అత్యధిక దేశాల్లో ఎన్నికలు జరిగిన సంవత్సరంగా 2024 చరిత్రలో నిలిచిపోనుంది. అమెరికా నుంచి భారత్‌ దాకా ఈ ఏడాది ప్రపంచవ్యాప్తంగా ఏకంగా 73 దేశాలు ఓట్ల పండుగ జరుపుకోవడం విశేషం. 27 సభ్య దేశాలున్న యూరోపియన్‌ యూనియన్‌కు జరిగిన పార్లమెంటరీ ఎన్నికలు వీటికి అదనం! ఈ దేశాల్లో దాదాపు 400 కోట్ల పై చిలుకు జనాభా ఉంది. అంటే ప్రపంచ జనాభాలో దాదాపుగా సగం మంది ప్రత్యక్షంగా, పరోక్షంగా ఈ ఏడాది ఎన్నికల క్రతువులో పాల్గొన్నారు. వీటిలో చాలా ఎన్నికలు ఓటర్ల పరిణతికి అద్దం పట్టాయి. ఒక్కో దేశంలో ఒక్కోలా ప్రజలు తీర్పు వెలువరించడం విశేషం. పలు ఫలితాలు ఊహించినట్టు రాగా కొన్ని మాత్రం అనూహ్యాలతో ఆశ్చర్యపరిచాయి. అధికార పార్టీల అక్రమాల నడుమ ఎన్నికల ప్రక్రియనే అపహాస్యం చేసినవీ ఉన్నాయి... భారత ఓటర్ల పరిణతి భారత్‌లో సాధారణ ఎన్నికలు ప్రపంచంలోకెల్లా అతి పెద్ద ప్రజాస్వామిక క్రతువుగా ఎప్పుడో రికార్డు సృష్టించాయి. ఇంతటి బృహత్తర కార్యక్రమం ఎలాంటి అవాంఛనీయ ఘటనలూ లేకుండా ప్రశాంతంగా జరిగే తీరు చూసి ప్రపంచమంతా ఎప్పటికప్పుడు ఆశ్చర్యపోతూనే ఉంటుంది. ఈసారి కూడా అందుకు తగ్గట్టే ఏప్రిల్‌ నుంచి ఆరు వారాల వ్యవధిలో ఏడు విడతల్లో జరిగిన లోక్‌సభ ఎన్నికల్లో ఏకంగా 64.64 కోట్ల మంది ఓటు హక్కును వినియోగించుకోవడం విశేషం. ఈసారి ఏకంగా ‘400కు మించి’అన్న బీజేపీ చివరికి మెజారిటీకీ కాస్త తక్కువగా 240 లోక్‌సభ స్థానాలతోనే సరిపెట్టుకోవాల్సి వచ్చింది. అలా ఈసారి ఫలితాలు కూడా అందరినీ ఆశ్చర్యపరచడమే గాక భారత ఓటర్ల పరిణతికి అద్దం పట్టాయి.ట్రంప్‌.. తగ్గేదేలే...! నానారకాల వాదాలతో విడిపోయిన అమెరికాలో ఈసారి జరిగిన అధ్యక్ష ఎన్నికలు ప్రపంచమంతటినీ అమితంగా ఆకర్షించాయి. డొనాల్డ్‌ ట్రంప్‌ హవాకు అద్దం పట్టిన ఎన్నికలుగా నిలిచిపోయాయి. రిపబ్లికన్ల అభ్యరి్థత్వం సాధించడం మొదలుకుని ప్రధాన పోరు దాకా ఆద్యంతం ఆయన కనబరిచిన దూకుడు ఓటర్లను అమితంగా ఆకర్షించింది. ఆయన ‘అమెరికా ఫస్ట్‌’నినాదం రెండోసారి ప్రపంచంలోకెల్లా అత్యంత శక్తిమంతమైన అధికార పీఠం ఎక్కించింది. డెమొక్రాట్లకు అధ్యక్షుడు జో బైడెనే భారంగా మారారు. సకాలంలో తప్పుకోకపోవడం ద్వారా పార్టీ విజయావకాశాలకు తీవ్రంగా గండి కొట్టిన అప్రతిష్టను మూటగట్టుకున్నారు. భారత మూలాలున్న వైస్‌ ప్రెసిడెంట్‌ కమలా హారిస్‌ శాయశక్తులా ప్రయత్నించినా, ఆమెదే పైచేయి అని ప్రధాన మీడియా ఎంతగా హోరెత్తించినా ట్రంప్‌ ‘తగ్గేదే లే’అన్నారు. 538 ఎలక్టోరల్‌ ఓట్లలో ఏకంగా 312 ఓట్లను ఒడిసిపట్టి భారీ మెజారిటీతో విజయ దరహాసం చేశారు. రిషికి ఓటమి సమస్యలతో సతమతమవుతున్న బ్రిటన్‌ ప్రజలు తమ ఆగ్రహమంతటినీ అధికార కన్జర్వేటివ్‌ పార్టీపై చూపించారు. ఆ పార్టీ 14 ఏళ్ల ఏలుబడికి తెర దించారు. భారత మూలాలున్న తొలి బ్రిటన్‌ ప్రధానిగా చరిత్ర సృష్టించిన రిషి సునాక్‌ సారథ్యంలో కన్జర్వేటివ్‌లు దారుణ ఓటమి మూటగట్టుకున్నారు. లేబర్‌ పార్టీ నేత కియర్‌స్టార్మర్‌కు జనం పట్టం కట్టారు.పాక్‌లో ప్రహసనం పాకిస్తాన్‌లో ఫిబ్రవరిలో జరిగిన ఎన్నికలు అత్యంత వివాదాస్పదంగా నిలిచాయి. ప్రధాని షహబాజ్‌ షరీఫ్‌ కుటుంబ పార్టీ పాకిస్తాన్‌ ముస్లిం లీగ్‌ నవాజ్‌ (పీఎంఎల్‌–ఎన్‌) ఆద్యంతం ఎన్నికల అక్రమాలకు పాల్పడిందంటూ విమర్శలు వెల్లువెత్తాయి. ఎన్ని చేసినా జైలుపాలైన ఇమ్రా న్‌ఖాన్‌ ఆధ్వర్యంలోని పాకిస్తాన్‌ తెహ్రీక్‌–ఇ–ఇన్సాఫ్‌ (పీటీఐ)ను అడ్డుకోలేకపోయింది. పీటీఐ గుర్తింపునే రద్దు చేసినా స్వతంత్రులుగానే నిలబడి అన్ని పారీ్టల కంటే ఎక్కువ సీట్లు నెగ్గి సత్తా చాటారు. దాంతో నానా పారీ్టలను కలుపుకుని షహబాజ్‌ మరోసారి ప్రభుత్వాన్ని ఏర్పాటు చేయాల్సి వచి్చంది. లంకలో నవోదయం : కల్లోల శ్రీలంకలో సుదీర్ఘ వాయిదాల తర్వాత ఎట్టకేలకు నవంబర్‌లో జరిగిన ఎన్నికల్లో వామపక్షవాది అనూర కుమార దిస్సనాయకే సాధించిన విజయం ప్రపంచం దృష్టిని ఆకర్షించింది. దేశ దుస్థితికి ప్రధాన కారకులని భావించిన రాజపక్స కుటుంబాన్ని జనం రాజకీయంగా సమాధి చేశారు. పుతిన్‌ ఐదోసారి చెప్పుకోదగ్గ ప్రత్యర్థే లేకుండా జరిగిన ఎన్నికల్లో రష్యాలో పుతిన్‌ రికార్డు స్థాయిలో ఐదోసారి అధ్యక్ష ఎన్నికల్లో నెగ్గారు. అది కూడా ఏకంగా 87 శాతం ఓట్లు సాధించారు. సోవియట్‌ అనంతర కాలంలో రష్యాలో ఇదే అత్యధిక మెజారిటీ. పుతిన్‌కు ప్రధాన అడ్డంకిగా మారడం ఖాయమని భావించిన విపక్ష నేత అలెక్సీ నావల్సీ ఎన్నికలకు ముందు జైల్లో అనుమానాస్పద స్థితిలో మరణించడం పెను దుమారమే రేపింది. వెనెజువెలాలో అధ్యక్షుడు నికొలస్‌ మదురో విజయమూ వివాదాస్పదమైంది. పారిపోయిన నేతలుపొరుగు దేశం బంగ్లాదేశ్‌లో అనూ హ్య పరిణామాలు చోటుచేసుకున్నాయి. అది కూడా జనవరిలో సాధారణ ఎన్నికలు ముగిసి షేక్‌ హసీనా రికార్డు స్థాయిలో ఐదోసారి ప్రధాని కావడం ద్వారా అధికారాన్ని నిలబెట్టు్టకున్న ఐదు నెలలకే! అజ్ఞాత శక్తి కనుసన్నల్లో సాగినట్టు కని్పంచిన ‘ప్రజా ఉద్యమం’దెబ్బకు ఆమె పదవీచ్యుతురాలయ్యారు. అధికార నివాసాన్ని ఆందోళనకారులు చుట్టుముట్టడంతో దాదాపుగా కట్టుబట్టలతో ఉన్నపళంగా దేశం వీడి భారత్‌లో రాజకీయ ఆశ్రయం పొందారు. నోబెల్‌ గ్రహీత మహమ్మద్‌ యూనుస్‌ సారథ్యంలోని తాత్కాలిక సర్కా రు కొలువుదీరింది. నాడు మొదలైన అల్లర్లు, అరాచకాలు బంగ్లాలో నేటికీ కొనసాగుతున్నా యి. హిందువులతో పాటు మైనారిటీల భద్రతను ప్రమాదంలో పడేశాయి. అసద్‌లకు అల్విదా సిరియాలో అసద్‌ల 50 ఏళ్ల కుటుంబ పాలనకు తిరుగుబాటుదారులు డిసెంబర్‌లో తెర దించారు. అధ్యక్షుడు బషర్‌ అల్‌ అసద్‌ కుటుంబంతో పాటు రష్యాకు పారిపోయారు. అలా నియంతృత్వ పాలనకు తెర పడ్డా దేశం మాత్రం అనిశ్చితితో కూరుకుపోయింది. – సాక్షి, నేషనల్‌ డెస్క్‌

'పుష్ప 2' తొలిరోజు నుంచే బాక్సాఫీస్‌ను షేక్ చేస్తోంది. ఏకంగా రూ.294 కోట్ల గ్రాస్ సొంతం చేసుకుని.. ఇప్పటివరకు ఉన్న రికార్డులన్ని తుడిచిపెట్టేసింది. అలా దేశంలోనే అత్యధిక వసూళ్లు సాధించిన తొలి చిత్రంగా నిలిచింది. తొలిరోజు రూ.294 కోట్లు కలెక్షన్స్ సాధించిన 'పుష్ప 2'.. రెండో రోజు కాస్త తగ్గింది. రూ.155 కోట్ల గ్రాస్ సొంతం చేసుకుంది. అలా రెండు రోజులకు కలిపి రూ.449 కోట్లు రాబట్టింది. తాజాగా మూడు రోజుల్లోనే ఏకంగా రూ.621 కోట్ల గ్రాస్ వసూళ్లు చేసింది. ఈ విషయాన్ని నిర్మాణసంస్థ మైత్రి మూవీ మేకర్స్ అధికారికంగా వెల్లడించింది.హిందీలో తొలిరోజు రికార్డ్ బ్రేక్అయితే పుష్ప -2 హిందీలో ఓ రేంజ్‌లో దూసుకెళ్తోంది. తొలి రోజు రూ.72 కోట్ల నెట్ వసూళ్లు సాధించిన పుష్ప-2 మరో రికార్డ్ క్రియేట్ చేసింది. మూడో రోజు ఏకంగా రూ.74 కోట్లతో ఆ రికార్డ్‌ను తిరగరాసింది. దీంతో కేవలం హిందీలోనే మూడు రోజుల్లో రూ.205 కోట్లకు పైగా నెట్‌ వసూళ్లు రాబట్టింది. ఇక ముందుముందు మరెన్ని రికార్డులు కొల్లగొడుతందో ప్రస్తుత కలెక్షన్స్ చూస్తేనే తెలుస్తోంది. నార్త్‌లోనూ పుష్ప-2 రప్పా రప్పా అంటూ రికార్డుల మీద రికార్డులు క్రియేట్ చేస్తోంది. The box office is witnessing history with #Pushpa2TheRule ❤‍🔥The WILDFIRE BLOCKBUSTER collects a gross of 621 CRORES WORLDWIDE in just 3 days, shattering many records 💥💥💥Book your tickets now!🎟️ https://t.co/tHogUVEOs1#Pushpa2#WildFirePushpaIcon Star @alluarjun… pic.twitter.com/CQ1SBTAnV4— Mythri Movie Makers (@MythriOfficial) December 8, 2024

ప్రభాస్-నాగ్ అశ్విన్ కాంంబోలో వచ్చిన‌ చిత్రం కల్కి 2898 ఏడీ. జూన్ 27న ప్రపంచవ్యాప్తంగా విడుదలైన ఈ సినిమా బాక్సాఫీస్‌ను షేక్ చేస్తోంది. ఇప్పటికే పలు రికార్డులను తన పేరున లిఖించుకుంది. మొదటి రోజు నుంచే కాసుల వర్షం కురిపిస్తోంది. వైజయంతి మూవీస్ బ్యానర్‌లో వచ్చిన ఈ చిత్రంలో కమల్ హాసన్, అమితాబ్ బచ్చన్, దీపికా పదుకొణె, దిశా పటానీ కీలక పాత్రలు పోషించారు.తాజాగా కల్కి ఆరు రోజుల్లో అదిరిపోయే వసూళ్లు రాబట్టింది. కేవలం విడుదలైన ఆరు రోజుల్లోనే రూ.680 కోట్లకు పైగా వసూళ్లు సాధించింది. మంగళవారం ఒక్కరోజే రూ.55 కోట్లకు పైగా కలెక్షన్స్‌తో రూ.700 కోట్ల మార్క్ దిశగా దూసుకెళ్తోంది. ఇప్పటికే ఓవర్‌సీస్‌లో పలు రికార్డులు సృష్టించిన కల్కి.. మరికొద్ది రోజుల్లోనే రూ.1000 కోట్ల క్లబ్‌లో చేరడం ఖాయంగా కనిపిస్తోంది.

అందరూ అన్ని కూరగాయలు తినరు. చాలావరకు ఎక్కవ మంది కాకరకాయ, వంకాయ తినని చెబుతుంటారు. వంకాయల్లో తెల్ల వాటినే ఇష్టంగా ఎక్కువ మంది తినడం విశేషం. కానీ ఊదారంగులో ఉండే వంకాయలంటే చాలామంది నచ్చదు. దీంతో ప్రముఖ చెఫ్‌లు చాలా రకాల వంటకాలు కూడా చేస్తుంటారు. అయితే ఇదంతా ఎందుకు చెబుతున్నానంటే ఈ ఊదారంగు వంకాయతో చేసే భారతీయ వంటకమే అత్యంత వరస్ట్‌ కర్రీగా చెత్త ఆహారాల జాబితాలో స్థానం దక్కించుకుంది. ఎందువల్లా అనే కదా? ప్రముఖ ఆన్‌లైన్‌  ఫుడ్‌ పోర్టల్‌ 'టేస్ట్‌ అట్లాస్‌' ప్రతి ఏడాది ప్రపంచంలోనే టాప్‌ వంద చెత్త ఆహారాల జాబితాలను విడుదల చేస్తుంది. అలానే ఈసారి కూడా విడుదల చేయగా.. మనదేశం నుంచి తక్కువ రేటింగ్స్‌ పొందిన ఆలు భైంగైన్‌ ఆ జాబితా స్థానం దక్కించుకుంది. ఇది దాదాపు వంద వంటకాల్లో 60వ స్థానాన్ని దక్కించుకుంది. దీన్ని బంగాళదుంప, వంకాయ, ఉల్లిపాయ, టమాటాలు, అ‍ల్లం వెల్లులి పేస్టు వేసి చేస్తారు. ఇది గ్రేవీ వంటకం. దీన్ని ఇష్టపడే వారు మన దేశంలో చాలా తక్కువ మంది ఉన్నారు. అందుకే దీనికి తక్కువ రేటింగ్‌ వచ్చింది. చెప్పాలంటే ఈ రకమైన వంటకాన్ని ఉత్తర భారతదేశంలోనే ఎక్కువగా తింటారట. ప్రపంచంలో అత్యంత వరస్ట్‌ కర్రీ అత్యంత తక్కువ రేటింగ్‌తో తొలి స్థానం దక్కించుకున్న​ వంటకంగా హాక్లర్‌ నిలిచింది. ఇది ఐస్లాండ్‌కి చెందిన వంటకం. దీన్ని షార్క్‌ మాంసంతో మూడు నెలల పాటు పులియబెట్టి చేస్తారట. ఇది చాలా ఘాటైన రుచిన కలిగి ఉండటంతో అంత తేలిగ్గా ఎవరికీ నచ్చదట. పైగా తినేవారి సంఖ్య కూడా తక్కువ. ముఖ్యంగా ఐస్లాండ్‌లో ఉండే స్థానిక ప్రజలే దీన్ని ఇష్టంగా తింటారట. పర్యాటకులు మాత్రం ఆ కూర జోలికి పోనేపోరట. ఇక రెండో స్థానంలో అమెరికాకు చెందని రామన్‌ బర్గర్‌ నిలిచింది. దీన్ని రామన్‌ న్యూడిల్స్‌తో చేసే బర్గర్‌ ఇది. మధ్యలో మాంసాన్ని నింపి తయారుచేస్తారు. చాలా తక్కువ మందికి మాత్రమే ఇది నచ్చుతుంది. కాగా, ఈ టేస్టీ అట్లాస్‌ పోర్టల్‌లో ఎవరికీ ఏ ఆహారం నచ్చలేదో ప్రతి దేశానికి చెందిన ప్రజలు పాల్గొని చెప్పొచ్చు. అయితే ఏ వంటకాలు బాగోవని తక్కువ రేటింగ్‌ ఇస్తారో  వాటన్నంటిని వంద చెత్త వంటకాలలో ఎంపిక చేస్తారు. అలా మన దేశం నుంచి ఆలు భైంగైన్‌ ఈసారి చోటు దక్కించుకుంది.  View this post on Instagram A post shared by TasteAtlas (@tasteatlas) (చదవండి: బొటానికల్ వండర్‌! మానవ పెదవులు పోలిన మొక్క! ఎక్కడుందంటే..?)

2023 మరికొన్ని రోజుల్లోనే పూర్తికానుంది. మరి ఈ ఏడాదిలో ఎక్కువ మంది పర్యాటకులు సందర్శించిన టూరిస్ట్‌ ప్లేస్‌ ఏంటి? గతేడాదితో పోలిస్తే ఈ ఏడాది లిస్ట్‌లో ఏమైనా మార్పులు ఉన్నాయా? 2023లో ప్రపంచ వ్యాప్తంగా పర్యాటకులు ఎక్కువగా సందర్శించిన టూరిస్ట్‌ ప్రాంతమేంటి?అన్నదానిపై స్పెషల్‌ స్టోరీ.  ప్రతి ఏడాది ప్రజలు ఎక్కువగా సందర్శించే టూరిస్ట్‌ ప్రాంతాలను ట్రావెల్‌ ఏజెన్సీలు రిలీజ్‌ చేస్తుంటాయి. అలా ఈ ఏడాది కూడా లిస్ట్‌ను విడుదల చేశాయి. గ్లోబల్ డెస్టినేషన్ సిటీ ఇండెక్స్ విడుదల చేసిన జాబితా ప్రకారం  2023లో ఎక్కువ మంది ప్రజలు హాంకాంగ్‌ వెళ్లేందుకు తెగ ఇంట్రెస్ట్‌ చూపించారు. అలా టాప్‌ టూరిస్ట్‌ ప్లేస్‌లో  హాంకాంగ్‌ మొదటి స్థానంలో నిలిచింది. గతేడాది బ్యాంకాక్‌ నెంబర్‌ వన్‌ స్థానంలో ఉండగా, 2023లో మాత్రం హాంకాంగ్‌ ఫస్ట్‌ ప్లేస్‌లో నిలిచింది. హాంకాంగ్‌ నివేదిక ప్రకారం.. ఈ ఏడాది సుమారు  29.2మిలియన్ల మంది అంటే 2 కోట్ల 92లక్షల మంది హాంకాంగ్‌ను సందర్శించారు. ఆగ్గేయ చైనాను ఆనుకొని ఉన్న ఈ నగరంలో ప్రతి ఏడాది సుమారు 5మిలియన్లకు తగ్గకుండా ప్రజలు విజిట్‌ చేస్తుంటారట. అంతలా ఎక్కడ ఏముందబ్బా అని పరిశీలిస్తే.. హాంకాంగ్‌లో అనేక టూరిస్టు ప్రాంతాలు ఉన్నాయి. అందులో ముఖ్యంగా చెప్పుకోవాల్సింది డిస్నీల్యాండ్, విక్టోరియాస్‌ పీక్‌, మేడమ్ టుస్సాడ్స్ మైనపు మ్యూజియం, ఓషియన్‌ పార్క్‌,రిపల్స్‌ బే,లాంటూ ఐస్‌ల్యాండ్‌, స్టార్‌ ఫెర్రీ సహా ఎన్నో అద్భుతమైన ప్రదేశాలు పర్యాటకులను విపరీతంగా ఆకట్టుకుంటున్నాయి. 2025 నాటికి సుమారు 44 మిలియన్లకు పైగా ప్రజలు హాంకాంగ్‌ను సందర్శిస్తారని సమాచారం.  బ్యాంకాక్‌ హాంకాంగ్‌ తర్వాత ఎక్కువమంది పర్యాటకులు సందర్శించిన ప్రదేశం బ్యాంకాక్‌. ప్రపంచంలో అత్యధికంగా సందర్శించే నగరాల్లో బ్యాంకాక్ నగరం రెండోదిగా నిలిచింది. 2023 నాటికి  24 మిలియన్ల మంది అంటే సుమారు 2 కోట్ల 44 లక్షల మంది ప్రజలు బ్యాంకాక్‌ను సందర్శించారు. ఇక్కడి ప్రసిద్ధ బౌద్ధ దేవాలయాలు, షాపింగ్‌ కాంప్లెక్స్‌లు, ఆహ్లాదకరమైన వాతావరణం, వెరైటీ వంటలతో  బ్యాంకాక్‌ పర్యాటకులను విపరీతంగా అట్రాక్ట్‌ చేస్తుంది.  లండన్‌ బెస్ట్‌ టూరిస్ట్‌ ప్లేస్‌ జాబితాలో లండన్‌ మూడవ స్థానంలో ఉంది. ఈ ఏడాది 19.2 మిలియన్లు(కోటి 2 లక్షల మంది)  ప్రజలు లండన్‌ను సందర్శించారు. టూరిస్టులే కాకుండా పారిశ్రామిక వేత్తలు, సెలబ్రిటీలు కూడా 2023లో ఎక్కువగా లండన్‌ను విజిట్‌ చేశారు.  ఆ తర్వాత  ఈ ఏడాది ఎక్కువగా సింగపూర్‌,చైనా,దుబాయ్‌, ప్యారిస్‌, న్యూయార్క్‌ ప్రాంతాలను పర్యాటకులు ఎక్కువగా సందర్శించారు.

హైదరాబాద్‌: ప్రముఖ జ్యువెలరీ రిటైల్‌ చైన్‌ జోస్‌ అలుక్కాస్‌ రూ.5,500 కోట్లతో ప్రపంచ వ్యాప్తంగా భారీ విస్తరణ ప్రణాళికకు శ్రీకారం చుట్టింది. ప్రపంచ వ్యాప్తంగా 100 కొత్త షోరూమ్‌లను ఏర్పాటు చేయనున్నట్లు తెలిపింది. దేశంలోని ఒక జ్యువెల్లరీ రిటైల్‌ బ్రాండ్‌ రానున్న 8 సంవత్సరాల్లో చేపడుతున్న భారీ విస్తరణ కార్యక్రమం ఇదని వివరించింది. నిధులు, రియల్టీ సమకూరితే 4 సంవత్సరాల్లోనే తమ విస్తరణ కార్యక్రమం పూర్తవుతుందని వివరించింది.   సంస్థ విస్తరణ ప్రణాళికకు సంబంధించి చెన్నైలో జరిగిన మీడియా సమావేశంలో జోస్‌ అలుక్కాస్‌ మేనేజింగ్‌ డైరెక్టర్లు జాన్‌ అలుక్కా, వర్గీస్‌ అలుక్కా,  చైర్మన్‌ జోస్‌ అలుక్కా, నటుడు ఆర్‌ మాధవన్, కంపెనీ ఎండీ పాల్‌ అలుక్కా పాల్గొన్నారు. (చిత్రంలో ఎడమ నుంచి). ప్రస్తుతం 50 స్టోర్లను కలిగిన జ్యువెల్లరీ గ్రూప్‌ గ్లోబల్‌ అంబాసిడర్‌గా నటుడు మాధవన్‌ ఉన్నారు. నటి కీర్తి సురేశ్‌ను కూడా సంస్థ ప్రచారకర్తగా నియమించుకుంది.

న్యూయార్క్‌: ప్రపంచవ్యాప్తంగా 45 దేశాల్లోని 34.5 కోట్ల మంది ప్రజలు తీవ్ర క్షుద్బాధతో తనువు చాలిస్తున్నారని నాన్‌ గవర్నమెంటల్‌ ఆర్గనైజేషన్స్‌(ఎన్‌జీవోలు) పేర్కొన్నాయి. రోజుకు 19,700 మంది వంతున ప్రతి సెకనుకు నలుగురు చొప్పున ఆకలితో చనిపోతున్నట్లు అందులో పేర్కొన్నాయి. 2019తో పోలిస్తే ఆకలి చావులు రెట్టింపయ్యాయని తెలిపాయి. 75 దేశాలకు చెందిన ఆక్స్‌ఫామ్, సేవ్‌ ది చిల్డ్రన్, ప్లాన్‌ ఇంటర్నేషనల్‌ వంటి 238 ఎన్‌జీవోలు ఈ మేరకు ఐక్యరాజ్య సమితి సర్వప్రతినిధి సభ సమావేశాలకు హాజరయ్యే ప్రపంచ దేశాల నేతల నుద్దేశించి లేఖ రాశాయి. ‘‘21వ శతాబ్దంలో కరువు పరిస్థితులను రానివ్వబోమంటూ ప్రపంచ నేతలు ప్రతినబూనినప్పటికీ సొమాలియాలో మరోసారి తీవ్ర కరువు తాండవిస్తోంది. 45 దేశాల్లోని మరో 5 కోట్ల మంది ప్రజలు కరువుకు చేరువులో ఉన్నారు’’ అని ఆ ప్రకటనలో తెలిపాయి. ‘కేవలం ఒక దేశం లేదా ఖండానికి సంబంధించింది కాదు. మొత్తం మానవాళికే జరుగుతున్న అన్యాయమిది’’ అని పేర్కొన్నాయి. ప్రపంచవ్యాప్త ఆకలి సంక్షోభాన్ని నివారించేందుకు ప్రభుత్వాలు నిర్ణయాత్మకమైన చర్యలు తీసుకోవాలని కోరాయి. ‘‘21వ శతాబ్దంలో కూడా కరువు గురించి మాట్లాడుకోవాల్సి రావడం దారుణం. ప్రజల ప్రాణాలను రక్షించేందుకు తక్షణమే ఆహారంతోపాటు దీర్ఘకాలం పాటు వారికి సాయం కొనసాగించడంలో ఏమాత్రం ఆలస్యం తగదు’’ అని పేర్కొన్నాయి. 

జెనీవా: ప్రపంచవ్యాప్తంగా కరోనా కారణంగా ప్రత్యక్షంగా లేదంటే.. పరోక్షంగా 1.49 కోట్లమంది ప్రాణాలు కోల్పోయారని ప్రపంచ ఆరోగ్య సంస్థ గురువారం ప్రకటించింది. భారత్‌లో కరోనా మరణాలు 47 లక్షలని తెలిపింది. అయితే సంస్థ ప్రకటనను భారత్‌ అంగీకరించలేదు. మరణాల లెక్కింపునకు సంస్థ అనుసరించిన పద్ధతులపై భారత్‌ తీవ్ర అభ్యంతరం వ్యక్తం చేస్తోంది. తమ లెక్కల ప్రకారం ప్రపంచంలో జనవరి 2020 ఆరంభం నుంచి 2021 డిసెంబర్‌ చివరకు మరణించినవారి సంఖ్య 1.33– 1. 66 కోట్లు ఉంటుందని, సరాసరిన తీసుకుంటే ఈ సంఖ్య 1.49 కోట్లని డబ్ల్యూహెచ్‌వో డైరెక్టర్‌ జనరల్‌ టెడ్రోస్‌ చెబుతున్నారు. ఈ గణాంకాలు ప్రభుత్వాలకు ఆరోగ్యవ్యవస్థ మెరుగుపరచాల్సిన అవసరాన్ని సూచిస్తున్నాయన్నారు. ఈ లెక్కలో కరోనా సోకి చనిపోయినవారితో పాటు ఆరోగ్యవ్యవస్థ, సమాజంపై కరోనా ప్రభావం వల్ల మరణించినవారు కూడా ఉన్నారని డబ్ల్యూహెచ్‌వో తెలిపింది. ఈ పరోక్ష మరణాలు దక్షిణాసియా, యూరప్, అమెరికాలో అధికమని సంస్థ తెలిపింది. భారత్‌లో ఈ లెక్క 47, 40,894 పైనే ఉంటుందని సంస్థ ప్రకటించింది. తమ గణాంకాలు భారత అధికారిక గణాంకాలతో భిన్నంగా ఉండొచ్చని తెలిపింది. కానీ, ప్రపంచ ఆరోగ్య సంస్థ కరోనా మరణాల లెక్కింపు కోసం వాడిన పద్ధతులు సరైనవి కావని, ఈ లెక్కపై తమ అభ్యంతరాలను సంస్థకు తెలియజేస్తామని భారత ఆరోగ్య శాఖ తెలిపింది. భారత్‌లో కేంద్రం వైద్యారోగ్య కుటుంబ సంక్షేమ శాఖ గణాంకాల ప్రకారం.. ఇప్పటిదాకా కరోనాతో చనిపోయిన వాళ్ల సంఖ్య 5, 23, 000 కు పైనే ఉంది. అంటే.. డబ్ల్యూహెచ్‌వో ఇస్తున్న గణాంకాలు అధికారిక గణాంకాల కంటే పది రెట్లు దాకా ఎక్కువన్నమాట.  కరోనానే కారణం కాదు! భారత దేశంలో అధికారికంగా 2019లో 76.4 లక్షల మరణాలు(అన్నిరకాల మరణాలు) రికార్డు కాగా, 2020లో 6.2 శాతం పెరిగి 81.2 లక్షలకు చేరాయి. ఈ పెరుగుదలకు కేవలం కరోనా మాత్రమే కారణం కాదని నీతిఆయోగ్‌ సభ్యుడు పాల్‌ చెప్తున్నారు. ఇక మన అధికారిక లెక్కల ప్రకారం ఒక్క 2020లో భారత్‌లో లక్షన్నర కోవిడ్‌ మరణాలు నమోదయ్యాయి. కానీ  ప్రపంచ కోవిడ్‌ మరణాల్లో.. మూడింట ఒకవంతు భారత్‌లో సంభవించినట్లు డబ్ల్యూహెచ్‌వో సంస్థ గణాంకాలు చూపుతున్నాయి.

ప్రపంచంలోనే అత్యంత పొడవైన మెట్రో రైల్‌ నెట్‌వర్క్‌ను కలిగిన నగరంగా చైనాలోని షాంఘై అవతరించింది. తాజాగా రెండు డ్రైవర్‌లెస్ మెట్రో లైన్‌లు.. లైన్14, ఫేజ్ వన్ ఆఫ్ లైన్18ను ప్రారంభించడంతో ప్రపంచంలో అతిపెద్ద మెట్రో నెట్‌వర్క్‌గా నిలిచింది. షాంఘై మెట్రో నెట్‌వర్క్ ప్రత్యేకతలు.. తాజాగా కొత్త మెట్రో లైన్ల ప్రారంభోత్సవంతో షాంఘై సబ్‌వే నెట్‌వర్క్ 831కిలో మీటర్ల పొడవు విస్తరించింది. అదేవిధంగా ఆటోమేటిక్ లేదా డ్రైవర్‌లెస్ మెట్రో లైన్ల సంఖ్య 5కు చేరింది. పలు మెట్రో మార్గాలకు అనధికారిక మారుపేర్లు ప్రచారంలో ఉన్నాయి. లైన్10ను ‘గోల్డెన్ లైన్’గా స్థానికులు పిలుస్తారు. ఇది యుయువాన్ గార్డెన్, జింటియాండి, ఈస్ట్ నాన్జింగ్ రోడ్‌లోని ప్రధాన పర్యాటక ప్రాంతాల గుండా ప్రయాణిస్తుంది. లైన్6 గులాబీ రంగులో ఉన్నందున ‘హలో కిట్టి లేన్’ అని ప్రయాణికులు పిలుచుకుంటారు. షాంఘై మెట్రో నెట్‌వర్క్‌లో 508 స్టేషన్లు ఉన్నాయి. చైనాలోని బీజింగ్ మెట్రో నెట్‌వర్క్‌.. రెండో అతిపెద్ద సబ్‌వే వ్యవస్థను కలిగి ఉంది. బీజింగ్ మెట్రో ట్రాక్ పొడవు 780కిలో మీటర్లు విస్తరించింది. 2021లో సుమారు 53 కిలోమీటర్ల లైన్లను నిర్మించారు. బీజింగ్ డైలీ నివేదికల ప్రకారం.. బీజింగ్‌ మెట్రో నెట్‌వర్క్‌లో 450 స్టేషన్లు ఉన్నట్లు తెలుస్తోంది. మెట్రో ప్రయాణానికి అన్ని సౌకర్యాలు కల్పించడంతో స్థానికులు ఆనందం వ్యక్తం చేస్తున్నారు.  

కరోనా వ్యాక్సినేషన్‌ కార్యక్రమం కొనసాగుతోంది.. బ్రిటన్‌ మాత్రల్ని కూడా మార్కెట్‌లోకి తెచ్చేసింది.. కోవిడ్‌–19 నిబంధనలపై ప్రజల్లో అవగాహన పెరిగింది. అయినా కొన్ని దేశాలు కరోనా థర్డ్‌వేవ్, ఫోర్త్‌వేవ్‌తో అల్లాడిపోతున్నాయ్‌  వైరస్‌ బయల్పడిన రెండేళ్లలో 25 కోట్లకు కేసులు చేరుకొని ప్రపంచ దేశాల్లో డేంజర్‌ బెల్స్‌ మోగిస్తున్నాయి.   రెండేళ్లలోపే ప్రపంచవ్యాప్తంగా కరోనా సోకిన వారి సంఖ్య 25 కోట్లు దాటేసింది. అన్ని దేశాలు రవాణా ఆంక్షల్ని సడలిస్తున్న నేపథ్యంలో తాజాగా పలుచోట్ల కేసులు మళ్లీ పెరగడం ఆందోళన పుట్టిస్తోంది. రష్యా, యూరప్‌ దేశాల్లో కరోనా కేసులు ఈ మధ్య కాలంలో విజృంభిస్తున్నాయి. జాన్‌హాప్‌కిన్స్‌ యూనివర్సిటీ గణాంకాల ప్రకారం ఇప్పటిదాకా మొత్తం కరోనా సోకిన వారి సంఖ్య దాదాపుగా 25.5 కోట్లకు చేరుకుంది. కోవిడ్‌ బాధితుల మరణాలు 50.05 లక్షలు దాటేశాయి.   చైనాలోని వూహాన్‌లో 2019 డిసెంబర్‌లో తొలిసారిగా వెలుగులోకి వచ్చిన ఈ వైరస్‌ వాయువేగంతో వ్యాప్తి చెంది రెండేళ్లు గడవకుండానే  25 కోట్ల మందికి సోకింది. ప్రస్తుతం రష్యా, ఉక్రెయిన్, గ్రీస్, జర్మనీ కరోనా హాట్‌స్పాట్‌లుగా మారాయి. రష్యాలో రోజుకి 35 వేలకుపైగా కేసులు నమోదవుతున్నాయి. ఉక్రెయిన్‌లో  24 గంట్లోనే 833 మంది మృత్యువాతపడ్డారు. అయితే తాజా కేసుల్లో అత్యధిక మందిలో లక్షణాలు లేకపోవడం, వైరస్‌ లోడు తక్కువగా ఉండడం, ఆస్పత్రి అవసరం లేకుండానే తగ్గిపోవడం కాస్త ఊరటనిస్తోంది.   వ్యాక్సినే బ్రహ్మాస్త్రం  కరోనాని కట్టడి చేయడానికి వ్యాక్సిన్‌కి మించిన బ్రహ్మాస్త్రం లేదు. అయినా పలు దేశాల్లో టీకా కార్యక్రమం మందకొడిగా సాగుతూ ఉండటంతో కేసులు ఎగబాకుతున్నాయి. వరల్డ్‌ ఇన్‌ డేటా ప్రకారం ప్రపంచ జనాభాలో సగం మందికి పైగా ఒక్క డోస్‌ కూడా ఇవ్వలేదు.. ఒక డోసు తీసుకున్న వారు 310 కోట్లు ఉంటారు. అమెరికా, యూరప్‌  దేశాల్లో కరోనా వ్యాక్సిన్‌ తీసుకోవడానికి ప్రజలు ముందుకు రాకపోవడంతో కేసుల సంఖ్య పెరుగుతూ వస్తోంది. నిరుపేద దేశాల్లో టీకా అందుబాటులో లేకపోవడంతో 5% కంటే తక్కువ మందే ఒక్క డోసు తీసుకున్నారు.  కోవిడ్‌–19 టీకా తీసుకోకపోతే ఐసీయూలో చేరడం, లేదంటే ప్రాణాలు కోల్పోయే ప్రమాదం 16 రెట్లు ఎక్కువగా ఉంటుందని ఇటీవల ఆస్ట్రేలియా చేసిన అధ్యయనంలో వెల్లడైంది. సింగపూర్, దక్షిణ కొరియా, ఆస్ట్రేలియా, చైనా వంటి దేశాల్లో కనీసం ఒక్క టీకా డోసు తీసుకున్న వారు 70 శాతానికి పైగా ఉన్నారు.     – నేషనల్‌ డెస్క్, సాక్షి    ప్రభావం ఎలా ఉందంటే..  ►55 దేశాల్లో కేసులు బాగా పెరుగుతున్నాయి.  ►ప్రపంచంలో నమోదవుతున్న కేసుల్లో సగానికి పైగా కేసులు యూరప్‌ దేశాల నుంచే వస్తున్నాయి. గత నాలుగు రోజుల్లోనే 10 లక్షల కేసులు యూరప్‌లో నమోదయ్యాయి.   ►అమెరికా కరోనా కేసుల పట్టికలో టాప్‌లో  ఉంది. ఆ దేశంలో ప్రతీ అయిదు మందిలో ఒకరికి కరోనా సోకింది. ఇప్పటివరకు మొత్తం 4.65 కోట్ల కేసులు నమోదయ్యాయి.   ►మొదటి 5 కోట్ల కేసులు నమోదవడానికి ఏడాది సమయం పడితే అప్పట్నుంచి ప్రతీ మూడు నెలలకి 5 కోట్ల కేసులు నమోదవుతూ వస్తున్నాయి.   ►కరోనా మహమ్మారి వెలుగులోకి వచ్చి రెండేళ్లు గడుస్తున్నా ఇంకా కేసులు తగ్గకపోవడానికి డెల్టా వేరియెంట్‌ విజృంభణే కారణం   ►తూర్పు యూరప్‌లో అతి తక్కువగా వ్యాక్సినేషన్‌ జరగడం వల్లే ఈ పరిస్థితి వచ్చిందని నిపుణులు అభిప్రాయపడుతున్నారు.   ►గత ఏప్రిల్‌ వరకు ప్రపంచవ్యాప్తంగా సగటున రోజుకి 8,26,000 కేసులు నమోదవుతే ప్రస్తుతం 4లక్షల కేసులు వస్తున్నాయి. 

తెలుగు ప్రపంచం రెండు తెలుగు రాష్ట్రాలకే పరిమితం కాదు. దేశంలోని ఇతర రాష్ట్రాల నుంచి సైతం ఖండఖండాంతరాల వరకు విస్తరించిన ఘనత గలది మన తెలుగుజాతి. తొలి తరాల్లో విదేశాలకు వెళ్లిన తెలుగు ప్రముఖులు ఖండాంతరాలలో మన ఖ్యాతిపతాకాన్ని ఎగురవేశారు. విదేశాల్లో స్థిరపడ్డ మన తెలుగువారు ఇప్పుడు కూడా అదే పరంపరను కొనసాగిస్తున్నారు. ఇప్పుడు అమెరికాలోని తెలుగువాళ్లు సొంత విశ్వవిద్యాలయ ప్రాంగణాన్ని ఏర్పాటు చేసుకుంటున్నారు. ఐదేళ్ల కిందట ప్రారంభమైన సిలికానాంధ్ర విశ్వవిద్యాలయం శాన్‌వాకిన్‌ జిల్లా పరిధిలోని ట్రేసీ పట్టణానికి చేరువలో అరవైఏడు ఎకరాల సువిశాల స్థలంలో ప్రపంచస్థాయి విద్యాప్రాంగణ నిర్మాణాన్ని తలపెట్టింది. దీనికి సీనియర్‌ కాలేజ్‌ అండ్‌ యూనివర్సిటీ కమిషన్‌ గుర్తింపు లభించడం విశేషం. తెలుగు ప్రజలు గర్వించదగిన పరిణామం ఇది.  ఖండాంతరాలలో తెలుగువారి కీర్తపతాక రెపరెపలకు దోహదపడిన తొలితరం ప్రముఖులను ఈ సందర్భంగా గుర్తుచేసుకోవాలి. ముఖ్యంగా తెలుగునేలకు వెలుపలి నుంచి కృషి కొనసాగించిన మహానుభావులను తలచుకోవాలి. రష్యాలో పనిచేస్తూ ఉప్పల లక్ష్మణరావు, ఇంగ్లండ్‌లో పనిచేస్తూ గూటాల కృష్ణమూర్తి గత శతాబ్దిలోనే తెలుగు వెలుగులను విదేశాలకు విస్తరించారు. వృక్షశాస్త్రవేత్తగా జగదీశ్‌చంద్ర బోస్‌ వద్ద పరిశోధనలు కొనసాగించిన ఉప్పల లక్ష్మణరావు, కమ్యూనిజం వైపు ఆకర్షితులై రష్యా వెళ్లారు. రష్యన్‌ నుంచి తెలుగులోకి దాదాపు నలభైకి పైగా పుస్తకాలను అనువదించారు. రష్యన్‌–తెలుగు నిఘంటువును నిర్మించారు. స్వాతంత్య్రోద్యమ నేపథ్యంలో రాసిన ‘అతడు–ఆమె’ నవల, ‘బతుకు పుస్తకం’ ఆత్మకథ సహా పలు రచనలు ఉప్పల స్థానాన్ని తెలుగు సాహిత్యంలో చిరస్థాయిగా నిలిపాయి. ఇక ఇంగ్లిష్‌ సాహిత్యం చదువుకున్న  గూటాల కృష్ణమూర్తి ‘లండన్‌ టైమ్స్‌’ పత్రికలో గుమస్తా ఉద్యోగం కోసం లండన్‌ చేరుకున్నారు. అక్కడే పీహెచ్‌డీ పూర్తి చేసి, ఇన్నర్‌ లండన్‌ ఎడ్యుకేషనల్‌ అథారిటీ సర్వీస్‌లో చేరి, వివిధ కళాశాలల్లో అధ్యాపకుడిగా పనిచేశారు. మహాకవి శ్రీశ్రీ చేతిరాతతో ‘మహాప్రస్థానం’ ముద్రించడమే కాకుండా, ఆయన స్వయంగా చదివిన ‘మహాప్రస్థానం’ ఆడియో టేపును రికార్డు చేశారు. ఉప్పల, గూటాల ఇద్దరూ తెలుగునేలకు వెలుపల ఒడిశాలో పుట్టి పెరిగిన వారే!  ఉప్పల లక్ష్మణరావు బరంపురంలో, గూటాల కృష్ణమూర్తి పర్లాకిమిడిలో పుట్టారు. ఒడిశాలోని ఈ రెండు పట్టణాలూ అప్పట్లో ఒకే జిల్లాలో–గంజాం జిల్లాలో ఉండేవి. పర్లాకిమిడి ఇప్పుడు గజపతి జిల్లా కేంద్రమైంది. తెలుగునేలకు వెలుపల ఉన్న ఈ రెండు పట్టణాలూ ఆధునిక తెలుగు భాషా సాహిత్యాల్లోని కీలకమైన మలుపులకు కేంద్రస్థావరాలుగా నిలిచాయి. వ్యావహారిక భాషోద్యమ సారథి గిడుగు రామమూర్తి పర్లాకిమిడి కేంద్రంగానే తన ఉద్యమాన్ని కొనసాగించారు. తెలుగు పత్రికారంగంలో వాడుక భాషను ప్రవేశపెట్టిన ఘనత గిడుగువారి శిష్యుడు తాపీ ధర్మారావుకు దక్కుతుంది. తాపీవారు బరంపురంలోని ఖల్లికోట కళాశాలలో గణితశాస్త్ర అధ్యాపకుడిగా కొన్నాళ్లు పనిచేశారు. తన మిత్రుడు దేవరాజు వెంకట కృష్ణారావుతో కలసి బరంపురంలో ‘వేగుచుక్క గ్రంథమాల’ను స్థాపించారు. దేవరాజు వెంకట కృష్ణారావు తెలుగులో తొలి డిటెక్టివ్‌ నవల ‘వాడే వీడు’ రచించారు. తెలుగునేలకు వెలుపల పురుడు పోసుకున్న వ్యావహారిక భాషోద్యమం, డిటెక్టివ్‌ సాహిత్యం తర్వాతికాలంలో తెలుగు భాషా సాహిత్యాలపై చూపిన ప్రభావం సామాన్యమైనది కాదు. తెలుగులో తొలి డిటెక్టివ్‌ నవలా రచయితగా మాత్రమే కాదు, గళ్లనుడికట్టు పదప్రహేళిక సృష్టికర్తగా కూడా దేవరాజు వెంకట కృష్ణారావు సాధించిన ఘనత చిరస్మరణీయం.  తెలుగునేలకు వెలుపల దేశంలోని పలు రాష్ట్రాల్లోనూ, వివిధ దేశాల్లోనూ తెలుగువాళ్లు భాషా సాంస్కృతిక సంఘాలను ఏర్పాటు చేసుకుని, భాషా సాంస్కృతిక పరిరక్షణ కోసం ఇతోధికంగా కృషి చేస్తున్నారు. తమిళనాడు, కర్ణాటక, కేరళ, ఒడిశా, మధ్యప్రదేశ్, ఛత్తీస్‌గఢ్, పశ్చిమబెంగాల్‌ వంటి రాష్ట్రాల్లో తెలుగు భాషా సాంస్కృతిక సంస్థలు నేటికీ క్రియాశీలకంగానే పనిచేస్తున్నాయి. అమెరికా, యూరోప్, ఆఫ్రికా, ఆస్ట్రేలియా, గల్ఫ్, తూర్పు, ఆగ్నేయాసియా దేశాల్లోనూ తెలుగువారు తమ ఉనికిని చాటుకుంటూనే ఉన్నారు. మయన్మార్‌లో కొద్ది దశాబ్దాలుగా పరిస్థితులు అస్తవ్యస్తంగా మారాయి గానీ, బ్రిటిష్‌ హయాంలో తెలుగువాళ్లు గణనీయమైన సంఖ్యలోనే అక్కడకు వలస వెళ్లేవారు. అప్పట్లో అది బర్మా. దాని రాజధాని రంగూన్‌. తెలుగువాళ్లు రంగూన్‌నే ‘రంగం’గా పిలుచుకునేవారు. ఇప్పటికీ వ్యాప్తిలో ఉన్న ఆనాటి జానపద గేయాల్లోనూ, సామెతల్లోనూ వినిపించే ‘రంగం’ రంగూనే! అప్పట్లో బర్మాలో మూడు తెలుగు దినపత్రికలు నడిచేవంటే ఇప్పటి తరానికి నమ్మశక్యం కాదు గానీ, అది వాస్తవ చరిత్ర. తెలుగు రాష్ట్రాలకు దూరంగా మనుగడ సాగిస్తున్న తెలుగు ప్రజలు, తమ ప్రాంతాల్లోని ప్రభుత్వాల సహకారం ఉన్నా, లేకున్నా, తమ భాషా సంస్కృతులను కాపాడుకోవడానికి తమ శాయశక్తులా కృషిని కొనసాగిస్తూనే ఉన్నారు. తెలుగు భాషలో విద్యాబోధనకు అవకాశాలు లేని ప్రాంతాల్లో తమ పిల్లలు కనీసం తెలుగు మాటలనైనా మరచిపోకుండా ఉండేందుకు స్వచ్ఛందంగా తెలుగు బడులు సైతం నిర్వహిస్తున్నారు. మన దేశంలోని పలు రాష్ట్రాల్లోనే కాకుండా, తెలుగువారు ఉండే కొన్ని దేశాల్లో ఇలాంటి పరిస్థితులు ఉంటే, మరికొన్ని దేశాల్లోని విశ్వవిద్యాలయాలు ఎంతో ఉదారంగా తెలుగు బోధన, పరిశోధనలకు ఆస్కారం కల్పిస్తుండటం విశేషం. విదేశాల్లో సొంత విశ్వవిద్యాలయ ప్రాంగణాన్ని ఏర్పాటు చేసుకున్న ఘనతను తమిళులు మనవాళ్ల కంటే ముందే సాధించారు. ఏదేమైతేనేం, సిలికానాంధ్ర విశ్వవిద్యాలయ ప్రాంగణం ద్వారా తెలుగు అంతర్జాతీయ భాషగా వెలుగొందగలదని ఆశించవచ్చు. 

హైదరాబాద్‌: అంతర్జాతీయంగా స్మార్ట్‌ఫోన్ల షిప్‌మెంట్‌పై కేనలిస్‌ డేటా విడుదల చేసింది. ఆ డేటా ప్రకారం వరల్డ్‌ వైడ్‌ గా స్మార్ట్‌ఫోన్ల వినియోగం 12శాతం పెరిగాయి. వాటిలో శాంసంగ్‌ 19శాతం స్మార్ట్‌ ఫోన్ల వినియోగంతో తొలిస‍్థానాన‍్ని దక్కించుకుంది. షియోమి17శాతంతో రెండో స్థానంలో ఉండగా.. 14శాతంతో యాపిల్‌ సైతం​ మూడో స్థానంలో నిలిచింది. వివో,ఒప్పో స్మార్ట్‌ఫోన్లు ఐదోస్థానంలో నిలిచింది.  తొలి క్వార్టర్‌లో 10 శాతం మార్కెట్‌ వాటాతో ఐదో స్థానంలో ఉంది. గతేడాది ఇదే కాలంతో పోల్చి చూస్తే 27 శాతం అధికంగా స్మార్ట్‌ఫోన్లను షిప్‌మెంట్‌ చేసినట్టు కేనలిస్‌ డేటా తెలియజేస్తోంది. గతేడాది కూడా వివో ఐదో స్థానంలో నిలవడం గమనార్హం. 50కు పైగా దేశాల్లో వివోకు విక్రయ నెట్‌వర్క్‌ ఉండగా.. 40 కోట్ల మంది యూజర్లు ఉన్నారని కేనలిస్‌ డేటాలో పేర్కొంది.  చదవండి: 'పెగసెస్‌' మీ స్మార్ట్‌ఫోన్‌ పై దాడి చేసిందో లేదో తెలుసుకోండిలా?!  

కరోనా ఒక ఉత్పాతం... ఉరుము లేని పిడుగులా ఆకస్మికంగా ప్రపంచం నెత్తిపై పడింది.. ఇదేదో చిన్న క్రిమి కాదు ప్రజల ప్రాణాలని నిర్దాక్షిణ్యంగా తీసే అతి పెద్ద మహమ్మారని త్వరలోనే అర్థమైంది. అయినా దానిని కట్టడి చేయలేకపోతున్నాం ఎన్నో ప్రకృతి విలయాలు, ప్రాణాంతక వ్యాధుల్ని మించి కరోనా చెలరేగిపోతోంది....  సునామీలు, భూకంపాలు, వరదలు, తుపానులు, హరికేన్లు.. ఒకటేమిటి ఎన్నో ప్రకృతి విలయాలు చేసే విధ్వంసాన్ని మనం చూస్తూనే ఉన్నాం. మానవాళి మరెన్నో భయంకరమైన మహమ్మారుల్ని ఎదుర్కొంది. వాటి కంటే కొన్ని ప్రాణాంతక వ్యాధుల్ని మించి కరోనా మనల్ని పీడిస్తోంది. కరోనా సెకండ్‌ వేవ్‌ వచ్చాక జనం పిట్టల్లా రాలిపోతున్నారు. ఏప్రిల్‌ 17, 2021 నాటికి 219 దేశాల్లో కరోనాతో 30 లక్షల మందికి పైగా ప్రాణాలు కోల్పోయారని ప్రపంచ ఆరోగ్య సంస్థ  చెబుతోంది.  ప్రపంచవ్యాప్తంగా సంభవించిన మరణాల్లో సగం 7 దేశాల్లోనే నమోదయ్యాయి. 20 ఏళ్లలో సంభవించిన ప్రకృతి విలయాల్లో మరణాల కంటే కరోనాయే ఎక్కువ ఉసురు తీసింది. ►2000–2019 మధ్య సంభవించిన ప్రకృతి విలయాలతో మరణించిన వారు 9.4 లక్షల మంది అని ఐక్యరాజ్యసమితి ఆఫీస్‌ ఫర్‌ డిజాస్టర్‌ రిస్క్‌ రిడక్షన్‌ (యూఎన్‌ఏడీఆర్‌ఆర్‌) వెల్లడించింది.  ►2004లో ఇండియా, ఇండోనేసియా తదితర దేశాలను ముంచిన సునామీ, 2008లో మయన్మార్‌ని ముంచేసిన నర్గీస్‌ తుపాన్, 2010లో హైతిలో వచ్చిన భూకంపం వంటివి ఉన్నాయి.  ►ఇక ప్రపంచవ్యాప్తంగా 2017–2019 మధ్య మూడేళ్లలో అక్వయిర్డ్‌ ఇమ్యూనో డెఫిసీయన్సీ సిండ్రోమ్‌ 24 లక్షల మంది ప్రాణాలు తీస్తే, కరోనా 16 నెలల్లోనే 30 లక్షల మంది ప్రాణాలను మింగేసింది.   ►క్షయ వ్యాధి రెండేళ్లలో 29 లక్షల ప్రాణాలను తీసింది.   ►2000–19 మధ్య కాలంలో భారత్‌లో సంభవించిన 320 ప్రకృతి వైపరీత్యాల్లో 79,732 మంది ప్రాణాలు కోల్పోతే, కరోనాతో ఏడాది కాలంలోనే 1.86 లక్షల మంది మరణించారు. అమెరికాలో వాషింగ్టన్‌కు చెందిన ఇన్‌స్టిట్యూట్‌ ఫర్‌ హెల్త్‌ మెట్రిక్స్‌ అండ్‌ ఎవాల్యూయేషన్‌ (ఐహెచ్‌ఎంఈ) అంచనాల ప్రకారం ఏప్రిల్‌ రెండో వారంలో వివిధ రకాల వ్యాధులు విజృంభణలో కోవిడ్‌–19 మూడో ర్యాంకులో ఉంది.   ప్రపంచ ఆరోగ్య సంస్థ కరోనా మరణాలు, లాక్‌డౌన్‌ కారణంగా ఉపాధి కోల్పోయి ఆకలి మరణాలు అన్నింటినీ తీసుకొని, గత 20 ఏళ్లలో సంభవించిన ప్రకృతి వైపరీత్యాలతో పోల్చి చూసింది. జీవించాల్సిన దాని కంటే ముందుగా ఎంత మంది మరణించారో లెక్కలు వేసింది. గత ఏడాదిలో, ప్రకృతి వైపరీత్యాల కారణంగా మరణించిన వారి కంటే కోవిడ్‌ బారిన పడి ముందస్తుగా మరణించిన వారు ఆసియాలో మూడు రెట్లు ఎక్కువగా ఉంటే, యూరప్‌లో 30 రెట్లు ఎక్కువగా ఉంది.  

న్యూఢిల్లీ: కోవిడ్‌ ఆంక్షల నేపథ్యంలో ప్రపంచదేశాల్లో పరిమితంగా భారత గణతంత్ర దినోత్సవ వేడుకలు జరిగాయి. సాధారణ రోజుల్లో కన్నులపండువగా జరిగే ఈ వేడుకలపై ఈసారి కరోనా ప్రభావం పడింది. ఆయా దేశాల్లో స్థిరపడిన భారతీయులు ఈ సంబరాల్లో పాల్గొని జాతీయభావం చాటి చెప్పారు. చైనా, సింగపూర్‌, ఆస్ట్రేలియా, శ్రీలంక, పాకిస్తాన్‌ తదితర దేశాల్లో భారత 72వ గణతంత్ర దినోత్సవ కార్యక్రమాలు జరిగాయి. చైనా, సింగపూర్, ఆస్ట్రేలియాల్లోని ప్రవాస భారతీయులు పరిమితంగా జరుపుకున్నారు. కోవిడ్‌ ఆంక్షల నేపథ్యంలో సాంస్కృతిక కార్యక్రమాలను ఆన్‌లైన్‌లో వీక్షించారు. చైనా రాజధాని బీజింగ్‌లో భారత గణతంత్ర దినోత్సవ కార్యక్రమంలో భాగంగా భారత రాయబార కార్యాలయంపై భారత రాయబారి విక్రమ్‌ మిశ్రి జాతీయ పతాకం ఎగురవేశారు. బీజింగ్‌లోనూ, పరిసర ప్రాంతాల్లో కోవిడ్‌ని దృష్టిలో ఉంచుకొని ఈ కార్యక్రమాన్ని అధికారులు, వారి కుటుంబాలకు మాత్రమే పరిమితం చేశారు. భారత జాతిని ఉద్దేశించి రాష్ట్రపతి రామ్‌నాథ్‌ కోవింద్‌ చేసిన ప్రసంగాన్ని మిశ్రి చదివి వినిపించారు. పాకిస్తాన్‌ రాజధాని ఇస్లామాబాద్‌లో తాము గణతంత్ర వేడుకలను ఎంతో ఉత్సాహంగా చేసుకున్నట్లు భారత హై కమిషన్ ట్విటర్‌లో తెలిపింది. చార్జ్‌ డి అఫైర్స్‌ సురేశ్‌‌‌ కుమార్‌ త్రివర్ణ పతాకాన్ని ఎగురవేసి, రాష్ట్రపతి సందేశంలోని కొన్ని భాగాలను వినిపించారు. సాంస్కృతిక కార్యక్రమాల్లో భాగంగా దేశభక్తి గీతాలను ఆలపించినట్లు వెల్లడించింది. కోవిడ్‌ ఆంక్షలు పాటిస్తూ బంగ్లాదేశ్‌లో భారతీయులంతా గణతంత్ర దినోత్సవాలను చేసుకున్నట్లు ఢాకా హై కమిషన్‌ ట్వీట్‌ చేసింది. హై కమిషనర్‌ విక్రం దొరైస్వామి త్రివర్ణ పతాకాన్ని ఎగురవేశారు. శ్రీలంక రాజధాని కొలంబోలోని భారత హై కమిషన్‌లో హై కమిషనర్‌ గోపాల్‌ బాగ్లే జాతీయ పతాకాన్ని ఆవిష్కరించారు. ఆస్ట్రేలియాలో ఆస్ట్రేలియా హై కమిషనర్‌ గీతేష్‌ శర్మ మువ్వన్నెల పతాకాన్ని ఎగురవేసి, రాష్ట్రపతి రామ్‌నాథ్‌ కోవిండ్‌ సందేశాన్ని చదివి వినిపించారు. సింగపూర్‌లో భారత హై కమిషనర్‌ పి.కుమారన్‌ గణత్రంత ఉత్సవాలకు సారథ్యం వహించారు. రాష్ట్రపతి ఉపన్యాసాన్ని లైవ్‌లో ప్రసారం చేశారు.

ప్రపంచదేశాలను కరోనా వైరస్‌ గడగడలాడిస్తోంది. అతి తక్కువ కాలంలోనే వందలాది దేశాలకు విస్తరించింది. లక్షలాది మంది ప్రాణాలను కూడా హరిస్తోంది. ఇలాంటి పరిస్థితుల్లో ఇంకా కరోనా కేసులే నమోదుకాని దేశాలు ఉన్నాయంటే నమ్మగలమా..? కానీ ఇది నిజం. ప్రపంచ వ్యాప్తంగా యూఎన్‌ఓ 193 దేశాలను అధికారికంగా గుర్తించింది. అందులోని 12 దేశాల్లో జూలై 19,2020 నాటికి ఎటువంటి కోవిడ్‌ కేసులు నిర్ధారించబడలేదు. ఈ దేశాలలో చాలా వరకు ఓషియానియాలోని పసిఫిక్‌ మహాసముద్ర ద్వీపదేశాలే ఉన్నాయి.  వివరాలు: ఉత్తరకొరియా, పలావు, సమోవా, వనాటు, టువాలు, మార్షల్‌ దీవులు, పలావు, నౌరు, కిరిబాటి, మైక్రోనేషియా, సోలమన్‌ దీవులు, టోంగా దేశాలలో ఒక్క కరోనా వైరస్‌ కేసు కూడా నమోదు కాకపోవడం విశేషం.  (24 గంటల్లో 2.6 లక్షల మందికి)

కరోనా కరాళ నృత్యం చేస్తోంది. అగ్రరాజ్యం అమెరికా చిగురుటాకులా వణికిపోతోంది. యూరప్‌ దేశాలు దిక్కుతోచని స్థితిలో పడిపోయాయి. ప్రధానంగా ఇటలీ, ఫ్రాన్స్, స్పెయిన్‌లలో కరోనా కోరలు చాచింది. ప్రపంచవ్యాప్తంగా 10 లక్షలకు చేరువలో కేసులు ఉండగా కోవిడ్‌ బారిన పడి ప్రాణాలు కోల్పోయిన వారి సంఖ్య 50 వేలను మించిపోయింది. ఇంతటి ఘోర కలిని ఊహించని ప్రపంచ దేశాలు దీనిని ఎలా ఎదుర్కోవాలో తెలీక గందరగోళంలో పడిపోయాయి. వాషింగ్టన్‌ /పారిస్‌/రోమ్‌ అగ్రరాజ్యానికి ఊపిరాడటం లేదు: అగ్రరాజ్యం అమెరికాలో రోజురోజుకీ కరోనా కేసులు, మృతుల సంఖ్య పెరిగిపోతూనే ఉంది. ఇప్పటికే 2 లక్షల 36 వేలకు పైగా కేసులు నమోదైతే, మృతుల సంఖ్య 5,700 చేరుకుంది. న్యూయార్క్‌ రాష్ట్రంలో ఆరువారాల వయసున్న చిన్నారి మరణించడం అందరినీ కలచివేస్తోంది. అయినా సరే అధ్యక్షుడు డొనాల్డ్‌ ట్రంప్‌ లాక్‌డౌన్‌ ప్రకటించడానికి అంగీకరించడం లేదు. ఒకవైపు భారీగా పెరిగిపోతున్న కేసులు, వైద్య సదుపాయాలు పూర్తి స్థాయిలో అందించలేకపోవడంతో అగ్రరాజ్యం ఎన్నడూ ఎదుర్కోని సంక్షోభ పరిస్థితుల్లో చిక్కుకుంది. (కరోనా: అపోహలూ... వాస్తవాలు) మాస్క్‌లు, గ్లౌవ్స్, శానిటైజర్లు, వెంటిలేటర్లు, ఇతర వైద్య పరికరాలకి కొరత ఉందని డిపార్ట్‌మెంట్‌ ఆఫ్‌ హోంల్యాండ్‌ సెక్యూరిటీ అధికారులు వెల్లడించారు. గత కొన్ని దశాబ్దాల్లో ఈ స్థాయి ముప్పుని అగ్రరాజ్యం ఎప్పుడూ ఎదుర్కోలేదు. దేశవ్యాప్తంగా ఇప్పటికిప్పుడు లాక్‌డౌన్‌ నిర్ణయాన్ని అమలు చేసినప్పటికీ అమెరికాలో లక్ష నుంచి 2 లక్షల మంది వరకు మరణించవచ్చునని కరోనాపై పోరాటానికి వైట్‌హౌస్‌ ఏర్పాటు చేసిన టాస్క్‌ ఫోర్స్‌ అంచనా వేస్తోంది. అయితే ప్రజలు ఇంటిపట్టునే ఉండేలా ఏ రాష్ట్రానికి ఆ రాష్ట్రం చర్యలు తీసుకుంది. 33 కోట్ల మంది జనాభా ఉన్న అమెరికాలో గత నెల రోజులుగా 27 కోట్ల మంది ఇంటిపట్టునే ఉంటున్నారు. విద్యాసంస్థలన్నీ మూసివేశారు. రవాణా, పర్యాటక రంగాలు స్తంభించాయి. (కరోనా: భయంకర వాస్తవం!) భారత్‌లో ఉన్న అమెరికన్లు వెనక్కి: కరోనా ముప్పుతో వివిధ దేశాలు అంతర్జాతీయ సరిహద్దుల్ని మూసివేయడంతో దాదాపుగా 30 వేల మందికి పైగా అమెరికా పౌరులు ఇతర దేశాల్లో చిక్కుకుపోయారు. వారిని వెనక్కి రప్పించడానికి అమెరికా ఏర్పాట్లు చేస్తోంది. భారత్‌లో ఉన్న అమెరికన్లు తిరిగి స్వదేశానికి తీసుకువచ్చే ప్రయత్నాలు మొదలుపెట్టింది. భారత్‌ లాక్‌డౌన్‌ సమయంలో అక్కడే ఉండిపోయిన ఈ తరుణంలో భారత ప్రభుత్వం తమకు చాలా సాయం చేస్తోందని అమెరికా విదేశాంగ శాఖ వెల్లడించింది. ఈ వారాంతం నుంచి న్యూఢిల్లీ, ముంబై నుంచి ప్రత్యేక విమానాలు ఏర్పాటు చేసి అమెరికన్లను వెనక్కి తెస్తామని తెలిపింది. ఆరోగ్య సదుపాయాలు పటిష్టంగా ఉండే స్పెయిన్‌లో ఒక్కరోజే 950 మంది మరణించారు. దీంతో మృతుల సంఖ్య పదివేలు దాటి పోయింది. ఇక కేసుల విషయానికి వస్తే లక్షా 10 వేలు దాటిపోయాయి. అయితే గత వారంతో పోల్చి చూస్తే కేసుల సంఖ్య కాస్త తగ్గుముఖం పట్టిందనే చెప్పాలి.   ► బ్రిటన్, ఫ్రాన్స్‌లో మృతుల సంఖ్య ఎక్కువవుతూ ఉంటే, ఇటలీలో కేసులు, మృతుల సంఖ్య కాస్త తగ్గుముఖం పడుతోంది.  ► తమ దేశంలో ఒక్క కరోనా వైరస్‌ కేసు కూడా నమోదు కాలేదని ఉత్తర కొరియా ప్రకటించింది. చైనాలో కొత్త వ్యాధి బయటకు వచ్చిందని తెలియగానే జనవరిలోనే తాము సరిహద్దులన్నింటినీ మూసేశామని, అందుకే ఒక్క కేసు కూడా నమోదు కాలేదని ఆరోగ్య శాఖ అధికారులు వెల్లడించారు  ► కరోనా వైరస్‌ కారణంగా కేవలం వృద్ధులే ప్రాణాలు కోల్పోతారన్నది వాస్తవం కాదని, యువకుల్లో రోగనిరోధక శక్తి లేని వారు కూడా చనిపోతున్నారని ప్రపంచ ఆరోగ్య సంస్థ వెల్లడించింది. దేశం గడ్డు పరిస్థితుల్ని ఎదుర్కోబోతోంది : ట్రంప్‌  కరోనాపై అన్ని వైపుల నుంచి యుద్ధం చేస్తున్నామని, ఎలాగైనా వైరస్‌పై విజయం సాధిస్తామని అమెరికా అధ్యక్షుడు ట్రంప్‌ అన్నారు. ఈ వైరస్‌ అత్యంత ప్రమాదకరమైనదని పెరిగిపోతున్న కేసుల సంఖ్య చూస్తే తెలుస్తుందన్నారు. ‘‘వైరస్‌పై పోరాటంలో భాగంగా ఎన్నో చర్యలు తీసుకున్నాం. భౌతిక దూరం, పనిచేసేవారికి ఆర్థిక సాయం, వైద్య సదుపాయాలు, విదేశీ ప్రయాణాలు రద్దు, కరోనాకు మందులు, వ్యాక్సిన్‌ కనిపెట్టే ప్రక్రియలు చేపట్టడం వంటివన్నీ ఎన్నో చేశాం. మరే దేశానికంటే ముందే ఈ చర్యలన్నీ తీసుకున్నాం’’అని ట్రంప్‌ మీడియాతో పేర్కొన్నారు. ‘‘రాబోయే రోజుల్లో దేశం చాలా గడ్డు పరిస్థితుల్ని ఎదుర్కోబోతోంది. రెండు మూడు వారాలు చాలా సంక్లిష్టమైన కాలం. ఇలాంటి సవాళ్లను ఎదుర్కొనే సమయంలో అమెరికన్లు ఎప్పుడూ కుంగిపోరు. భయపడిపోరు. కలసికట్టుగా ఎదుర్కొంటారు’ అని అన్నారు. గత ఐదు రోజుల్లో ఆయా దేశాల్లో కరోనా కేసులు, మృతులు ఇలా

ఇదంతా పక్కనపెడితే.. ఈ విలయం మొట్టమొదట అందరికంటే ముందు తాకింది ఎవరిని?. అంటే తొట్టతొలి కరోనా రోగి.. వైద్య పరిభాషలో చెప్పాలంటే ‘పేషెంట్‌ జీరో’ ఎవరు? చైనాలోని వూహాన్‌ నగరంలో పుట్టి.. ఒక్కో దేశాన్నీ చుట్టబెట్టేసింది కరోనా. లక్షల్లో బాధితులు.. వేలల్లో మృతులు. అగ్రరాజ్యమైనా.. అభివృద్ధి చెందుతున్న దేశమైనా.. అన్నింటా మరణ మృదంగమే!. ప్రపంచవ్యాప్తంగా కరోనా బాధితుల పేర్లు గోప్యంగా ఉంచుతున్నారు. పేషంట్లను ‘నంబర్లు’ గా వ్యవహరిస్తున్నారు. ప్రపంచవ్యాప్తంగా ఏడు లక్షలకుపైగా రోగులు ఉండగా, వీరిలో ‘పేషెంట్‌ జీరో’ ఎవరన్నది తెలుసుకోవడం కష్టమే. అయినా.. శాస్త్రవేత్తలు, సాంక్రమిక వ్యాధి నిపుణులు ఇప్పుడు అదేపనిలో ఉన్నారు. గతేడాది డిసెంబరులో చైనాలో మొదలైన కరోనా మూలాలను వెతికే ప్రయత్నం చేస్తున్నారు. కొంత విజయం సాధించారు కూడా. ఇటలీ, ఇరాన్, అమెరికాల్లోనూ ‘పేషెంట్‌ జీరో’ గుర్తింపునకు చేస్తున్న ప్రయత్నాలు ఫలిస్తే భవిష్యత్తులో ఇలాంటి విపత్తు సంభవించినప్పుడు మెరుగైన చికిత్స, నియంత్రణ చర్యలకు వీలుంటుందన్నది శాస్త్రవేత్తల అంచనా. పరిశోధనలకు కీలకం: పేషెంట్‌ జీరో ఎవరో తెలుసుకోవడమనేది వ్యాధులపై పరిశోధనలు చేసే వారికి కీలకం. వైరస్‌ లేదా సూక్ష్మజీవి ఎంతమందికి సోకే అవకాశముందో సూచించేందుకు ‘ఆర్‌–నాట్‌’ అనే పదాన్ని వాడుతుంటారు. కరోనా విషయంలో ఆర్‌–నాట్‌ 2.5గా ఉంది. అంటే పది మందికి వైరస్‌ సోకితే వారి నుంచి కనీసం 25 మంది దాని బారిన పడతారన్నమాట. పేషెంట్‌ జీరో ఎవరనేది తెలుసుకుంటే వైరస్‌ ఎక్కడ పుట్టింది? ఎలా విస్తరించింది? ఎంత మేరకు నియంత్రణ చర్యలు చేపట్టాలనేది తెలుస్తుందని హైదరాబాద్‌ కేంద్రంగా పనిచేస్తున్న సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ (సీసీఎంబీ) మాజీ డైరెక్టర్‌ సీహెచ్‌.మోహన్‌రావు ‘సాక్షి’కి తెలిపారు. వైరస్‌ జన్యుక్రమంలో మార్పులను గుర్తించడం చికిత్సను అభివృద్ధి చేసేందుకు అవసరమని ఆయన  చెప్పారు. ఈ నేపథ్యంలోనే చైనాతోపాటు ఇతర దేశాలూ పేషెంట్‌ జీరోను గుర్తించేందుకు శ్రమిస్తున్నాయి. కాకపోతే కొన్ని రోజులపాటు వైరస్‌ లక్షణాలేవీ కనిపించకపోవడం వల్ల చాలామంది అన్ని రకాల నియంత్రణలు, పరీక్షలను దాటుకుని తమకు తెలియకుండానే కరోనాను వ్యాప్తి చేశారు కాబట్టి.. పేషెంట్‌ జీరోను గుర్తించడం సులువు కాదు. చైనాలో ‘పేషెంట్‌ జీరో’ ఆమె? వూహాన్‌ నగరంలో ఉండే సముద్ర జంతువుల మార్కెట్లోనే కరోనా వైరస్‌ మనుషులకు సోకిందనే అనుమానాలున్నాయి. ఇదే మార్కెట్లో రొయ్యల వ్యాపారి వీ గుయిక్సియాన్‌ (57) అనే మహిళ చైనా వరకు పేషెంట్‌ జీరో కావచ్చని అంచనా. చైనా డిజిటల్‌ వార్తా పత్రిక ‘ద పేపర్‌’ కథనం ప్రకారం.. ఈమె గతేడాది డిసెంబరులో అస్వస్థతతో ఆసుపత్రిలో చేరింది. ఏటా శీతాకాలంలో జలుబు చేయడం సాధారణమే అనుకుని చాలాకాలం ఆసుపత్రికి వెళ్లలేదని, లక్షణాలు బాగా ముదిరాక చేరానని ఆమె చెప్పింది. మార్కె ట్లోని మూత్రశాలల ద్వారా తనకు వైరస్‌ సోకి ఉండొచ్చనేది ఆమె అంచనా. ప్రభుత్వం కొంచెం ముందుగానే మేల్కొని చర్యలు తీసుకుని ఉంటే ఈ స్థాయిలో మరణాలు ఉండేవి కాదని తెలిపింది. కరోనా లక్షణాలతో ఆసుపత్రిలో చేరిన తొలి 24 మందిలో ఈమె ఒకరని వూహాన్‌ మున్సిపల్‌ ఆరోగ్య కమిషన్‌ కూడా నిర్ధారించింది. అయితే గతేడాది డిసెంబరు 1న చైనా శాస్త్రవేత్తలు ఒక ప్రకటన చేస్తూ.. కరోనా బారినపడ్డ తొలి వ్యక్తికి సముద్రజీవుల మార్కెట్‌తో సంబంధం లేదని చెప్పారు. కాబట్టి వీ గుయిక్సియాన్‌ పేషెంట్‌ జీరో అయినప్పటికీ జంతువుల నుంచి వైరస్‌ సోకిన తొలి మనిషి మాత్రం కాకపోవచ్చు. ఇటలీలో మ్యూనిచ్‌ వాసి! యూరోపియన్‌ దేశాల్లో కరోనాతో తీవ్రంగా నష్టపోయిన దేశాల్లో ఇటలీ ఒకటి. వైరస్‌ వ్యాప్తితో ఈ దేశం జనవరి చివరిలో అన్ని విమాన సర్వీసులను రద్దు చేసింది. రోమ్‌లో ఇద్దరు చైనీయులకు వైరస్‌ సోకడం దీనికి కారణమైంది. అయితే నిపుణుల అంచనాల మేరకు ఈ వైరస్‌ విమాన సర్వీసుల రద్దుకు ముందే ఇటలీలోకి ప్రవేశించింది. ఫిబ్రవరి 21న ఇటలీ ఉత్తర ప్రాంతంలోని లాంబార్డీలో కరోనా వైరస్‌ సామాజిక స్థాయిలో విస్తరించడం మొదలైంది. మిలాన్‌ సమీపంలోని కొడోగ్నో పట్టణంలో మటియాస్‌ అని పిలిచే 38 ఏళ్ల వ్యక్తిని వైద్యులు ‘పేషెంట్‌ వన్‌’గా గుర్తించారు. ఈ వ్యక్తి ఇటీవల చైనాకు వెళ్లిన దాఖలాల్లేవు. కాకపోతే అతడి సహోద్యోగి ఒకరు చైనా నుంచి కొంతకాలం క్రితమే తిరిగి వచ్చాడు. ఈ వ్యక్తే పేషెంట్‌ జీరో కావచ్చునని అనుకున్నా.. అతడిలో వైరస్‌ లేనట్లు పరీక్షల్లో తేలింది. మటియాస్‌ వ్యాధిబారిన పడక ముందే ఇటలీలోకి వైరస్‌ వచ్చిందని, జన్యుక్రమాన్ని బట్టి చూస్తే జనవరి 19 –22 మధ్య మ్యూనిచ్‌ ప్రాంతంలో వైరస్‌ అంటించుకున్న వారెవరో ఇటలీకి దాన్ని మోసుకొచ్చి ఉండాలని బయోమెడికల్‌ రీసెర్చ్‌ ఇన్‌స్టిట్యూట్‌ డైరెక్టర్‌ మసీమో గల్లీ అంటున్నారు. అమెరికాలో వాషింగ్టన్‌ స్టేట్‌ వ్యక్తి.. అమెరికాలో తొలి కరోనా కేసు జనవరి 20న నమోదైంది. వూహాన్‌ నుంచి తిరిగొచ్చిన వాషింగ్టన్‌ స్టేట్‌ వ్యక్తి (35)లో లక్షణాలు కనిపించాయి. వూహాన్‌ నుంచి తిరిగొచ్చిన 4 రోజులకు అంటే జనవరి 19న అతడు సియాటెల్‌లోని చికిత్స కేంద్రాన్ని సందర్శించినట్లు బూల్మ్‌బర్గ్‌ ఒక కథనంలో పేర్కొంది. ఎయిర్‌పోర్ట్‌ నుంచి ఇంటికి ఇతడు మరికొందరితో కలిసి ప్రయాణించాడని తెలుస్తోంది.  ఇరాన్‌లో.. చైనాకు తరచూ ప్రయాణించే కోమ్‌ ప్రాంతపు వ్యాపారి నుంచి కరోనా వైరస్‌ ఇరాన్‌లోకి ప్రవేశించి ఉంటుందని శాస్త్రవేత్తల అంచనా. అతడే ఇరాన్‌ ఆరోగ్య శాఖ మంత్రి సయీద్‌ నమాకీ. నేరుగా చైనాకు వెళ్లే విమానాలను ప్రభుత్వం రద్దు చేసిన సందర్భంలో ఈయన ఇతర మార్గాల ద్వారా చైనా వెళ్లివచ్చినట్లు తెలుస్తోంది. వ్యాధి లక్షణాలతో ఈ వ్యక్తి మరణించారు కూడా.

ఇంటికొకరు సైన్యంలో చేరాలని చైనా చక్రవర్తి ప్రకటించాడు. ఒక ఇంట్లో జబ్బున పడి ఉన్న తండ్రి తరఫున ఆయన కూతురు మారువేషం వేసుకుని సైన్యంలో చేరింది! శత్రు సైన్యాలతో పోరాడి చైనాసైన్యం సత్తాను చాటింది. ఆమె పేరు హ్వా మ్యులన్‌. చైనా జానపద కథ ఇది. డిస్నీ వాళ్లు ఇరవై రెండేళ్ల క్రితమే ముల్యన్‌ పాత్రతో ఓ యానిమేషన్‌ సినిమా తీశారు. ఇప్పుడు ఆ పాత్ర పేరుతోనే ‘మ్యులన్‌’ అనే హాలీవుడ్‌ చిత్రం విడుదలకు సిద్ధంగా ఉంది. సిద్ధంగా అయితే ఉంది కానీ, చైనాలో విడుదలే డౌట్‌గా ఉంది. ఒకవేళ విడుదలైనా సుమారు 15 వందల కోట్ల రూపాయల వ్యయంతో నిర్మించిన ఈ సినిమా అంత పెద్ద మొత్తాన్ని వసూలు చేయగలదా అని నిర్మాతలు సంశయంలో పడ్డారు. కరోనా వైరస్‌ కారణంగా ‘మ్యులన్‌’ చిత్రానికి ఎదురైన అవరోధం ఇది. మార్చి 27న ఈ సినిమా ప్రపంచవ్యాప్తంగా రిలీజ్‌ అవుతోంది. అయితే కరోనా వ్యాప్తి కారణంగా చైనాలో 70 వేలకు పైగా థియేటర్‌లు ఇప్పటికే మూత పడ్డాయి. వైరస్‌ తగ్గుముఖం పట్టి పరిస్థితులు పూర్తిగా మెరుగైతే మార్చి 27 లోపు థియేటర్‌లన్నిటినీ తెరిచేందుకు అనుమతిస్తాం అని చైనా అంటోంది. అనుమతించినప్పటికీ ఎంతమంది ప్రేక్షకులు ధైర్యం చేసి థియేటర్‌లకు వస్తారన్న ఆందోళనలో నిర్మాతలు ఉన్నారు. ఆ రోజుకీ కరోనా ప్రభావం తగ్గకుండా ఉంటే ఈ చిత్రానికి చైనాలో భారీ నష్టం సంభవించవచ్చు. ఇందులో ఎవరైనా చేయగలిగిందేమీ లేదు. కరోనాపై పోరాడేందుకు మ్యులన్‌ లాంటి శక్తిమంతమైన యోధురాలైన ఔషధాన్ని ఎవరైనా సృష్టించాలి.

సోషల్‌మీడియా దిగ్గజం ట్విటర్‌ సంచలన నిర్ణయం తీసుకుంది. ప్రపంచవ్యాప్తంగా ఫేక్‌న్యూస్‌, తప్పుడు సమాచారాన్ని వ్యాప్తి చేసే ప్రకటనలు, రాజకీయ ప్రకటనలపై పెరుగుతున్న ఒత్తిడి నేపథ్యంలో అన్ని రాజకీయ ప్రకటనలను తన వేదిక నుండి నిషేధించింది.  వచ్చే నెల నుంచి ఈ నిర్ణయం అమలు కానుంది.  తన వేదికపై రాజకీయ ప్రకటనలను నిషేధిస్తుందని ట్విటర్‌ చీఫ్ఎగ్జిక్యూటివ్ జాక్ డోర్సే బుధవారం చెప్పారు. ప్రపంచవ్యాప్తంగా ట్విట్టర్‌లో అన్ని రాజకీయ ప్రకటనలను నిలిపివేయాలని నిర్ణయం తీసుకున్నాము. రాజకీయ సందేశాలు ప్రజలకుచేరాలి తప్ప కొనకూడదు" అని డోర్సే ట్వీట్ చేశారు. ఈ విధానం గురించి మరిన్ని వివరాలను నవంబర్ 15న వెల్లడిస్తామని, నవంబర్ 22 వ తేదీ నుంచి  అన్ని రాజకీయ ప్రకటనలను అంగీకరించడం మానేస్తామని డోర్సే చెప్పారు. మరోవైపు ట్విటర్‌ తీసుకున్న ఈ నిర్ణయం డెమొక్రాట్ల ప్రశంసంలందుకోగా డోనాల్డ్ ట్రంప్ అధ్యక్ష ఎన్నికల ప్రచార కమిటీ  అపహాస్యం చేయడం గమనార్హం.   We’ve made the decision to stop all political advertising on Twitter globally. We believe political message reach should be earned, not bought. Why? A few reasons…🧵 — jack 🌍🌏🌎 (@jack) October 30, 2019 We’ll share the final policy by 11/15, including a few exceptions (ads in support of voter registration will still be allowed, for instance). We’ll start enforcing our new policy on 11/22 to provide current advertisers a notice period before this change goes into effect. — jack 🌍🌏🌎 (@jack) October 30, 2019

భువనగిరిఅర్బన్‌ : భారతీయ జనతా పార్టీకి అత్యధిక సభత్వాలు కలిగి ప్రపంచంలోనే అతిపెద్ద పార్టీగా అవతరించిన ఘనత ఉందని ఆ పార్టీ జిల్లా అధ్యక్షుడు పీవీ శ్యాంసుందర్‌రావు పేర్కొన్నారు.  బీజేపీ ఆవిర్భావ దినోత్సవాన్ని పురస్కరించుకుని శుక్రవారం జిల్లా కేంద్రంలోని ఆ పార్టీ కార్యాలయంలో జెండా ఆవిష్కరించారు. ఈ సందర్భంగా ఆయన  మాట్లాడుతూ.. ప్రధానమంత్రి నరేంద్ర మోదీ నేతృత్వంలో దేశం అభివృద్ధి పథకంలో దూసుకెళ్తుందన్నారు. అవినీతిరహిత పాలన అందిస్తున్నారని పేర్కొన్నారు. రాష్ట్ర ప్రభుత్వం ప్రజా సమ స్యలను గాలికొదిలిందని విమర్శించారు. ఎన్నికల సమయంలో ఇచ్చిన హామీలను అమలు చేయడంలో ముఖ్యమం త్రి కేసీఆర్‌ విఫలమయ్యారని పేర్కొన్నారు. రాబోయే ఎన్నికల్లో రాష్ట్రంలో భారతీయ జనతాపార్టీ అధికారంలోకి రావడం ఖాయమ న్నారు. భారతమాతను విశ్వగురువుగా నిలిపే యజ్ఞంలో భాగస్వా ములవుతున్నా బీజేపీ నాయకులకు, కార్యకర్తలకు, అభిమానులకు పార్టీ ఆవిర్భావ  శుభాకాంక్షలు తెలిపారు. అనంతరం పార్టీ సీనియర్‌ నాయకులు చందా ఈశ్వర్‌గుప్తా, సాధు నారాయణ, నర్ల నర్సింగ్‌రావు, పోత్నక్‌ మురళీ, దొంత సుమిత్ర, బండారు బాలరాజు, ఊదరి లక్ష్మయ్య, కె.కృష్ణ, వీరేశం యాదవ్, చందా ఇందిరా, పోతంశెట్టి బాలయ్య, నక్కల స్వామిని సన్మానించారు. ఈ కార్యక్రమంలో రాష్ట్ర ఎస్సీ మోర్చ రాష్ట్ర అధ్యక్షుడు వేముల అశోక్, పట్టణ శాఖ అధ్యక్షుడు చందా మహేందర్‌గుప్తా, నాయకులు మాయ దశరథ, కృష్ణ, కోళ్ల భిక్షపతి, రావుల సత్తయ్య, నీలం రమేష్, ఎండీ మహమూద్, శ్రీశైలం, సంతోష్, చందుపట్ల నర్సింగ్‌రావు, జనగాం నర్సింహచారి, రమేష్‌ తదితరులు పాల్గొన్నారు.  


 
 న్యూఢిల్లీ: భారత్‌లో పత్రికా స్వేచ్ఛ (ఫ్రీడమ్‌ ఆఫ్‌ ది ప్రెస్‌) నానాటికి పడిపోతోంది. గతేడాదితో పోలిస్తే దేశంలో పత్రికా స్వేచ్ఛ మూడు ర్యాంకులు దిగజారినట్లు ప్రపంచ మీడియా నిఘా సంస్థ ‘రిపోర్టర్స్‌ సాన్స్‌ ఫ్రాంటియర్స్‌ (సరిహద్దులులేని రిపోర్టర్లుగా తెలుగులో వ్యవహరిస్తారు)’ బుధవారం విడుదల చేసిన ‘ప్రపంచ పత్రికా స్వేచ్ఛ సూచిక’ స్పష్టం చేస్తోంది.  ఇందులో భారత్‌ 136 స్థానంతో పొరుగునున్న పాకిస్తాన్, అఫ్గానిస్థాన్‌లకు సమీపానికి చేరుకోవడం విచారకరమని ఫ్రాంటియర్స్‌ వ్యాఖ్యానించింది.
 భారత్‌లో పత్రికా స్వేచ్ఛ తగ్గడానికి కారణం హిందూ జాతీయ వాదులు మీడియాను భయపెట్టడం, ప్రధాన మీడియాలో స్వీయ నియంత్రణ పెరగడం, ప్రభుత్వ విమర్శకులను యావజ్జీవ శిక్షార్హమైన దేశద్రోహం కేసుల్లో ఇరికించడం, జర్నలిస్టులపై భౌతిక దాడులు పెరగడమేనని నిఘా సంస్థ పేర్కొంది.
 ప్రపంచ మీడియా స్వేచ్ఛా ఇండెక్స్‌లో ఎప్పుడూ అగ్రస్థానంలో ఉండే ఫిన్‌లాండ్‌ ఈసారి మూడవ ర్యాంకకు పడిపోవడం, టాప్‌ ర్యాంక్‌ను నార్వే ఆక్రమించడం ఈసారి విశేషం. అలాగే రెండు స్థానాలు దిగజారి అమెరికా 43స్థానానికి, బ్రిటన్‌ 40వ స్థానానికి చేరుకున్నాయి. హంగరీ నాలుగు ర్యాంకులు దిగజారి 71 స్థానానికి, టాంజానియా రెండు ర్యాంకులు దిగజారి 83 స్థానానికి, టర్కీ నాలుగు ర్యాంకులు దిగజారి 155వ స్థానానికి చేరుకోవడాన్ని కూడా నిఘా సంస్థ విమర్శించింది.
 అమెరికా, బ్రిటన్‌లు రెండేసి స్థానాలు దిగజారడానికి అమెరికా అధ్యక్షుడు డోనాల్డ్‌ ట్రంప్‌ ఎన్నికల ప్రచారం, మాజీ ప్రధాని కామెరూన్‌ నిర్వహించిన బ్రెక్సిట్‌ ఓటింగ్‌ కారణమయ్యాయని నిఘా సంస్థ పేర్కొంది. 148వ స్థానంలో రష్యా నిలకడగా ఉండగా, ఉత్తర కొరియా ఆఖరిస్థానానికి పడిపోయింది. 2007 నుంచి అది ఆఖరి స్థానంలో రావడం ఇదే మొదటిసారి. మే మూడున వచ్చే ప్రపంచ పత్రికా స్వేచ్ఛ దినోత్సవాన్ని పురస్కరించుకొని పారిస్‌లోని ‘రిపోర్టర్స్‌ సాన్స్‌ ఫ్రాంటియర్స్‌’ ప్రతి ఏటా ఈ ర్యాంకులను విడుదల చేస్తోంది.


   
 గుంటూరు (ఏఎన్‌యూ) : ఆచార్య నాగార్జున యూనివర్సిటీ  వ్యవస్థాపక దినోత్సవం శుక్రవారం ఘనంగా నిర్వహించారు. గత ఏడాది నిర్వహించాల్సిన 39వ వ్యవస్థాపక దినోత్సవం, ఈ ఏడాది 40వ వ్యవస్థాపక దినోత్సవాలను కలిపి చేశారు. వీసీ ఆచార్య ఎ.రాజేంద్రప్రసాద్‌ కార్యక్రమానికి అధ్యక్షత వహించారు. ఏఎన్‌యూని ప్రపంచ స్థాయి యూనివర్సిటీగా తీర్చిదిద్దుతామని వీసీ రాజేంద్రప్రసాద్‌ తెలిపారు. ఏడాదిలో సాధించిన అభివద్ధి, రానున్న కాలంలో చేపట్టనున్న చర్యలను వివరించారు. 
 పురస్కారాలు అందుకుంది వీరే....
 వివిధ రంగాల్లో ప్రతిభావంతులైన జి.రాధాకష్ణమూర్తి (సామాజిక సేవ), ఎంవీఆర్‌కే ముత్యాలు (సామాజిక సేవ/ విద్యారంగం), బి.శ్రీనివాసరావు ( వ్యవసాయ రంగం), డాక్టర్‌ టీవీ రామారావు (సైన్స్‌ అండ్‌ టెక్నాలజీ), ఎంపీ జాన్, డాక్టర్‌ బి.వెంకటేశ్వర్లు (సాహిత్యం), సీహెచ్‌ విన్సెంట్‌ పాల్‌ (ఆరోగ్య శాస్త్రం), డాక్టర్‌ డీఎన్‌ రావు (యోగా), టి.విజయకాంత్‌ (మ్యూజిక్‌/ సింగింగ్‌), సీహెచ్‌ వీఎస్‌ విజయ భాస్కరరావు (ఫొటోగ్రఫీ), సీహెచ్‌ బీఎస్‌ఎస్‌ ప్రసాద్‌ (వ్యవసాయరంగం), చల్లా బాల త్రిపుర సుందరి (డ్యాన్స్‌), డాక్టర్‌ రాజు ఎస్‌.ఐయ్యర్‌ (వైద్యరంగం), డాక్టర్‌ పి.సాంబశివరావు ( విద్య/సాహిత్యం), టి.సత్యనారాయణ రెడ్డి (కళా రంగం), తుర్లపాటి పట్టాభిరామ్‌ (సాహిత్యం), డాక్టర్‌ గాలి సుబ్బారావు (సాహిత్యం/ సామాజిక సేవ), డాక్టర్‌ వి.నాగరాజ్యలక్ష్మి (సాహిత్యం) కాసుల కష్ణం రాజు (మిమిక్రీ), టీవీ కష్ణ సుబ్బారావు (శిల్పకళా రంగం), డి.వసంత కుమారి (పీస్‌ అండ్‌ కమ్యూనిటీ సర్వీస్‌)లకు ప్రతిభా పురస్కారాలు  ప్రదానం చేశారు. పలువురు అధ్యాపకులు, పరిశోధకులు, విద్యార్థులకు వివిధ కేటగిరీల్లో బహుమతులు అందజేశారు. కార్యక్రమంలో రెక్టార్‌ ఆచార్య కేఆర్‌ఎస్‌ సాంబశివరావు, రిజిస్ట్రార్‌ ఆచార్య కె.జాన్‌పాల్, మాజీ వీసీ ఆచార్య కె.వియన్నారావు, వ్యవస్థాపక దినోత్సవం కన్వీనర్‌ ఆచార్య ఎం.కోటేశ్వరరావు, వివిధ కళాశాలల ప్రిన్సిపాల్స్, అధికారులు పాల్గొన్నారు.
  


 న్యూయార్క్: ఫేస్బుక్లో ఇక నచ్చిన వాటికి లైక్ కొట్టడమే కాదు దానిని ఇంకాస్త అందంగా ఎక్స్ప్రెస్ చేయొచ్చు. లైక్ బటన్ను మరికాస్త ముందుకు తీసుకెళ్తూ రియాక్షన్స్ బటన్ను తీసుకొచ్చింది ఫేస్బుక్. ఈ రియాక్షన్ బటన్ సేవలు బుధవారం నుండి ప్రపంచవ్యాప్తంగా అందుబాటులోకి వస్తున్నట్లు ఫేస్బుక్ వెల్లడించింది.
 రియాక్షన్ బటన్ ద్వారా లైక్, వావ్.. ఇలా 7 రకాల భావాలను వెల్లడించే వీలు కల్పించారు. దీనిని పైలట్ ప్రాజెక్టుగా గత అక్టోబర్లో ఐర్లాడ్, స్పెయిన్లో ప్రవేశపెట్టారు. దీనికి మంచి స్పందన వస్తుండటంతో ఈ సేవలను ప్రపంచవ్యాప్తంగా అందుబాటులోకి తీసుకొస్తున్నారు. మొబైల్లో ఫేస్బుక్ వినియోగదారులు లైక్ బటన్ను నొక్కి పట్టుకోవటం ద్వారా రియాక్షన్స్ ఆప్షన్ను పొందొచ్చని సంస్థ ఓ బ్లాగ్ పోస్ట్ ద్వారా వెల్లడించింది.


 ఏసు క్రీస్తు జన్మదినాన్ని పురస్కరించుకుని క్రైస్తవులు గురువారం రాత్రి నుంచే క్రిస్మస్‌ వేడుకలను ఘనంగా జరుపు కుంటున్నారు. క్రిస్మస్ పర్వదినం సందర్భంగా సంబరాలు ప్రారంభమయ్యాయి. చర్చిల్లో క్రైస్తవ సోదరులు ప్రత్యేక ప్రార్థనలు చేస్తున్నారు.
 
 ప్రపంచ వ్యాప్తంగా క్రిస్మస్ సందర్భంగా ప్రధాన చర్చిలను సాంప్రదాయ పద్దతిలో ప్రత్యేకంగా అలంకరించారు. ఈ వేడుకలకు భారీ సంఖ్యలో భక్తులు హాజరవుతున్నారు. ప్రపంచ వ్యాప్తంగా అత్యంత అందమైన చర్చిల మరిన్ని చిత్రాల కోసం ఇక్కడ క్లిక్ చేయండి..


  సాక్షి, న్యూఢిల్లీ: దేశ రాజధాని ఢిల్లీని ప్రపంచస్థాయి నగరంగా తీర్చిదిద్దుతామని బీజేపీ ప్రకటించింది. ఢిల్లీ విధానసభకు మరో నాలుగు రోజుల్లో ఎన్నికలు జరగనున్న నేపథ్యంలో మేనిఫెస్టో స్థానంలో బీజేపీ విజన్ డాక్యుమెంట్ (దృష్టిపత్రం)ను మంగళవారం విడుదల చేసింది. ఢిల్లీ సమగ్రాభివృద్ధికి సంబంధించి బీజేపీ తన విజన్‌ను ఈ పత్రంలో పొందుపర్చింది. ప్రపంచ స్థాయి మౌలిక సదుపాయాల కల్పనతో విశ్వనగరంగా దేశ రాజధానిని తీర్చిదిద్దుతామని బీజేపీ హామీ ఇచ్చింది.
 మహిళల భద్రత కోసం తీసుకోనున్న చర్యలు, పారదర్శక పాలనను అందించే ప్రతిపాదనలను విజన్ డాక్యుమెంట్‌లో ప్రస్తావించింది. అయితే ఢిల్లీకి ప్రత్యేక రాష్ట్ర హోదా కల్పించే విషయంలో ఎక్కడా ప్రస్తావించలేదు. విద్యుత్ బిల్లుల ధరలను తగ్గించడానికి కంపెనీలను ఆడిట్ చేయించడం, స్వచ్ఛమైన తాగునీటిని అందించడం, నిమ్న, మధ్యతరగతి వర్గాల వారికి తక్కువ ధరలకు ఇళ్ల నిర్మాణాలు, ఉపాధి కల్పనకు అటల్ యువ మిషన్ ఏర్పాటు వంటి హామీలను ఇచ్చింది.
  


  శబ్దం ఒక అపూర్వమైన, అనిర్వచనీయమైన మధురానుభూతి. ఈ ప్రకృతిలోని ఏ శబ్దమూ ఒకేలా ఉండదు. సృష్టిలోని అసంఖ్యాక జీవుల్లో దేని శబ్ద ప్రత్యేకత దానిదే. ఒక రకంగా చెప్పాలంటే ఈ సృష్టే ఒక సంగీత జలధి. ప్రకృతిలోని శబ్దాల ఆధారంగానే మానవుడు వివిధ రకాల శబ్ద ప్రక్రియలకు శ్రీకారం చుట్టాడు. ప్రాకృతిక, ప్రాపంచిక, ఆధ్యాత్మికపరంగా వివిధ శబ్ద ప్రక్రియలు మనకు సుపరిచితమే. ఆధ్యాత్మికతతోపాటు భాషాపరంగా చూస్తే, అరబ్బీ భాషలోని శబ్ద ప్రక్రియకు ఒక ప్రత్యేకత ఉంది. అరబ్బీ భాషాపండితులు విశ్వవ్యాప్తంగా ఎక్కడ ఉన్నప్పటికీ, ఒకేవిధమైన శబ్దప్రక్రియను అనుసరిస్తారు. పలకవలసిన విధంగా పదాలను ఉచ్చరించడం, రకాత్‌లను పారాయణ చేసే తీరును బట్టి శబ్దానికి ఇంపైన అలంకారం చేకూరుతుంది. ఇలా నియమబద్ధంగా, లయబద్ధంగా పారాయణ చేయడాన్ని ధార్మిక పరిభాషలో ‘తజ్‌వీద్’అంటారు.
  
   పారాయణాన్ని ‘ఖిర త్’ అని, పారాయణ చేసేవారిని ‘ఖారీ’ అంటారు. ఇస్లామ్‌లో ప్రపంచవ్యాప్తంగా ఏ భాష మాట్లాడేవారైనా ఇదే నియమాన్ని పాటిస్తారు. ఇదేవిధంగా అరబ్బీ భాషలోని అల్లాహ్ అనే పదం. దీనికి మరో నిర్వచనం గానీ, సరిపోలిన మరో పదంగానీ లేదు. విశ్వవ్యాప్తంగా ఎక్కడైనా ఇదే పదం ప్రతిధ్వనిస్తూ ఉంటుంది. ‘అల్లాహ్’ అన్న పదాన్ని సాధారణంగా దేవుడు, దైవం అంటాం. ఆంగ్లంలో గాడ్ అంటాం. ఇస్లామీయుల ప్రకారం సర్వసృష్టికర్తను ఒక్కోభాషలో ఒక్కోపేరుతో పిలుస్తూ ఉండవచ్చు. కానీ అన్ని భాషాపదాల్లో ‘అల్లాహ్’ అన్నది అత్యంత విలక్షణమైన పదం. విశ్వప్రభువుకు ఇది మాత్రమే అన్నివిధాలా శోభించే పదం. ఎందుకంటే, దేవుడు అన్న పదానికి బహువచనం దేవుళ్లు అవుతుంది. స్త్రీలింగం అయితే దేవత అయిపోతుంది. కనుక అల్లాహ్ అన్న పదం విశ్వవ్యాప్తమైనది.
  
  ప్రపంచవ్యాప్తంగా మహమ్మదీయులు సృష్టికర్తను సూచించే, పలికే ఏకైకపదం అల్లాహ్! ఇస్లామ్ మతాన్ని అనుసరించేవారు విశ్వవ్యాప్తంగా ఎక్కడ ఏ భాష మాట్లాడేవారైనా సరే తమ ప్రభువును అల్లాహ్ అని మాత్రమే పిలుస్తారు. అలాగే ‘అజాన్’, ‘నమాజ్’లు కూడా! ప్రతిరోజూ ఐదు పూటలు పలికే అజాన్‌లో, ఆచరించే నమాజ్‌లో ఎక్కడా ఒక్క అక్షరం కాదుకదా, ఒక కొమ్ము, ఒక ఒత్తు, కనీసం కామా, ఫుల్‌స్టాప్‌లలో కూడా తేడా ఉండ దు. ఒకేవిధమైన శబ్ద, భాష, భావతరంగం విశ్వవ్యాప్తంగా ఒకే తీరుగా, ఒకే లయలో అనుక్షణం ప్రతిధ్వనిస్తూ పుడమిపైన, ప్రకృతిలోని ప్రాణికోటిని పులకింపజేస్తూ ఉంటుంది. ఈ శిష్ట, విశిష్టపదబంధాల్లోని సుమధుర సంగీతఝరి విశ్వవ్యాప్తంగా హృదయాలను రంజింపజేస్తూ సృష్టికర్తకు చేరువ చేస్తూ ఉంటుంది. ఈ విశ్వజనీన ఆధ్యాత్మిక సంగీత మకరందాన్ని ఆస్వాదించి, ఆఘ్రాణించినవారు నిజంగానే ధన్యులు.  
  - యండి. ఉస్మాన్‌ఖాన్