లోతట్టు ప్రాంతాల్లో పీవో సింహాచలం పర్యటన

లోతట్టు ప్రాంతాల్లో పీవో సింహాచలం పర్యటన

మారేడుమిల్లి: వై.రామవరం, మారేడుమిల్లి మండలాల్లోని లోతట్టు ప్రాంతాల్లో రంపచోడవరం ఐటీడీఏ పీవో కట్టా సింహాచలం బుధవారం పర్యటించారు. కానివాడలో గిరిజన యువతతో మాట్లాడారు. ఉపాధి అవకాశాలు కల్పిస్తామన్నారు. గ్రామంలో అంగన్‌వాడీ భవన నిర్మాణానికి చర్యలు తీసుకుంటామని, గ్రామ రహదారికి మరమ్మతులు చేపడతామని హామీ ఇచ్చారు. పొలాలను పరిశీలించి రైతులతో మాట్లాడారు. పంటల వివరాలను తెలుసుకున్నారు. గిరిజనులకు అందుబాటులో ఉండి ప్రభుత్వ పథకాలు అందించాలని సచివాలయ సిబ్బందికి సూచించారు. బంద ఆశ్రమ పాఠశాలను సందర్శించారు. విద్యార్ధులకు అనారోగ్యంగా ఉంటే దగ్గరలోని పీహెచ్‌సీకి తరలించాలన్నారు. బోదులూరు ఆశ్రమపాఠశాల, సచివాలయాన్ని సందర్శించారు. సచివాలయ సిబ్బంది గ్రామాలకు వెళ్లినప్పుడు మూమెంట్‌ రిజిస్టర్‌లో నమోదు చేయాలని ఆదేశించారు.