వచ్చే నెల 2 నుంచి నృసింహ దీక్షలు

వచ్చే నెల 2 నుంచి నృసింహ దీక్షలు

సింహాచలం: శ్రీవరాహ లక్ష్మీనృసింహస్వామి దేవస్థానం ఆధ్వర్యంలో ఈ ఏడాది శ్రీ నృసింహ దీక్షలు డిసెంబర్‌ 2 నుంచి ప్రారంభమవుతాయని దేవస్థానం ఈవో వి.త్రినాథరావు మంగళవారం తెలిపారు. దేవస్థానం వైదికులు నిర్ణయించిన ప్రకారం 2 నుంచి మండల దీక్ష, 12 నుంచి 32 రోజుల దీక్ష ప్రారంభంకానున్నట్లు పేర్కొన్నారు. ఆయా రోజుల్లో దీక్షాధారులకు సింహగిరిపై దేవస్థానం తరపున మాలధారణ చేసి, తులసి మాల, స్వామివారి ప్రతిమ ఉచితంగా ఇవ్వనున్నట్లు తెలిపారు. వచ్చే ఏడాది జనవరి 12న దీక్షలు విరమించాల్సి ఉంటుందన్నారు. దీక్ష చేయాలనుకునేవారు ఈ అవకాశాన్ని సద్వినియోగం చేసుకోవాల్సిందిగా కోరారు.