24న జిల్లాస్థాయి భజన పోటీలు

చింతపల్లి: మండల కేంద్రమైన చింతపల్లిలో ఈ నెల 24న జిల్లాస్థాయి భజన పోటీలు ఏర్పాటుచేసినట్టు నిర్వాహకులు విజయకుమార్‌,అశోక్‌ తెలిపారు. ధాన ధర్మ చారిటబుల్‌ ట్రస్టు అధ్వర్యంలో ఈ పోటీలు నిర్వహిస్తున్నట్టు వారు పేర్కొన్నారు. జిల్లాలోని 22 మండలాలకు చెందిన వారు పాల్గొనవచ్చన్నారు. చౌడుపల్లి, రత్నగిరి కాలనీ వారి సహకారంతో చింతపల్లి మార్కెట్‌యార్డులో నిర్వహించే ఈ పోటీల్లో గెలుపొందిన వారికి ప్రథమ బహుమతిగా రూ.15 వేలు, ద్వితీయ బహుమతిగా రూ.10 వేలు, తృతీయ బహుమతిగా రూ.5 వేలు ఇస్తామన్నారు.ఎటువంటి ప్రవేశ రుసుం లేదన్నారు. ఆసక్తి గల భజన బృందాల సభ్యులు 93920029 94, 9392461202లో సంప్రదించాలని కోరారు.