ఆగి ఉన్న లారీని ఢీకొన్న కారు

ఆగి ఉన్న లారీని ఢీకొన్న కారు

● ఐదుగురికి గాయాలు

అనకాపల్లి: స్థానిక డైట్‌ కళాశాల సమీపంలో మంగళవారం ఆగి ఉన్న లారీని కారు ఢీకొనడంతో అందులో ప్రయాణిస్తున్న ఐదుగురు తీవ్రంగా గాయపడ్డారు. సీఐ వెంకట నారాయణ కథనం మేరకు వివరాలు....ఖమ్మం పట్టణం జెడ్‌పీ కాలనీకి చెందిన అశోక్‌కుమార్‌ పద్మావతి దంపతుల కుమార్తె వివాహం ఆదివారం విశాఖలో జరిగింది. వివాహం అనంతరం కుటుంబ సభ్యులైన అశోక్‌కుమార్‌, పద్మావతి, రామలింగం,అన్నపూర్ణ దంపతులతో పాటు మరో మహిళ లక్ష్మీశ్రీకరిలు అన్నవరం వెళ్లి తిరిగి విశాఖ వస్తుండగా ఈ ప్రమాదం చోటు చేసుకుందన్నారు. కారు డ్రైవర్‌ రామలింగంతో పాటు మరో నలుగురు తీవ్రంగా గాయపడడంతో ఎన్టీఆర్‌ ఆస్పత్రికి తరలించామన్నారు. మెరుగైన వైద్యం కోసం క్షతగాత్రులు విశాఖకు తరలించామన్నారు. కారు డ్రైవర్‌ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

1/1

ఆగి ఉన్న లారీని ఢీకొన్న కారు