క్రీడల అభివృద్ధికి ప్రత్యేక కృషి

క్రీడల అభివృద్ధికి ప్రత్యేక కృషి

ఆదిలాబాద్‌టౌన్‌: క్రీడల అభివృద్ధికి ప్రత్యేక కృషి చేస్తున్నట్లు ఎమ్మెల్యే పాయల్‌ శంకర్‌ అన్నారు. జైనథ్‌ మండల కేంద్రంలో రూ.3.58 కోట్ల వ్యయంతో చేపట్టిన మినీ స్టేడియం నిర్మాణానికి ఆయన భూమి పూజ చేసి పనులు ప్రారంభించారు. ఈ సందర్భంగా ఆయన మాట్లాడుతూ, కేంద్ర, రాష్ట్ర ప్రభుత్వాలు సంయుక్తంగా క్రీడల అభివృద్ధికి కృషి చేస్తున్నాయని తెలిపారు. అనంతరం మండలంలోని ఆకుర్ల గ్రామానికి మంజూరైన బీటీ రోడ్డు నిర్మాణానికి భూమి పూజ చేసి పనులు ప్రారంభించారు. రైతులు వ్యవసాయ భూములకు వెళ్లేందుకు వీలుగా రూ.75 కోట్ల వ్యయంతో ప్రతిపాదనలు రూపొందించామన్నారు. ఇందులో నాయకులు రాందాస్‌, రాకేశ్‌రెడ్డి, సత్యనారాయణ, ప్రతాప్‌, రమేశ్‌, విశాల్‌ తదితరులు పాల్గొన్నారు.