రోడ్డు ప్రమాదంలో యువకుడి మృతి

రోడ్డు ప్రమాదంలో యువకుడి మృతి

మరొకరికి తీవ్ర గాయాలు

అరకులోయ రూరల్‌: మండలంలోని సుంకరమెట్ట సమీప గన్నెల జంక్షన్‌ వద్ద మంగళవారం జరిగిన రోడ్డు ప్రమాదంలో యువకుడు మృతి చెందగా, మరొకరు తీవ్రంగా గాయపడ్డారు. వివరాలిలా ఉన్నాయి. అనంతగిరి మండలం పెద్దబిడ్డ పంచాయతీ చెరుకుమడత గ్రామానికి చెందిన వంతల బాలసూర్యం (21), మజ్జి మహేంద్ర స్కూటీపై మంగళవారం వెళ్లారు. తిరిగి అదేరోజు రాత్రి స్వగ్రామం బయలుదేరారు. వీరిని గన్నెల జంక్షన్‌ వద్దకు వచ్చేసరికి కోళ్ల వ్యాన్‌ ఢీకొంది. ఈ ఘటనలో బాలసూర్యం సంఘటన స్థలంలోనే మృతి చెందాడు. తీవ్రంగా గాయపడిన మహేంద్రను అరకు ఏరియా ఆస్పత్రికి తరలించారు. మృతదేహాన్ని పోస్టుమార్టం నిమిత్తం అదే ఆస్పత్రికి పోలీసులు తీసుకువెళ్లారు. ప్రమాదానికి కారణమైన కోళ్ల వ్యాన్‌ డ్రైవర్‌, క్లీనర్‌ వ్యాన్‌తో పరారయ్యారు. అనంతగిరి మండలం డముకు సమీపంలో మృతుడు బాలసూర్యం పట్టుకుని పోలీసులకు అప్పగించినట్టు బంధువులు తెలిపారు. ఈ మేరకు కేసు నమోదు చేస్తున్నామని ఎస్‌ఐ గోపాలరావు పేర్కొన్నారు.

1/2

రోడ్డు ప్రమాదంలో యువకుడి మృతి

2/2

రోడ్డు ప్రమాదంలో యువకుడి మృతి