విశాఖలో హైకోర్టు బెంచ్‌పై సుప్రీం సీజేకు వినతి

విశాఖలో హైకోర్టు బెంచ్‌పై సుప్రీం సీజేకు వినతి

విశాఖ లీగల్‌: విశాఖలో హైకోర్టు బెంచ్‌ ఏర్పాటు చేయాలని కోరుతూ సుప్రీంకోర్టు ప్రధాన న్యాయమూర్తికి సుప్రీంకోర్టు న్యాయవాది జి.కృష్ణస్వామితో కలిసి వినతి పత్రం అందిచినట్లు హైకోర్టు సాధన సమితి కన్వీనర్‌ ఐఎం అహ్మద్‌ బుధవారం ఓ ప్రకటనలో తెలిపారు. ఈ మేరకు లిఖిత పూర్వకంగా కూడా ఒక ఫిర్యాదును సుప్రీంకోర్టుకు పంపినట్లు పేర్కొన్నారు. గత ముఖ్యమంత్రి వైఎస్‌ జగన్‌మోహన్‌రెడ్డి మూడు రాజధానులు అని చెప్పి విశాఖను పరిపాలనకు ఎంపిక చేశారని ఈ సందర్భంగా గుర్తు చేశారు. కూటమి ప్రభుత్వం వచ్చాక విశాఖలో హైకోర్టు బెంచ్‌ కోసం ప్రభుత్వ పెద్దలు స్పందించడం లేదన్నారు. సీనియర్‌ న్యాయవాది గొలగాని అప్పారావు కూడ హైకోర్టు బెంచ్‌ విశాఖలో ఏర్పాటు చేయాలని డిమాండ్‌ చేశారు.