‌ నోటీసులు జారీ చేసింది. సోనెపట్‌లోని దాని తయారీ ప్లాంట్‌లో తనిఖీల అనంతరం హరియాణా స్టేట్ డ్రగ్స్ కంట్రోలర్, లైసెన్సింగ్ అథారిటీ షోకాజ్ నోటీసు జారీ చేసింది. సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్‌తో సంయుక్త తనిఖీ తర్వాత హర్యానా డ్రగ్ అధికారులు మైడెన్ ఫార్మాస్యూటికల్స్‌కు ఈ నోటీసులిచ్చింది.  సంస్థ డైథలిన్ గ్లైకాల్, ఇథిలీన్ ప్రొపైలిన్ గ్లైకాల్ నాణ్యత పరీక్షను నిర్వహించలేదని,  సంబంధిత పత్రాలు  కూడా సక్రమంగా లేవంటూ ఫార్మా కంపెనీ అక్టోబర్ 14 లోగా నోటీసుకు సమాధానం ఇవ్వాలి, లేని పక్షంలో దానిపై చర్య తీసుకుంటామని అక్టోబరు 7న జారీ చేసిన  నోటీసుల్లో తెలిపింది. (చిన్నారులను మింగేసిన దగ్గు మందు: సంచలన విషయాలు) డిపార్ట్‌మెంట్ ఆఫ్ ఫుడ్ అండ్‌ డ్రగ్స్ అడ్మినిస్ట్రేషన్, హర్యానా, డ్రగ్స్ అండ్ కాస్మెటిక్స్ యాక్ట్, 1940  రూల్స్, 1945 రూల్ 85(2) ప్రకారం న్యూ ఢిల్లీలోని మైడెన్ ఫార్మాకు  నోటీసులిచ్చింది. తమ తనిఖీల్లో అనేక ఉల్లంఘనలను గుర్తించిన నేపథ్యంలో కంపెనీ తయారీ లైసెన్స్‌ను ఎందుకు సస్పెండ్ చేయకూడదో తెలపాలని  కోరుతూ నోటీసు జారీ చేసింది. కేంద్ర ఆరోగ్య మంత్రిత్వ శాఖకు తన నివేదికను సమర్పించిన రాష్ట్ర ఎఫ్‌డీఏ షోకాజ్ నోటీసు అందిన 7 రోజుల్లోగా సమాధానం ఇవ్వాలని మైడెన్ ఫార్మాను  ఆదేశించింది.  రాష్ట్ర డ్రగ్ కంట్రోలర్ కమ్ లైసెన్సింగ్ అథారిటీ, హరియాణా ఎఫ్‌డీఏ మన్మోహన్ తనేజా తెలిపారు.ప్రొపైలిన్ గ్లైకాల్ (బ్యాచ్ నంబర్ E009844) తయారీ తేదీ సెప్టెంబర్ 2021,  గడువు తేదీ సెప్టెంబరు 2023ని ప్రోమెథాజైన్ ఓరల్ సొల్యూషన్, కోఫెక్స్‌మలిన్ బేబీ కాఫ్ సిరప్,  మాగ్రిప్ ఎన్ కోల్డ్ సిరప్‌ల తయారీలో ఉపయోగించినట్టు కనుగొంది.  అలాగే నవంబర్ 2024 నాటికి, ఉత్పత్తి  షెల్ఫ్-లైఫ్ ముడి పదార్థం కంటే ఎక్కువ అని  తేలింది.  కాగా ఇటీవల గాంబియాలో 66 మంది చిన్నారుల మరణాలపై ప్రపంచ ఆరోగ్య సంస్థ (డబ్ల్యూహెచ్‌ఓ) మైడెన్‌  దగ్గు సిరప్‌లపై హెచ్చరికలు జారీ చేసింది. మైడెన్ ఫార్మా ఉత్పత్తులు  ఓరల్ సొల్యూషన్, కోఫెక్స్‌మలిన్ బేబీ కాఫ్ సిరప్, మాకోఫ్ బేబీ కాఫ్ సిరప్, మాగ్రిప్  సిరప్స్‌లోని  నాణ్యత లేని, కలుషితమైన పదార్థాలే పిల్లల మరణాలకు కారణమని  పేర్కొన్న సంగతి తెలిసిందే. (ఫ్లిప్‌కార్ట్ బిగ్ దివాలీ సేల్‌: ఐఫోన్‌13పై కళ్లు చెదిరే ఆఫర్‌)  

హైదరాబాద్, బిజినెస్‌ బ్యూరో: వ్యాపార సాధ్యాసాధ్యాలు, న్యాయమైన వ్యాపార విధానం విషయంలో వాహన తయారీదారుల నుండి డీలర్లు అధిక పారదర్శకతను ఆశిస్తున్నట్టు ఫెడరేషన్‌ ఆఫ్‌ ఆటోమొబైల్‌ డీలర్స్‌ అసోసియేషన్స్‌ (ఎఫ్‌ఏడీఏ) తెలిపింది. కంపెనీల విధాన రూపకల్పనలో డీలర్లనూ భాగస్వాములను చేయాలని ఫెడరేషన్‌ ప్రధానంగా ఆశిస్తోంది. ద్విచక్ర వాహనాల విషయంలో మిగిలిపోయిన సరుకు, అమ్మకాలపై మార్జిన్స్‌ పట్ల డీలర్లు ఆందోళనగా ఉన్నారు.  వ్యాపారంపై ప్రత్యక్షంగా ప్రభావం చూపుతున్నందున తయారీ సంస్థలు దీనిపై దృష్టిసారించాలని పరిశ్రమ కోరుతోంది. ఉత్పత్తి విశ్వసనీయత, కస్టమర్లకు అందించే మోడళ్లతో డీలర్లు సంతోషంగా ఉన్నారు. లగ్జరీ కార్ల సెగ్మెంట్లో విడిభాగాల డెలివరీ పట్ల ఆందోళన వ్యక్తం చేస్తున్నారు. విక్రయాలు, డెలివరీ, విక్రయానంతర సేవల్లో తయారీ కంపెనీల శ్రమను స్వాగతిస్తున్నట్టు ఎఫ్‌ఏడీఏ ప్రెసిడెంట్‌ మనీష్‌ రాజ్‌ సింఘానియా తెలిపారు.    కియా ఇండియా అగ్రస్థానం..  డీలర్ల సంతృప్తిపై 2022 అధ్యయనాన్ని ఫెడరేషన్‌ విడుదల చేసింది. దీని ప్రకారం అత్యంత సంతృప్తి చెందిన డీలర్ల జాబితాలో కార్ల విభాగంలో కియా ఇండియా అగ్రస్థానంలో ఉంది. హ్యుండై మోటార్‌ ఇండియా, ఎంజీ మోటార్‌ ఇండియా వరుసగా ఆ తర్వాతి స్థానాలను దక్కించుకున్నాయి.  వాహన తయారీ దగ్గజం మారుతీ సుజుకీ ఎనమిదవ స్థానంలో నిలిచింది. టూ వీలర్స్‌ విభాగంలో హోండా మోటార్‌సైకిల్, స్కూటర్, హీరో మోటోకార్ప్, రాయల్‌ ఎన్‌ఫీల్డ్‌ వరుసగా మూడు స్థానాలను చేజిక్కించుకున్నాయి. వాణిజ్య వాహన విభాగంలో వోల్వో ఐషర్‌ కమర్షియల్‌ వెహికిల్స్‌ తొలి స్థానంలో ఉంది. టాటా మోటార్స్, అశోక్‌ లేలాండ్‌ ఆ తర్వాతి వరుసలో ఉన్నాయి.  

భారత్‌లో ఇంకా స్వాబ్‌ టెస్టుల ఆధారితంగానే కరోనా నిర్ధారణ జరగుతోంది. అయితే చాలా చోట్ల ప్రత్యామ్నాయ మార్గాల్లో పరీక్షల కోసం ప్రయత్నాలు సాగుతున్నాయి. ఈ తరుణంలో.. కేవలం మూడే నిమిషాల్లో కరోనాను నిర్ధారించే పరీక్షలకు అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ అనుమతులు ఇచ్చింది. నోటి ద్వారా ఊదినప్పుడు.. కరోనాను నిర్ధారించే డివైజ్‌ను ఉపయోగించొచ్చని ఎఫ్‌డీఏ పేర్కొంది. ఇన్‌స్పెక్ట్‌ఐఆర్‌ కొవిడ్‌-19 బ్రీతలైజర్‌గా పిలువబడే డివైజ్‌ను పరీక్షల కోసం ఉపయోగించుకోవచ్చని తెలిపింది. లగేజీ బ్యాగు సైజులో ఉండే ఈ డివైజ్‌ను ఆస్పత్రులు, క్లినిక్‌లు, మొబైల్‌ టెస్టింగ్‌ సైట్లలో ఉపయోగించుకునేందుకు అనుమతులు జారీ చేసింది ఎఫ్‌డీఏ. వారానికి వంద పరికరాలను ఉత్పత్తి చేయగలిగే సామర్థ్యం సదరు కంపెనీకి ఉందని, ఒకరోజులో 160 శాంపిల్స్‌ను.. ఒక యూనిట్‌ తేల్చేయగలుగుతుందని పేర్కొంది. ఇదిలా ఉండగా.. గ్యాస్‌ క్రోమోథెరపీ గ్యాస్‌ మాస్‌ స్పెక్రటోమిట్రీ ఆధారంగా కోవిడ్‌ బారిన పడ్డవాళ్లు శ్వాస నుంచి బయటకు వచ్చే ఐదు కాంపౌండ్లను ఇన్‌స్పెక్ట్‌ఐఆర్‌ బయటపెడుతుంది. కరోనా మొదలైన చాలాకాలం దాకా స్వాబ్‌ టెస్టులకే ప్రాధాన్యత ఇచ్చాయి చాలా దేశాలు. అయితే టెక్నాలజీ సాయంతో ప్రత్యామ్నాయ పరీక్షలకు ఆస్కారం దొరుకుతోంది ఇప్పుడు. ఇన్‌స్పెక్ట్‌ఐఆర్‌ కొవిడ్‌-19 బ్రీతలైజర్ వినియోగానికి రెండేళ్ల తర్వాత అనుమతులు దొరకడం గమనార్హం.

కల్లోల కరోనా సోకకుండా టీకాలు చాలావరకు అడ్డుకుంటాయి. కానీ కరోనా సోకిన వారికి నిర్ధిష్టమైన వైద్యం పూర్తిస్థాయిలో ఇంకా అందుబాటులోకి రాలేదు. అందుబాటులో ఉన్న వివిధ రకాల ఔషధాల కాంబినేషన్లను, యాంటీ వైరల్‌ మందులను వాడి కరోనా రోగులను కాపాడే యత్నాలు జరుగుతున్నాయి. తాజాగా కరోనా సోకిన వారి చికిత్స కోసం ఫైజర్, మెర్క్‌ సంస్థలు మాత్రలు తయారుచేశాయి. మెర్క్‌ తయారీ మోల్నుపిరావిర్‌ మాత్ర (‘EIDD 2801’’) కు భారత్‌లో తాజాగా అనుమతులు లభించాయి. కరోనాకు కళ్లెం వేయడంలో ఇది ఉపయోగపడుతుందని,  కరోనా వల్ల ఆస్పత్రి పాలవకుండా చాలావరకు కాపాడుతుందని కంపెనీ చెబుతోంది. భారత్‌లో దీన్ని సిప్లా తదితర సంస్థలతో కూడిన కన్సార్టియం వేర్వేరు పేర్లతో అందుబాటులోకి తీసుకురానుంది. ఈ నేపథ్యంలో కొత్త మాత్ర కథా కమామీషు చూద్దాం..   ఎవరికి మంచిది? ఎవరికి వద్దు? కరోనా పాజిటివ్‌ వచ్చిన ప్రతి ఒక్కరికి దీన్ని వాడే వీలు లేదు. కరోనా లక్షణాలు కనిపిస్తూ, ఇవి బాగా ముదిరి మరింత అనారోగ్యం పాలయ్యే ప్రమాదం ఉన్న(హైరిస్కు) వ్యక్తులకు మాత్రమే డాక్టర్లు సిఫార్సు చేస్తారు. ఉదాహరణకు వృద్దులు, ఇతర వ్యాధులతో బాధపడేవారికి కరోనా సోకితే వీటిని సిఫార్సు చేస్తారు. ఇక 18 ఏళ్లలోపు పిల్లలకు ఈ మందు వాడకూడదు. ఇది వారిలో ఎముకల వృద్ధిని దెబ్బతీసే ప్రమాదం ఉంది. అలాగే గర్భిణులకు కూడా దీన్ని సిఫార్సు చేయరు. వీరికి ఇది అత్యంత ప్రమాదకరంగా పరిణమించవచ్చు. ఇప్పటికే కరోనాతో ఆస్పత్రిపాలై చికిత్స పొందేవారికి దీని వాడకం కూడదు.   ఎప్పుడు ఆరంభించాలి? కరోనా పాజిటివ్‌ వచ్చాక లక్షణాలు బయటపడుతున్న ఐదురోజుల్లోపు దీని వాడకం ఆరంభించాలి. దగ్గు, తలనొప్పి, జ్వరం, వాసన లేకపోవడం, నొప్పుల్లాంటి సంకేతాలు కరోనా తొలిరోజుల్లో ఉంటాయి. ఈ దశలోనే వీటని డాక్టర్‌ సిఫార్సుతో వాడాల్సి ఉంటుంది.   ఎంత డోసేజ్‌? ఈ మాత్రలు 200 ఎంజీ రూపంలో లభిస్తాయి. ప్రతి 12 గంటలకు ఒకసారి నాలుగు మాత్రల చొప్పున ఐదు రోజుల పాటు తీసుకోవడంతో కోర్సు పూర్తవుతుంది. అంటే మొత్తం కోర్సులో 40 క్యాప్సుల్స్‌ (ఐదు రోజులు– రోజుకు 8 మాత్రలు) వాడాల్సి ఉంటుంది. వరుసగా ఐదు రోజులకు మించి దీన్ని వాడకూడదని యూఎస్‌ ఎఫ్‌డీఏ హెచ్చరిస్తోంది. ఒమిక్రాన్‌ వేరియంట్‌ సహా దాదాపు అన్ని కోవిడ్‌ వేరియంట్లపై ఇది ప్రభావం చూపగలదని పరిశోధనలు వెల్లడిస్తున్నాయి. ఫలితాలు ఎలా ఉన్నాయి? కరోనా లక్షణాలు బయటపడ్డవారు (ఇంతవరకు వ్యాక్సిన్‌ తీసుకోనివారు) ఆస్పత్రి పాలయ్యే రిస్కును, చనిపోయే ప్రమాదాన్ని ఈ మందు వాడకంతో దాదాపు 30– 50 శాతం తగ్గించవచ్చని క్లినికల్‌ డేటా ప్రాథమిక గణాంకాలు వెల్లడించాయి. దీన్ని కేవలం కరోనా సోకిన తర్వాత మాత్రమే వాడాలని, టీకాలకు బదులు దీన్ని తీసుకుంటే సరిపోతుందని భావించవద్దని నిపుణుల హెచ్చరిక.   ప్రతికూలతలు ఈ మాత్ర వాడకానికి ఎఫ్‌డీఏ అనుమతినివ్వడంపై పలువురు నిపుణులు అసంతృప్తి వ్యక్తం చేశారు. ఇదేమీ మ్యాజిక్‌ పిల్‌ కాదని, దీనివల్ల జరిగే మేలు పరిమితమని ప్రొఫెసర్‌ విలియం షాఫ్నర్‌ హెచ్చరించారు. దీని వాడకం వల్ల కొన్నిసార్లు డయేరియా, వికారం, వాంతులు, తలతిరగడం వంటి ప్రతికూలతలు కనిపించవచ్చు. అదేవిధంగా ఎట్టిపరిస్థితుల్లో దీన్ని 18 ఏళ్లు లోపువారికి, గర్భిణులకు, ఆస్పత్రిపాలైనవారికి వాడకూడదు. ఈ ఔషధానికి వైరస్‌ కణాల్లో ఉత్పరివర్తనాలను ప్రేరేపించే శక్తి ఉంది. ఈ శక్తి మానవ కణాలపై కూడా చూపే ప్రమాదం ఉందని, దీనివల్ల మానవ కణాల్లో అనవసర మార్పులు వచ్చి క్యాన్సర్లకు కారణమయ్యే ప్రమాదం ఉందన్న వాదనలు ఉన్నాయి. కానీ దీన్ని నిరూపించే శాస్త్రీయ ఆధారాల్లేవు.   ఏ దేశాల్లో అనుమతించారు? ఇప్పటివరకు ఈ ఔషధానికి యూఎస్‌ఏ, యూకే, ఆస్ట్రేలియా, బంగ్లాదేశ్, న్యూజిలాండ్, భారత్‌లో అనుమతి లభించింది. ధ్వంస రచన... ► ఉత్పరివర్తనాల్లో ఈ మందు కలగజేసే మార్పులతో వైరస్‌లోని మొత్తం మ్యుటేషన్‌ ప్రక్రియ తప్పులతడకగా మారడాన్ని ‘‘ఎర్రర్‌ కెటాస్ట్రోఫ్‌’’ లేదా ‘‘లీథల్‌ మ్యుటాజెనిసిస్‌’’ అంటా రు.  ఈ విధ్వంసం కారణంగా అతిధేయి శరీరంలో వైరల్‌ లోడు క్రమంగా తగ్గిపోతుంది.   ► సాధారణంగా రెమిడెసివిర్‌ లాంటి యాంటీ వైరల్‌ మందులు సదరు వైరస్‌లో పత్రికృతి (రిప్లికేషన్‌) ప్రక్రియను అడ్డుకోవడం ద్వారా దాని వ్యాప్తిని నివారిస్తాయి. టీకాలు అతిధేయి శరీరంలో యాంటీబాడీ రెస్పాన్స్‌ను పెంచడం ద్వారా వైరస్‌ను అడ్డుకుంటాయి. వీటితో పోలిస్తే మోల్నుపిరావిర్‌ పనిచేసే తీరు కాస్త భిన్నంగా ఉంటుంది.   ► ఇది వైరస్‌ రిప్లికేషన్‌ ప్రక్రియలో అవసరపడే ఎంజైములను తప్పుదోవ పట్టిస్తుంది. దీంతో వైరస్‌ కణాల్లో తప్పుడు ఉత్పరివర్తనాలు ఆరంభమవుతాయి. వీటివల్ల రోగి శరీరంలో వైరస్‌ సంఖ్య పెరగడం ఆగిపోతుంది, ప్రతికృతి చెందిన వైరస్‌లు బతికినా అవి      బలహీనంగా ఉండి వెంటనే నశించిపోవడం జరుగుతుంది.   ► సింపుల్‌గా చెప్పాలంటే ఒక యంత్రంలో కీలక భాగాన్ని మారిస్తే దాని పనితీరు పూర్తిగా ధ్వం సమైనట్లే ఈ ఔషధం వైరస్‌పై పనిచేస్తుంది.   ► శాస్త్రీయ భాషలో చెప్పుకుంటే ఈ ఔషధం వైరస్‌లోని ఆర్‌డీఆర్‌ఏ (ఆర్‌ఎన్‌ఏ డైరెక్టెడ్‌ ఆర్‌ఎన్‌ఏ పాలిమరేజ్‌) ఎంజైమ్‌ను ప్రేరేపించి వైరల్‌ ఆర్‌ఎన్‌ఏలో పలు తప్పుడు మ్యుటేషన్లను కలిగిస్తుంది. ► ఆర్‌ఎన్‌ఏ నిర్మాణంలో అడినైన్, గ్వానైన్, యురాసిల్‌ (యురిడిన్‌), సైటోసిన్‌ అవసరమవుతాయి. వీటిని ఆర్‌ఎన్‌ఏ బిల్డింగ్‌ బ్లాక్స్‌ అంటారు.   ► మోల్న్యుపిరావిర్‌కు ఈ బిల్డింగ్‌ బ్లాక్స్‌లోని సైటిడిన్‌ (ఎన్‌హెచ్‌సీ– టీపీ) లేదా యురిడిన్‌ లాగా కనిపించే శక్తి ఉంది. దీంతో ఆర్‌డీఆర్‌ఏ ఎంజైమ్‌ దీన్ని వైరస్‌ ఆర్‌ఎన్‌ఏలో నిజమైన సైటిడిన్‌ లేదా యురిడిన్‌ బదులు ప్రవేశపెడుతుంది.   ► వైరస్‌ రిప్లికేషన్‌ను ప్రూఫ్‌ రీడింగ్‌ చేసే ఎక్సో న్యూక్లియేజ్‌ ఎంజైమ్‌లు కూడా ఈ తప్పును గ్రహించలేవు. దీంతో నిజమైన బిల్డింగ్‌ బ్లాక్స్‌ ఉన్న ఆర్‌ఎన్‌ఏ బదులు మోల్నుపిరావిర్‌ ఉన్న ఆర్‌ఎన్‌ఏ ఉత్పత్తి అవుతుంది.   ► ఇలా మారిన ఆర్‌ఎన్‌ఏ పలు తప్పుడు ఉత్పరివర్తనాలకు కారణమై పైన చెప్పుకున్న ఎర్రర్‌ కెటాస్ట్రోఫ్‌కు దారి తీస్తుంది.    ఆ పేరే ఎందుకంటే.. అవెంజర్స్‌ సినిమాలు చూసినవారికి అందులో థోర్‌ పాత్ర, ఆ హీరో చేతిలోని శక్తులున్న ఆయుధం.. సుత్తి గుర్తుండే ఉంటాయి. ఈ సుత్తికి మొల్నిర్‌ అని పేరు. అలాగే యాంటీ వైరల్‌ మందులకు చివర ‘అవిర్‌’ అంత్య ప్రత్యయం (సఫిక్స్‌) పెడతారు.  కోవిడ్‌ వేరియంట్లపై థోర్‌ ఆయుధం లాగా విరుచుకుపడుతుందన్న ఉద్దేశంతో కొత్త మాత్రకు మోల్నుపిరావిర్‌ అని పేరు పెట్టినట్లు మెర్క్‌ కంపెనీ ఆర్‌ అండ్‌ డి అధిపతి డీన్‌ లీ చెప్పారు. – నేషనల్‌ డెస్క్, సాక్షి

Unvaccinated Americans: అమెరికాలో వ్యాక్సిన్‌ తీసుకోని వాళ్ల పరిస్థితిపై విస్తృత చర్చ నడుస్తోంది. ప్రపంచంలో జెట్‌ స్పీడ్‌గా వ్యాక్సినేషన్‌ ప్రక్రియ ప్రారంభించిన అమెరికా.. ఆ తర్వాత ఆర్థిక క్షీణత కారణంగా! వెనుకబడిపోయింది. ఇక ఇప్పుడు వ్యాక్సిన్‌ తప్పనిసరి చేసేలా నిబంధనలు తీసుకురావాలన్న ప్రయత్నాలు, తీసుకోని వాళ్లపై వివక్ష చూపిస్తుండడంతో సోషల్‌ మీడియాలో చర్చ రచ్చ నడుస్తోంది.   వ్యాక్సిన్‌ వేయించుకోని వాళ్ల ప్రయాణాల దగ్గరి నుంచి ప్రతీదాంట్లోనూ వివక్ష కనిపిస్తోంది. ఇప్పటికే విమాన ప్రయాణాలపై కీలక సూచనలు వెలువడగా.. క్యాబ్‌ డ్రైవర్లు వ్యాక్సిన్‌ సర్టిఫికెట్‌ ఉంటేనే రైడ్‌కు సిద్ధపడుతున్నారు. ఇక కొన్ని మాల్స్‌, రెస్టారెంట్లు సైతం వ్యాక్సిన్‌ పూర్తైన వాళ్లను మాత్రమే అనుమతించడం చర్చనీయాంశంగా మారింది. మరోవైపు పేషెంట్లకు(కరోనా బారిన పడిన వాళ్లూ ఉన్నారు) చికిత్స ఇవ్వడానికి ఆస్పత్రులు నిరాకరిస్తున్నాయి. దీంతో మరణాల సంఖ్య పెరుగుతోంది. ఈ తరుణంలో ఓవైపు సింపథీ వ్యక్తం అవుతుండగా.. మరోవైపు డెల్టా వేరియెంట్‌ విజృంభణ తరుణంలో ఇలా చేయడమే సరైన పద్ధతంటూ కామెంట్లు పెడుతున్నారు కొందరు. ఈ రకంగా సోషల్‌ మీడియాలో Unvaccinated Americans చర్చ జోరందుకుంది.   పని చేసే చోట వర్క్‌ ప్లేస్‌లో వ్యాక్సినేషన్‌ తప్పనిసరి అనే నిబంధన విధిస్తే.. అమెరికాలో లక్షల ఉద్యోగాలు పోతాయి. ఎందుకంటే వ్యాక్సినేషన్‌కు ఉద్యోగులెవరూ సిద్ధంగా లేరు. అసలు ఉద్యోగుల అంతరంగం ఎలా ఉందో తెలుసుకునేందుకు అక్కడి ప్రముఖ మీడియా సంస్థలు ఈ మధ్య పోల్స్‌ నిర్వహించాయి. మొత్తం ఉద్యోగుల్లో 16 శాతం మంది వ్యాక్సినేషన్‌ వేయించుకునేందుకు సిద్ధంగా ఉండగా, 35 శాతం మంది మినహాయింపులు(మతపరమైన) కోరుతున్నారు. మరో 42 శాతం మంది ఉద్యోగాలు పూర్తిగా వదిలేస్తామని చెప్తున్నారు. ఒకవేళ మినహాయింపులు లేవని చెబితే ఏం చేస్తారని అడిగితే.. 18 శాతం మంది వ్యాక్సినేషన్‌కు వెళ్తామని చెప్పగా.. 72 శాతం మంది ఎట్టిపరిస్థితుల్లో ఉద్యోగాలు చేయబోమని కుండబద్ధలు కొట్టేశారు. బైడెన్‌ మొండిపట్టు అమెరికాలో కొన్ని రాష్రా‍్టల్లో డెల్టా వేరియెంట్‌ కేసులు పెరిగిపోతున్నాయి. ఈ తరుణంలో వ్యాక్సిన్‌కు దూరంగా ఉంటున్నవాళ్లపై అమెరికా అధ్యక్షుడు జో బైడెన్‌ విమర్శలు గుప్పించాడు. వీళ్లు ప్రమాదకరమైన వేరియెంట్‌ వ్యాప్తికి కారణం అవుతున్నారంటూ మండిపడ్డారు. గురువారం వ్యాక్సినేషన్‌ తప్పనిసరి విషయంలో కీలక ఆదేశాలు జారీ చేయనున్నట్లు సమాచారం. ఇప్పటికే అమెరికాలో ఇప్పటికి పదిహేడున్నర కోట్ల మంది మాత్రమే వ్యాక్సినేషన్‌ ఫుల్‌ డోసులు పూర్తి చేసుకున్నట్లు సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ చెబుతోంది. ఆర్థిక సంక్షోభం కారణంగా.. మిలియన్ల మందికి సింగిల్‌ డోస్‌ కూడా పడలేదు. అమెరికాలో కేవలం ఫైజర్‌-బయోఎన్‌టెక్‌ రెండు డోసుల వ్యాక్సిన్‌కు మాత్రమే  ఫుడ్‌ అండ్‌ డ్రగ్‌ అడ్మినిస్ట్రేషన్(ఎఫ్‌డీఏ) నుంచి పూర్తి అనుమతి ఉంది. The pandemic of the unvaccinated is a tragedy that is preventable. People are dying and will die from COVID-19 who don't have to. If you haven't gotten vaccinated, do it now. It could save your life and the lives of those you love. — Joe Biden (@JoeBiden) September 8, 2021 ఈ తరుణంలో మరిన్ని వ్యాక్సిన్‌లకు అనుమతలు ఇవ్వడం, వ్యాక్సిన్‌ డోసుల ఉత్పత్తికి అవసరమైన అనుమతుల్ని త్వరగతిన జారీ చేయడం చేయాల్సిన అవసరం ఉందనే అభిప్రాయం అవుతోంది. మరోవైపు ‘వ్యాక్సినేషన్‌ తప్పనిసరి’ నిర్ణయంతో కరోనా నియంత్రణ-అమెరికన్ల భవిష్యత్తుపై ఎలా ప్రభావం చూపెడుతుందన్న ప్రశ్నకు.. అదంతా ‘వ్యాక్సిన్‌ వేసుకోవడం మీదే ఆధారపడి ఉంటుంద’న్న సమాధానం వైట్‌హౌజ్‌ నుంచి వినిపిస్తోంది. చదవండి: ఆఫీసులకు రండి.. మీ కోసం బోలెడు ఆఫర్లు ఉన్నాయ్‌!

వాషింగ్టన్: అమెరికాకు చెందిన జాన్సన్ అండ్ జాన్సన్ సింగిల్ డోస్ కరోనా టీకాకు మరోసారి ఎదురు దెబ్బ తగిలింది. ఈ కరోనా టీకా పై యూఎస్ ఫుడ్ అండ్ డ్రగ్ అడ్మినిస్ట్రేషన్  (ఎఫ్‌డీఏ) తాజాగా కీలక హెచ్చరికలు చేసింది. ఈ వ్యాక్సిన్ తీసుకున్న వారికి  అరుదైన న్యూరాలజీ సమస్యలు వస్తున్నాయని  సోమవారం ప్రకటించింది. దీనిపై 100 మంది నుంచి ఫిర్యాదులు అందుకున్నట్లు సెంటర్స్ ఫర్ డిసీజ్ కంట్రోల్ అండ్ ప్రివెన్షన్ ఒక ప్రకటనలో తెలిపింది.రానున్న సమావేశాల్లో దీన్ని సమీక్షించమని  సీడీసీ వ్యాక్సిన్ నిపుణుల ప్యానెల్‌ను కోరనుంది. అయితే దీనిపై  జాన్సన్‌ అండ్‌ జాన్సన్‌ ఇంకా  స్పందించలేదు. ఎఫ్‌డీఏ  ప్రకారంటీకా తీసుకున్నవారిలో నరాల కణాలను దెబ్బతీయడం,కండరాల బలహీనత, ఒక్కోసారి పక్షవాతం వస్తుందని, దీన్నే గుల్లెయిన్-బార్-సిండ్రోమ్ అంటారు. జాన్సన్‌ అండ్‌ జాన్సన్‌  టీకా తీసుకున్న వారిలో 100 గుల్లెయిన్-బార్ అనుమానాస్పద కేసులను ఫెడరల్ అధికారులు గుర్తించారు. ఈ కేసులలో తొంభై ఐదు శాతం తీవ్రమైనవి పేర్కొంది. ఆసుపత్రిలో చేరాల్సిన అవసరం ఉందని కూడా  ఎఫ్‌డీఏ తెలిపింది. అయితే ప్రమాద అవకాశాలు తక్కువగా ఉన్నాయని వెల్లడించి నప్పటికీ జాన్సన్ కంపెనీ వ్యాక్సిన్ తీసుకున్నవారిలో టీకాలు  42 రోజులలో ఈ ప్రభావం  మూడు నుండి ఐదు రెట్లు అధికంగా ఉందని తెలిపింది. వ్యాక్సిన్ ప్రొవైడర్లు, టీకా తీసుకుంటున్న వారికి టీకా గురించి హెచ్చరికలఎటాచ్‌ మెంట్‌ద్వారా వివరిస్తోంది. కాగా అమెరికా, లాటిన్‌ అమెరికా, దక్షిణాఫ్రికాలో నిర్వహించిన ప్రయోగాల్లో జేఅండ్‌జే వ్యాక్సిన్‌ అత్యంత సురక్షితమైనది, సామర్థ్యమైనదని తేలింది. కరోనా వైరస్‌పై 85శాతం సామర్థ్యంతో ఈ వ్యాక్సిన్‌ పని చేస్తుందని వివిధ ప్రయోగాలు వెల్లడించాయి. దక్షిణాఫ్రికా వేరియెంట్‌పైన కూడా ఈ టీకా అద్భుతంగా పని చేస్తోందని ప్రాథమికంగా నిర్వహించిన అధ్యయనంలో తేలింది. దీనిపై అమెరికా అధ్యకక్షుడు జోబైడెన్‌ ప్రశంసలు కురిపించారు. ఈ ఏడాది మార్చిలో దీనికి అక్కడ అత్యవసర వినియోగం కింద అనుమతి లభించింది. అమెరికాలో సుమారు 12.8 మిలియన్ల మంది పూర్తిగా టీకాలు తీసుకోగా , జనాభాలో 8 శాతం మంది - జాన్సన్ అండ్‌ జాన్సన్ షాట్ అందుకున్నారు. సుమారు  146 మిలియన్లకు ఫైజర్ లేదా మోడెర్నా  వ్యాక్సిన్లు తీసుకున్నారు.   

వాషింగ్టన్: దేశీయ పార్మా దిగ్గజం భారత్‌ బయోటెక్‌కు అమెరికాలో భారీ షాక్‌  తగిలింది. సంస్థ అభివృద్ది చేసిన కరోనా మహమ్మారి వ్యాక్సిన్‌ కోవాగ్జిన్‌ అత్యవసర వినియోగాన్ని అమెరికా ఫుడ్ అండ్ డ్రగ్ అడ్మినిస్ట్రేషన్ (ఎఫ్‌డీఏ) తిరస్కరించింది. ఈ టీకా వినియోగానికి సంబంధించిన భారత్ బయోటెక్‌, యూఎస్‌ భాగస్వామ్య కంపెనీ ఆక్యుజెన్‌తో ప్రతిపాదనలను బైడెన్‌ సర్కార్‌ నిరాకరించింది. మరోవైపు ఇండియా వ్యాక్సినేషన్‌ కోవాగ్జిన్‌ను చేర్చిన దాదాపు ఆరు నెలల తర్వాత కూడా భారత్ బయోటెక్ మూడో దశ క్లినికల్ ట్రయల్స్ డేటాను వెల్లడించలేదన్న విమర్శలు  సమయంలో అమెరికాలో ఎదురుదెబ్బ తగలడం గమనార్హం. అయితే ఇకపై అత్యవసర అనుమతి కోరబోమని, కోవిడ్ టీకా ఆమోదం కోసం దాఖలు చేస్తామని కంపెనీ గురువారం తెలిపింది. అదనపు క్లినికల్ ట్రయల్ ప్రారంభించమని ఎఫ్‌డీఏ సిఫారసు ఆధారంగా ఈ నిర్ణయం తీసుకున్నామని, అత్యవసర వినియోగానికి అవసరమైన బయోలాజిక్స్ లైసెన్స్ అప్లికేషన్ (బీఎల్ఎ) కోసం దరఖాస్తు చేస్తామని తెలిపింది. కోవాగ్జిన్‌కు సంబంధించిన మాస్టర్ ఫైల్‌ను అందజేయాలని ఎఫ్‌డీఏ సూచించినట్లు కూడా ఆక్యుజెన్ సీఈవో శంకర్ ముసునూరి తెలిపారు. తమ టీకా కోవాగ్జిన్‌ను యూఎస్‌కు  అందించేందు తాము కట్టుబడి ఉన్నామన్నారు. అలాగే కోవాక్సిన్ కోసం మార్కెటింగ్ అప్లికేషన్‌ కోసం  అదనపు క్లినికల్ ట్రయల్స్‌ డేటా అవసరమని కంపెనీ  భావిస్తోంది.  కాగా అమెరికాలో ప్రస్తుతం ఫైజర్, మోడెర్నా రెండు టీకాలను వినియోగిస్తున్న సంగతి తెలిసిందే. ఈ క్రమంలో తమ వ్యాక్సిన్‌ కోవాగ్జిన్‌కు కూడా అత్యవసర వినియోగానికి అనుమతి ఇవ్వాలంటూ భారత్ బయోటెక్ తరపున అక్కడి ప్రముఖ ఫార్మా కంపెన ఆక్యుజెన్ రెగ్యులేటరీకి దరఖాస్తు చేసుకుంది. అయితే  మరింత అదనపు సమాచారాన్ని కోరుతూ యూఎస్ఎఫ్‌డీఏ దీన్ని తిరస్కరించింది.  ఆలస్యంగా దరఖాస్తులు చేసుకోవడమే దీనికి కారణమని తెలుస్తోంది. ఇండియాలో మూడో దశ క్లినికల్‌ ప్రయోగాల జూలైలో ఈ డేటాను కంపెనీ అందించనుంది.  ప్రపంచ ఆరోగ్య సంస్థ సైతం కోవాగ్జిన్ వ్యాక్సిన్‌ను తాము గుర్తించట్లేదని ప్రకటించిన అతి కొద్దిరోజుల్లోనే ఈ పరిణామం సంభవించింది. మూడో దశ పరీక్షల డేటాను పరిశీలించిన మీదటే డబ్ల్యూహెచ్‌వో గుర్తింపు లభిస్తుంది. ప్రస్తుతం అనేక దేశాలు భారత్ బయోటెక్ వ్యాక్సిన్‌ను గుర్తించలేదు. అంతేకాదు  డబ్ల్యూహెచ్‌వో గుర్తింపు లేని వ్యాక్సిన్‌ రెండు మోతాదులు తీసున్నా కూడా కొన్ని దేశాలలో “అన్‌వాక్సినేటెడ్” గానే పరిగణిస్తారు.  భారత్‌ బయోటెక్‌స్పందన: అమెరికాలో తమ కరోనా వ్యాక్సిన్‌ కోవాగ్జిన్ తిరస్కరణపై భారత్ బయోటెక్ స్పందించింది. అమెరికా ఎఫ్‌డీఏకు పూర్తిస్థాయి క్లినికల్ డేటా ఆక్యూజెన్‌ అందించిందని వివరించింది. అయితే మరింత సమాచారం అందించాలని ఎఫ్‌డీఏ కోరిందని తెలిపింది. అమెరికాలో కొవాగ్జిన్‌ పూర్తిస్థాయిలో ఆమోదం పొందేందుకు బయోలాజిక్ లైసెన్స్‌ అప్లికేషన్‌ అనుమతి కూడా అవసరమని భారత్ బయోటెక్‌ తాజా ప్రకటనలో వెల్లడించింది. చదవండి : కావాలనుకుంటే శాశ్వతంగా వర్క్‌ ఫ్రం హోం చేసుకోవచ్చు! oxygen concentrator: పుణే సంస్థ కొత్త డిజైన్‌

సాక్షి, బెంగళూరు: కర్ణాటక రాష్ట్ర పబ్లిక్‌ సర్వీస్‌ కమిషన్‌ (కేఎస్‌పీఎస్సీ) పరిధిలోని ఎఫ్‌డీఏ ఉద్యోగాల పరీక్షా ప్రశ్నాపత్రం లీకేజీ కేసులో ఇప్పటివరకు 14 మందిని బెంగళూరు సీసీబీ పోలీసులు అరెస్టు చేశారు. మొత్తం 36 పేజీల ప్రశ్నాపత్రాలను సీజ్‌ చేశారు. ఆదివారం రాష్ట్రవ్యాప్తంగా ఎఫ్‌డీఏ పరీక్ష జరగాల్సి ఉండగా, లీకేజీ వల్ల శనివారం రాత్రి రద్దు చేశారు. క్వశ్చన్‌ పేపర్‌లో 100 ప్రశ్నలు ఉంటాయి. మొత్తం 36 పేజీల ప్రశ్నాపత్రం లీక్‌ అయింది. నిందితుల వద్ద క్వశ్చన్‌ పేపర్‌ ముందు, వెనుక పేజీ మినహాయించి మిగిలిన అన్ని పేజీలు లభించాయి. జ్ఞానభారతి పోలీసు స్టేషన్‌ పరిధిలోని ఉల్లాళలో ఉన్న అపార్టుమెంటులో శనివారం సీసీబీ అధికారులు సోదాలు జరిపి ప్రధాన నిందితుడు చంద్రు, రాచప్ప అనే ఇద్దరిని అరెస్టు చేశారు. వీరిని విచారించగా మరో 12 మంది గురించి చెప్పగా వారినీ అరెస్టు చేశారు.   రూ.35 లక్షలు, 4 కార్లు సీజ్‌..: మొత్తం ఈ 14 మంది నిందితుల వద్ద నుంచి రూ 35 లక్షల నగదు, నాలుగు కార్లు, వారి వద్ద ఉన్న జీకే, కన్నడ క్వశ్చన్‌పేపర్లను స్వాధీనం చేసుకున్నారు. నిందితులకు ఆ ప్రశ్నాపత్రిక ఎక్కడి నుంచి వచ్చింది? ఎవరెవరు ఈ లీకేజీ స్కామ్‌లో ఉన్నారనే విషయంపై పోలీసులు విచారణ చేపడుతున్నట్లు సీసీబీ పోలీసు కమిషనర్‌ సందీప్‌ పాటిల్‌ తెలిపారు. కేపీఎస్సీ కార్యాలయంలోని ఇద్దరు సిబ్బందిపై సీసీబీకి అనుమానంగా ఉంది. అనుమానితుల మొబైల్‌ ఫోన్లు స్విచ్ఛాప్‌ అయి ఉండడంతో అనుమానం మరింత బలపడుతోంది. ఈ ఘటనపై హోం మంత్రి బసవరాజు బొమ్మాయి స్పందిస్తూ ఈ కేసును చాలా సీరియస్‌గా తీసుకున్నట్లు, ఘటన వెనుక ఎంతటివారున్నా.. ఉపేక్షించేది లేదని తెలిపారు.

వాషింగ్టన్‌: కరోనా మహమ్మారితో అతలాకుతలమైన అమెరికావాసులకు ఎట్టకేలకు ఊరట లభించనుంది. అమెరికా ఫార్మా సంస్థ ఫైజర్-జర్మనీకి చెందిన బయోఎన్‌టెక్ సంయుక్తంగా అభివృద్ధి చేసిన కరోనా వైరస్‌ టీకా అత్యవసర వినియోగానికి అమెరికా ఆహార, ఔషధ నియంత్రణ సంస్థ (ఎఫ్‌డీఏ)అనుమతి లభించింది.  గురువారం 8 గంటల పాటు జరిపిన బహిరంగ చర్చ అనంతరం ఈ ఆమోదం తెలిపింది. వ్యాక్సిన్‌ తొలి డోస్‌ను 24 గంటల్లో ఇవ్వనున్నారు.  (ఫైజర్‌ వ్యాక్సిన్‌ వినియోగానికి అమెరికా ఓకే) కోవిడ్-19 అంతానికి ఫైజర్ బయోఎన్‌టెక్ టీకా అత్యవసర వినియోగానికి ఆమోదం తెలుపుతున్నామని ఎఫ్‌డీఏ చీఫ్ సైంటిస్ట్ డెనైజ్ హింటన్ పేర్కొన్నారు. మరోవైపు అమెరికన్లందరికీ ఫైజర్‌ వ్యాక్సిన్‌ను ఉచితంగా అందించనున్నామని అధ్యక్షుడు డొనాల్డ్‌ ట్రంప్‌ ప్రకటించారు. కేవలం తొమ్మిదినెలల్లోనే అద్భుతమైన విజయాన్ని సాధించామని, ఇది నిజంగా శుభవార్త అని ట్రంప్‌ వ్యాఖ్యానించారు.  సైన్సుపరంగా చరిత్రలో ఇదొక చారిత్రాత్మక సందర్బమని పేర్కొన్నారు. మొదటి టీకాను ఎవరు వినియోగించాలనే విషయాన్ని ఆయా రాష్ట్రాల గవర్నర్లే నిర్ణయిస్తారని , వయోవృద్ధులకు, ఆరోగ్య కార్యకర్తలు మొదటివరుసలో ఉంటారని చెప్పారు. కఠినమైన పరీక్షల అనంతరం ఈ వ్యాక్సిన్‌కు అమోదం లభించిందని, 24 గంటల్లోపునే వాక్సినేషన్‌ ప్ర్రక్రియ మొదలవుతుందని ఆయన వెల్లడించారు.  అంతకు ముందు ఎఫ్‌డీఏకు బయట నుంచి సలహాలు ఇచ్చే నిపుణుల కమిటీ అనుకూలంగా నివేదిక ఇచ్చిన విషయం తెలిసిందే. pic.twitter.com/ofLq3OMicv — Donald J. Trump (@realDonaldTrump) December 12, 2020

బ్యాంక్, ఆర్థిక రంగ షేర్ల కొనుగోళ్ల జోరుతో సోమవారం స్టాక్‌ మార్కెట్‌ లాభపడింది. అంతర్జాతీయ సంకేతాలు సానుకూలంగా ఉండటం,  డాలర్‌తో రూపాయి మారకం విలువ ఏకంగా 52 పైసలు పుంజుకొని 74.32కు చేరడం, కరోనా కేసులు పెరుగుతున్నప్పటికీ, వినోద రంగ పరిశ్రమ (సినిమా హాళ్లు తెరవడానికి)మరిన్ని వెసులుబాట్లు కల్పించే దిశగా కేంద్ర ప్రభుత్వం ప్రయత్నాలు చేస్తుండటం, మూడు ప్రైవేట్‌ బ్యాంక్‌లను ఎఫ్‌టీఎస్‌ఈ గ్లోబల్‌ ఇండెక్స్‌లో చేర్చడం సానుకూల ప్రభావం చూపించాయి. సెన్సెక్స్‌ 364 పాయింట్లు లాభపడి 38,799 పాయింట్ల వద్ద, ఎన్‌ఎస్‌ఈ నిఫ్టీ 95 పాయింట్లు పెరిగి 11,466 పాయింట్ల వద్ద ముగిశాయి. ఈ రెండు సూచీలు ఆరు నెలల గరిష్ట స్థాయికి చేరాయి.   అప్రమత్తత అవసరం... సెన్సెక్స్‌ లాభాల్లోనే ఆరంభమైంది. రోజు గడుస్తున్న కొద్దీ లాభాలు అంతకంతకూ పెరుగుతూనే పోయాయి. ఇంట్రాడేలో సెన్సెక్స్‌ 460 పాయింట్లు, నిఫ్టీ 125 పాయింట్లు చొప్పున లాభపడ్డాయి. నిధుల వరద పారుతుండటంతో మార్కెట్‌ జోరుగా పెరుగుతోందని, ఇన్వెస్టర్లు తమ పెట్టుబడుల పట్ల అప్రమత్తంగా ఉండాలని నిపుణులు సూచిస్తున్నారు.   ప్లాస్మా చికిత్సకు అమెరికా ఎఫ్‌డీఏ ఓకే... కరోనా వైరస్‌ సోకిన రోగులకు ప్లాస్మా చికిత్స చేయడానికి అమెరికా ఎఫ్‌డీఏ ఆమోదం తెలిపింది. మరోవైపు కరోనా వ్యాక్సిన్‌ను ఇంగ్లాండ్‌ నుంచి దిగుమతి చేసుకోవడానికి కొన్ని నిబంధనలను సడలించాలని అమెరికా ప్రభుత్వం యోచిస్తోందన్న  వార్తలు వచ్చాయి. ఫలితంగా అమెరికాలో అధ్యక్ష ఎన్నికలకు ముందే కరోనా వ్యాక్సిన్‌ను ఉపయోగించే అవకాశాలున్నాయి. ఈ రెండు అంశాల కారణంగా ప్రపంచ మార్కెట్లు పరుగులు పెట్టాయి. ఆసియా మార్కెట్లు 1 శాతం యూరప్‌ మార్కెట్లు 2 శాతం రేంజ్‌లో లాభపడ్డాయి.   ► కోటక్‌ మహీంద్రా బ్యాంక్‌ షేర్‌ 3.5% లాభంతో రూ.1,387 వద్ద ముగిసింది. సెన్సెక్స్‌లో బాగా లాభపడిన షేర్‌ ఇదే.   ► దాదాపు 200కు పైగా షేర్లు ఏడాది గరిష్ట స్థాయిలకు చేరాయి. హీరో మోటొకార్ప్, ఆఫిల్‌ ఇండియా, ఇమామి,  సనోఫి ఇండియా, ఎస్‌ఆర్‌ఎఫ్, ఆర్తి డ్రగ్స్‌ తదితర షేర్లు ఈ జాబితాలో ఉన్నాయి.   ► ముంబై ఇంటర్నేషనల్‌ ఏయిర్‌పోర్ట్‌లో 74 శాతం వాటాను రూ.15,000 కోట్లకు కొనుగోలు చేయనున్నదన్న వార్తల కారణంగా అదానీ  ఎంటర్‌ప్రైజెస్‌ షేర్‌ 7 శాతం లాభంతో రూ.249 వద్ద ముగిసింది.  ఈ గ్రూప్‌లోని ఇతర షేర్లు కూడా లాభపడ్డాయి.   ► రూ.10 ముఖ విలువ గల ఒక్కో షేర్‌ను రూ. 1 ముఖ  విలువ పది షేర్లుగా విభజన చేసిన నేపథ్యంలో ఐషర్‌ మోటార్స్‌ షేర్‌ ఇంట్రాడేలో 10 శాతం ఎగసింది. చివరకు 0.36 శాతం లాభంతో రూ.2,178 వద్ద ముగిసింది.  ► దాదాపు 450కు పైగా షేర్లు అప్పర్‌ సర్క్యూట్లను తాకాయి. అదానీ గ్రీన్‌ ఎనర్జీ, రెప్కో హోమ్‌ ఫైనాన్స్, అరవింద్‌ ఫ్యాషన్స్‌ తదితర షేర్లు ఈ జాబితాలో ఉన్నాయి.

వాషింగ్టన్‌ : యాంటీ మలేరియా ఔషధం హైడ్రాక్సీ క్లోరోక్విన్‌పై అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ) కీలక ప్రకటన చేసింది. కరోనా రోగులకు ఈ ఔషధాన్ని ఉపయోగిస్తే సైడ్‌ ఎఫెక్ట్స్‌ వచ్చే అవకాశం ఉందని హెచ్చరించింది. కరోనాను హైడ్రాక్సీ క్లోరోక్విన్‌ నియంత్రిస్తుందనే దానిపై సరైన ప్రయోగం జరగలేదని, దీనిని ఎక్కువగా వాడటం మూలంగా ప్రమాదం తలెత్తే అవకాశం ఉందని ఎఫ్‌డీఏ అభిప్రాయడింది. అంతేకాకుండా హృదయ సంబంధిత వ్యాధులు కూడా సంక్రమించే అవకాశం ఉందని హెచ్చరించింది. ఈ మేరకే ఎఫ్‌డీఏ చీఫ్‌ ఎమ్‌. స్టీఫెన్‌ ఓ ప్రకటక విడుదల చేశారు. అమెరికాలో వైరస్‌ సోకిన వారికి అత్యవసర పరిస్థితుల్లో మాత్రమే  హైడ్రాక్సీ క్లోరోక్విన్‌ ఇవ్వాలని ఆదేశించామని తెలిపారు. కరోనా సోకిన వ్యక్తి ఆరోగ్య పరిస్థితిని బట్టి స్థానిక వైద్యులే అతనికి తగిన ఔషధాన్ని వాడాలని ఆయన సూచించారు. వైరస్‌ నియంత్రణకు మందును కనిపెట్టే ప్రయోగాలు వేగవతంగా జరుగుతున్నాయన్నారు. కాగా ప్రమాదకర కరోనా వైరస్‌కు ఇంతవరకు మందులేని విషయం తెలిసిందే. ఈ నేపథ్యంలో వైరస్‌ నుంచి రోగిని కాపాడేందుకు మలేరియా నియంత్రణకు ఇచ్చే హైడ్రాక్సీ క్లోరోక్విన్‌ను వాడొచ్చ భారత్‌ వైద్య పరిశోధనా మండలి (ఐసీఎంఆర్‌) అనుమతినిచ్చింది. (భారత ప్రజలకు ధన్యవాదాలు: ట్రంప్‌) ఈ క్రమంలోనే ఆ మెడిసిన్‌ను తమకు కూడా సరఫర చేయాలని అమెరికాతో పాటు ప్రపంచ దేశాలు భారత్‌ను అభ్యర్థించాయి. దీనికి ఎఫ్‌డీఏ కూడా గ్రీన్‌ సిగ్నిల్‌ ఇచ్చింది. దీంతో అమెరికాతో పాటు పలు ప్రపంచ దేశాలకు భారత్‌ ఈ ఔషధాన్ని ఎగుమతి చేసింది. అయితే కరోనాను నియంత్రించే శక్తి హైడ్రాక్సీ క్లోరోక్విన్‌ మందుకు ఉందని వైద్యుల ఇప్పటి వరకు ధృవీకరించలేదు. దీనిపై ఇంకా పరిశోధనలు జరుగుతున్నాయి. అయితే ప్రస్తుతానికి మాత్రం కరోనా రోగులకు ఇదే మందును ఉపయోగి​స్తున్నారు.

భారతీయ ఫార్మా కంపెనీలకు కామధేనువుగా ఉన్న అమెరికా... ఇప్పుడు చేదు గుళికలా మారుతోంది.  అక్కడి ఔషధ రంగ నియంత్రణ సంస్థ (ఎఫ్‌డీఏ)పరంగా చిక్కులు అంతకంతకూ పెరుగుతున్నాయి. ప్లాంట్లలో తయారీ ప్రమాణాలు, ఔషధాల నాణ్యతకు సంబంధించి .. ఇటీవలి కాలంలో ఎఫ్‌డీఏ నుంచి వచ్చే హెచ్చరికలతో కంపెనీలకు షాక్‌లమీద షాక్‌ తగులుతోంది. గతేడాది 7 లెటర్స్‌ రాగా ఈ ఏడాది ఇప్పటిదాకా 12 వార్నింగ్‌ లెటర్స్‌ వచ్చాయి. ఈ పరిణామాల నేపథ్యంలో కంపెనీలు తమ వ్యాపారాలకు రిస్కులను తగ్గించుకునే ప్రయత్నాలపై దృష్టి సారిస్తున్నాయి. ప్రధాన ఔషధాల ఉత్పత్తి, సరఫరాకు ఒకే సైటుపై ఆధారపడటాన్ని తగ్గించుకుంటున్నాయి. అమెరికా ఎఫ్‌డీఏ నుంచి దిగుమతులపై నిషేధం వర్తించేలా నోటీసులేమైనా వస్తే .. ఇబ్బందిపడకుండా ప్రత్యామ్నాయంగా తయారీ సైట్లను అభివృద్ధి చేసుకుంటున్నాయి.   తమ దేశానికి దిగుమతయ్యే ఔషధాల నాణ్యత, వాటి తయారీ ప్రమాణాలను ఎఫ్‌డీఏ తరచూ సమీక్షిస్తుంది. ఆయా ఔషధాలు తయారయ్యే ప్లాంట్లలో తనిఖీలు నిర్వహిస్తుంది. అక్కడ పాటిస్తున్న నాణ్యతా ప్రమాణాలు, ఉల్లంఘనల తీవ్రతను బట్టి వివిధ స్థాయుల్లో నోటీసులు ఇస్తుంటుంది. అధికారికంగా తప్పనిసరిగా తీసుకోవాల్సిన చర్యలుంటే ఓఏఐ కింద, స్వచ్ఛందంగా అమలు చేయాల్సిన చర్యలుంటే వీఏఐ కింద, ఎలాంటి చర్యలు అవసరం లేకపోతే ఎన్‌ఏఐ కింద వర్గీకరిస్తూ తదనుగుణంగా లేఖలు పంపుతుంది. సాధారణంగా ఓఏఐ స్థాయి ఉల్లంఘనలు ఉంటే.. వార్నింగ్‌ లెటర్లు వస్తుంటాయి. సదరు ప్లాంటులో తయారు చేసే ఔషధాలకు సంబంధించి పేటెంట్లేమైనా పెండింగ్‌లో ఉన్న పక్షంలో.. ఈ వార్నింగ్‌ లెటర్ల ప్రతికూల ప్రభావం వాటిపై పడే అవకాశం ఉంటుంది. ఉదాహరణకు.. తెలంగాణలోని అరబిందో ఫార్మా ఏడో యూనిట్‌కు సంబంధించి జారీ చేసిన ఫారం 483 (తనిఖీ నివేదిక వంటిది)లో ఎఫ్‌డీఏ ఏడు అంశాలను ప్రస్తావించింది. ఈ సైటు నుంచి 33 ఔషధాల తయారీకి అరబిందో చేసుకున్న దరఖాస్తులు ఎఫ్‌డీఏ వద్ద పెండింగ్‌లో ఉన్నాయి. 483లో ప్రస్తావించిన తీవ్రమైన అంశాలకు సంబంధించి ఎఫ్‌డీఏ నుంచి మరిన్ని సూచనలు రావొచ్చని, తదుపరి వార్నింగ్‌ లెటర్‌.. ఆపై మరీ పరిస్థితి దిగజారితే దిగుమతి అలర్టులూ రావొచ్చని బ్రోకరేజి సంస్థ ఐసీఐసీఐ డైరెక్ట్‌ పేర్కొంది. అయితే, అరబిందోకు ప్రత్యామ్నాయంగా చాలా ప్లాంట్లు ఉన్నందున పెద్దగా ఆందోళన చెందాల్సిన అవసరం ఉండకపోవచ్చనేది విశ్లేషకుల అభిప్రాయం. తాజాగా టోరెంట్‌కు లెటర్‌.. గురువారం టోరెంట్‌ ఫార్మాకు చెందిన ఇంద్రాద్‌ (గుజరాత్‌) ప్లాంటుకు ఇలాంటి వార్నింగ్‌ లెటరే వచ్చింది. ఈ ఏడాది ఏప్రిల్‌ 8 నుంచి 16 దాకా ఈ ప్లాంటులో తనిఖీలు నిర్వహించిన ఎఫ్‌డీఏ ఆ తర్వాత దీన్ని జారీ చేసింది. ఔషధాల తయారీలో నిర్దేశిత ప్రమాణాలను పాటించడంలో ఉల్లంఘనలు జరుగుతున్నాయని అందులో పేర్కొన్నట్లు టోరెంట్‌ వెల్లడించింది. 2019 మార్చి 11–19 మధ్య దహేజ్‌ ప్లాంటులో కూడా ఇలాంటి ఉల్లంఘనలే కనిపించాయని, పలు సైట్లలో ఇలాంటివి బైటపడటం కంపెనీ యాజమాన్య వైఫల్యాన్ని తెలియజేస్తోందని ఎఫ్‌డీఏ వ్యాఖ్యానించింది. వీటిని సరిదిద్దుకోకపోతే ఇంద్రాద్‌ ప్లాంటులో తయారయ్యే ఉత్పత్తుల దిగుమతులను నిలిపివేసే అవకాశం కూడా ఉందని హెచ్చరించింది. రీకాల్స్‌తో సందేహాలు .. వాస్తవానికి.. దేశీ ఫార్మా కంపెనీలు పలు ఔషధాల బ్యాచ్‌లను గతేడాది వివిధ అంశాల కారణంగా వెనక్కి తెప్పించడం ఎఫ్‌డీఏ దృష్టిలో పడిందని విశ్లేషకులు తెలిపారు. అందుకే తనిఖీలను మరింతగా పెంచిందని పేర్కొన్నారు. 2018లో భారతీయ కంపెనీలు 58 రీకాల్స్‌ ప్రకటించాయి. అంతక్రితం ఏడాదితో పోలిస్తే ఇది 87 శాతం అధికమని విశ్లేషకులు తెలిపారు. అంతే కాకుండా.. 2015–18 మధ్య కాలంలో జనరిక్‌ ఔషధాలకు అనుమతులు పెరగడంతో పోటీ కూడా తీవ్రంగా పెరిగిందని రేటింగ్‌ ఏజెన్సీ ఇక్రా వైస్‌ ప్రెసిడెంట్‌ గౌరవ్‌ జైన్‌ చెప్పారు. దీనితో ఎఫ్‌డీఏ తనిఖీలు కూడా పెరిగాయని ఆయన పేర్కొన్నారు. దేశీ ఫార్మా కంపెనీలకు అత్యధికంగా 2017లో 16, 2015లో 17 వార్నింగ్‌ లెటర్స్‌ వచ్చాయి.  ఈ ఏడాది ఎఫ్‌డీఏ తనిఖీలకు సంబంధించి ఇప్పటిదాకా 12 వార్నింగ్‌ లెటర్స్‌ వచ్చాయి. ప్రత్యామ్నాయ సైట్లపై కసరత్తు.. ఇలాంటి పరిణామాలు ఎదురైతే వ్యాపారం దెబ్బతినకుండా చూసుకునేందుకు ఫార్మా కంపెనీలు కొన్నాళ్లుగా వ్యూహాలను మార్చుకుంటున్నాయి. ఒకే ప్లాంటుపై ఆధారపడకుండా ఇతరత్రా ప్రత్యామ్నాయ వనరులను కూడా అభివృద్ధి చేసుకోవడం కొనసాగిస్తున్నట్లు సిప్లా గ్లోబల్‌ చీఫ్‌ ఫైనాన్షియల్‌ ఆఫీసర్‌ కేదార్‌ ఉపాధ్యే తెలిపారు.  అహ్మదాబాద్‌ దగ్గర్లోని మొరాయాలోని క్యాడిలా హెల్త్‌కేర్‌ ప్లాంటుకు 2015 డిసెంబర్‌లో వార్నింగ్‌ లెటరు వచ్చింది. అప్పటికి అమెరికా మార్కెట్‌ నుంచి వచ్చే ఆదాయాల్లో ఆ ప్లాంటు వాటా 60 శాతం దాకా ఉండేది. లెటర్స్‌ దరిమిలా ఆ ప్లాంటులో కార్యకలాపాలు స్తంభించి, వ్యాపారం దెబ్బతినకుండా క్యాడిలా  మొరాయా ప్లాంటులో తయారయ్యే 9 ఉత్పత్తులను ఇతర ప్లాంట్లకు మళ్లించింది. గ్లెన్‌మార్క్‌ కూడా బహుళ సైట్స్‌ వ్యూహాలను పాటిస్తోంది.

నొప్పి నివారణ మందులైన పెయిన్‌ కిల్లర్స్, ఎన్‌ఎస్‌ఏఐడీస్‌ (నాన్‌ స్టెరాయిడ్‌ యాంటీ ఇన్‌ఫ్లమేటరీ డ్రగ్స్‌) వాడటం సరికాదని మందులకు అధికారికంగా అనుమతి ఇచ్చే అమెరికాకు చెందిన ఫుడ్‌ అండ్‌ డ్రగ్స్‌ అడ్మినిస్ట్రేషన్‌ (ఎఫ్‌డీఏ) 2005లోనే హెచ్చరికలు చేసింది. ఆ హెచ్చరికల్లో వాస్తవం ఉందని ఇటీవలి అధ్యయనాల్లో మళ్లీ మరోసారి నిరూపితమైంది. నొప్పి నివారణ మందులు వాడాల్సి వస్తే వాటిని ఒకటి, రెండు వారాలకు మించి వాడవద్దని ఎఫ్‌డీఏ మరోమారు హెచ్చరిస్తోంది. ఎన్‌ఎస్‌ఏఐడీ వంటి నొప్పినివారణ మందులను దీర్ఘకాలం వాడటం వల్ల అది గుండెజబ్బులు, పక్షవాతం వచ్చే అవకాశం ఉందని హెచ్చరిస్తున్నారు. అయితే ఆస్పిరిన్‌ కూడా ఎన్‌ఎన్‌ఏఐడీ ల విభాగానికే చెందినదే అయినా దీనికి మాత్రం మినహాయింపునిచ్చారు. దీన్ని దీర్ఘకాలం వాడినా పర్వాలేదన్నమాట. ఇక ప్రత్యేకంగా ఇప్పటికే గుండెజబ్బులు (కార్డియోవాస్క్యులార్‌ డిసీజెస్‌) ఉన్నవారు, బైపాస్‌ అయినవారు, ఒకసారి గుండెపోటు వచ్చినవారు నొప్పినివారణ మందులు తీసుకోవాల్సి వస్తే... ఆన్‌కౌంటర్‌ మెడిసిన్‌లా కాకుండా, తప్పక డాక్టర్‌ను సంప్రదించాకే వాటిని వాడాలని ఎఫ్‌డీఏకు చెందిన నిపుణులు సూచిస్తున్నారు.

సాక్షి, హైదరాబాద్‌ : ఛాతిలో, కడుపులో మంట ఇలా ఏదైనా సమస్య వస్తే వైద్యులకు చెప్పకుండానే అనేక మంది ‘రానిటిడిన్‌’ మందు లను వాడేస్తున్నారు. డాక్టర్‌ ప్రిస్కిప్షన్‌ తోనూ, ప్రిస్కిప్షన్‌ లేకుండానే ఈ మం దును ఔషధ దుకాణాల్లో ఇస్తున్నారు. కానీ రానిటిడిన్‌లో ప్రమాదకరమైన ఎన్‌– నైట్రొసో డైమిథైలమైన్‌ (ఎన్‌డీఎంఏ) కొద్ది మోతాదులో ఉందని, దీంతో కేన్సర్‌ వచ్చే ప్రమాదం ఉందని అమెరికాకు చెందిన ఫుడ్‌ అండ్‌ డ్రగ్స్‌ అడ్మినిస్ట్రేషన్‌ (ఎఫ్‌డీఏ) తాజాగా ప్రకటించింది. దీంతో కెనడా, సింగపూర్, ఈజిప్ట్, బహ్రెయిన్‌ సహా పలుదేశాలు ఈ మందును నిషేధించాయి. హైదరాబాద్‌లోని ప్రముఖ ఫార్మా కంపెనీలు ఈ ఔషధంతో కూడిన మాత్రలను తయారు చేస్తాయి. ప్రముఖ అంతర్జాతీయ ఫార్మా కంపెనీ ఇప్పటికే కొన్ని దేశాలకు ఎగుమతి చేయగా.. ఎఫ్‌ఏడీ ప్రకటనతో ఆ సరుకును వెనక్కి తెప్పిస్తున్నట్లు వైద్య ఆరోగ్య శాఖ వర్గాలు తెలిపాయి. దేశంలోనూ ఈ ఔషధంతో కూడిన మాత్రలను నిషేధించాలని ఫార్మసిస్టులు కోరుతున్నారు. దేనికి వాడుతున్నారంటే.. రానిటిడిన్‌తో దేశంలో అనేక అంతర్జాతీయ బహుళ ఫార్మా కంపెనీలు రెండు మూడు ప్రధాన మైన బ్రాండ్ల పేరుతో ఔషధాన్ని తయారు చేస్తున్నాయి. రానిటిడిన్‌–150 ఎంజీ మాత్ర హిస్టమైన్‌–2 బ్లాకర్‌ అని పిలిచే ఒక ఔషధ సమూహాన్ని కలిగి ఉంది. ఈ ఔషధం కడుపులో ఆమ్ల ఉత్పత్తిని తగ్గిస్తుంది. కడుపు, పేగు లోపల పూతలా చికిత్స అందిస్తుంది. గ్యాస్ట్రో ఈసోఫాగల్‌ రిఫ్లక్స్‌ వ్యాధి, జోలింగర్‌–ఎల్లిసన్‌ సిండ్రోమ్‌ వంటి వ్యాధులు కడుపులో అధిక ఆమ్ల ఉత్పత్తికి దోహదం చేస్తాయి. అలాగే డియోడినల్‌ అల్సర్‌లు వచ్చినప్పుడు రానిటిడిన్‌–150 ఎంజీ మాత్ర ఉపయోగిస్తారు. చిన్న పేగు పూతల స్వల్పకాలిక చికిత్స కోసం ఉపయోగిస్తారు. కడుపు పూతలకు స్వల్పకాలిక చికిత్స కోసం రానిటిడిన్‌–150 ఎంజీ వాడుతారు. పూతల బారిన పడిన తర్వాత నిర్వహణ చికిత్సగా ఉపయోగిస్తారు. గ్యాస్ట్రో ఈసోఫాగల్‌ రిఫ్లక్స్‌ వ్యాధి నివారణకు కూడా రానిటిడిన్‌–150 ఎంజీని వాడతారు. ఎరోసివ్‌ ఈసోఫాగిటిస్‌ వచ్చినప్పుడు కూడా ఈ మాత్ర వాడతారు. కడుపు నుంచి సుదీర్ఘ ఆమ్లం రిఫ్లక్స్‌ కారణంగా ఆహార గొట్టం క్షీణిస్తే చికిత్స చేసేందుకు ఈ మాత్ర ఉపయోగిస్తారు. అలాగే జోలింగర్‌–ఎల్లిసన్‌ సిండ్రోమ్‌ వచ్చినప్పుడు కడుపులో ఆమ్ల స్రావం అరుదుగా ఉన్న అరుదైన పరిస్థితుల లక్షణాల ఉపశమనానికి ఈ మాత్రను ఉపయోగిస్తారు. హైపర్‌ సీక్రెటరీ కండీషన్‌లో చికిత్సకు ఉపయోగిస్తారు. భారత్‌లో ప్రతి ముగ్గురిలో ఒకరు.. కడుపులో మంట, ఎసిడిటీ, ఛాతిలో మంట వంటి పరిస్థితులను అనేకమంది ఎదుర్కొంటున్నారు. దీన్ని నివారించడానికి రానిటిడిన్‌ మూలనామం కలిగిన అనేక బ్రాండ్లతో కంపెనీలు తయారు చేస్తున్నాయి. అవన్నీ కూడా ప్రజలకు సుపరిచితం. భారత్‌లో ప్రతి ముగ్గురిలో ఒకరు వీటిని ఉపయోగిస్తున్నారని తెలంగాణ ఫార్మసీ కౌన్సిల్‌ సభ్యుడు సంజయ్‌రెడ్డి తెలిపారు. భారత్‌లో ఈ మందును నిషేధించాలని కోరారు.  

న్యూఢిల్లీ: ప్రముఖ ఫార్మా కంపెనీ లుపిన్‌కు చెందిన గోవా, మధ్యప్రదేశ్‌లోని పితంపూర్‌ ప్లాంట్లకు అమెరికా ఎఫ్‌డీఏ హెచ్చరిక లేఖలు జారీ చేసింది. ఈ ఏడాది ఏప్రిల్‌ 7న గోవా తయారీ కేంద్రం విషయమై అమెరికా మూడు ‘ఫామ్‌ 483’ అభ్యంతరాలను వ్యక్తం చేసిందని, అలాగే, పితంపూర్‌ ప్లాంట్‌కు సంబంధించి మే 19న ఆరు అభ్యంతరాలు వ్యక్తం చేయగా వాటికి బదులు ఇచ్చామని లుపిన్‌ స్పష్టం చేసింది. ఈ నేపథ్యంలో గోవా, పితంపూర్‌ యూనిట్‌–2లపై ఈ నెల 6న యూఎస్‌ఎఫ్‌డీఏ హెచ్చరిక లేఖలు జారీ చేసిందని లుపిన్‌ స్టాక్‌ ఎక్సేంజ్‌లకు సమాచారమిచ్చింది. ఎఫ్‌డీఏ లేఖలతో తాము తీవ్రంగా నిరాశ చెందామని పేర్కొంది. అయితే, ఈ యూనిట్ల నుంచి ఉత్పత్తుల సరఫరాకు ఎటువంటి అవాంతరాలు ఉండవని, కాకపోతే కొత్త ఉత్పత్తులకు అనుమతులు ఆలస్యమయ్యే అవకాశం ఉంద ని వివరించింది. ఈ ప్లాంట్లకు సంబం ధించి అమెరికా ఔషధ నియంత్రణ సంస్థ వ్యక్తం చేసిన అభ్యంతరాలను లుపిన్‌ బయటకు వెల్లడించలేదు. యూఎస్‌ఎఫ్‌డీఏ ఆందోళనలకు వేగంగా బదులిస్తామని, సత్వర పరిష్కారానికి వీలుగా సహకారం అందిస్తామని పేర్కొంది. నాణ్యత, నిబంధనల అమలులో కచ్చితంగా వ్యవహరిస్తామని, అన్ని కేంద్రాల్లో ఉత్తమ తయారీ, నాణ్యత ప్రమాణాలను కొనసాగించేందుకు కట్టుబడి ఉన్నామని లుపిన్‌ తన ప్రకటనలో తెలిపింది. పితంపూర్‌ యూనిట్‌ ఇండోర్‌కు సమీపంలో ఉంది. 17 శాతం డౌన్‌: అమెరికా హెచ్చరికలు లుపిన్‌ షేరును కుదేలు చేశాయి. మధ్యాహ్నం ఒంటి గంట తర్వాత షేరు ఒక్కసారిగా పతనమైంది. అమ్మకాల ఒత్తిడికి రూ.846.20 వరకు పడిపోయింది. ఆ స్థాయి నుంచి కాస్త కోలుకుని చివరికి 17 శాతం నష్టంతో బీఎస్‌ఈలో రూ.860.50 వద్ద క్లోజయింది. ఇది నాలుగేళ్ల కనిష్ట స్థాయి.


 ఒంటినే క్యాన్వాసులాగా మార్చి... సృజనాత్మకమైన అనేక రకాల డిజైన్లను ప్రదర్శించే ‘టాటూ’లను వేసుకోవాలని అనుకుంటున్నారా? టాటూను నేటి ట్రెండ్‌గా, ఫ్యాషన్‌గా భావించి దాన్ని వేసుకోవాలన్నది మీ ఉద్దేశమా? అయితే మరోసారి ఆలోచించుకోండి అని హెచ్చరిస్తుంది అమెరికాకు చెందిన ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ) సంస్థ. మార్కెట్‌లోకి రావాల్సిన అన్ని రకాల మందులకు  ప్రపంచవ్యాప్తంగా దీని ఆమోదం లభించాల్సి ఉంటుందన్న విషయం అందరికీ తెలిసిందే. ఇలాంటి సంస్థ చేసే హెచ్చరికలు కాబట్టి దీనికి ఉండే ప్రాధాన్యం అంతా ఇంతా కాదు.
 
  ఎఫ్‌డీఏకు చెందిన ఆఫీస్‌ ఆఫ్‌ కాస్మటిక్స్‌ అండ్‌ కలర్స్‌ విభాగానికి చెందిన డైరెక్టర్‌ డాక్టర్‌ లిండా కేట్జ్‌ మాట్లాడుతూ ‘‘టాటూస్‌ వేసుకున్న వారిలో చాలామంది ఆ తర్వాత తీవ్రమైన ఇన్ఫెక్షన్లు, చర్మ అలర్జీలకు గురవుతున్నారు. ఇలా టాటూ వేయించుకునే చాలా మందికి దాని వల్ల ర్యాష్, చర్మం ఎర్రబారడం, టాటూ వేసిన చోట ఉబ్బుగా మారడం వంటి దుష్ప్రభావాలు కనిపిస్తున్నాయి. టాటూ కోసం వాడే కలుషితమైన సూదులు, కంటామినేటెడ్‌ సిరా వంటివి ఇందుకు కారణాలు’’ అని పేర్కొంటున్నారామె. పైగా టాటూలు ఎప్పుడూ సురక్షితం కాదని చెబుతున్నారు.
 
  ‘‘ఇలా టాటూలు వేయించుకునేవారికి మరో ప్రమాదం కూడా పొంచి ఉంది. భవిష్యత్తులో వారు ఏదైనా సందర్భంలో ఎమ్మారై చేయించుకోవాల్సి వస్తే... తమకు టాటూ ఉందన్న విషయం డాక్టర్‌కు విధిగా చెప్పాలి. ఎందుకంటే ఆ ప్రదేశంలో వాపు, మంట వచ్చే అవకాశాలు ఉంటాయి’’ అంటున్నారు డాక్టర్‌ కాట్జ్‌.  ఇందులో వాడే ఇంకు లేదా రంగు పదార్థం వంటివాటిల్లో ఎఫ్‌డీఏ అనుమతి పొందినదంటూ ఏదీ లేదని ఎఫ్‌డీఏకి చెంది నిపుణులు స్పష్టం చేస్తున్నారు.