TV
ముగిసిన వెయిట్‌లిఫ్టింగ్‌ పోటీలు
గుడివాడ టౌన్‌ : ఎన్టీఆర్‌ ఇండోర్‌ స్టేడియంలో నిర్వహిస్తున్న అండర్‌–19 బాలురు, బాలికల వెయిట్‌ లిఫ్టింగ్‌ పోటీలు సోమవారం ముగిశాయి. ఈ నెల 16న ప్రారంభమైన పోటీల్లో రాష్ట్రంలోని అన్ని జిల్లాలకు చెందిన క్రీడాకారులు పాల్గొన్నారు. వివిధ కేటగిరీల్లో విజేతలకు బహుమతులు అందజేశారు. పోటీల్లో స్ట్రాంగ్‌మ్యాన్‌గా డి. భానుతేజ (వైఎస్సార్‌ కడప జిల్లా), స్ట్రాంగ్‌ ఉమన్‌గా కె. తరంగిణి(తూర్పు గోదావరి) టైటిల్‌ సాధించగా ఓవరాల్‌ చాంపియన్‌షిప్‌ వైఎస్సార్‌ కడప జిల్లా క్రీడాకారులు కై వసం చేసుకున్నట్లు నిర్వాహకులు తెలిపారు. కార్యక్రమంలో రాష్ట్ర వెయిట్‌ లిప్టింగ్‌ అసోసియేషన్‌ ఉపాధ్యక్షుడు కె. దామోదరరావు, జిల్లా కార్యదర్శి రవి, ఎన్టీఆర్‌ జిల్లా కార్యదర్శి నరేంద్ర, కృష్ణా జిల్లా ఖో–ఖో అసోసియేషన్‌ కార్యదర్శి మడకా ప్రసాదు, ఎన్టీఆర్‌ స్టేడియం జిమ్‌ కోచ్‌ మారెళ్ల వెంకటేశ్వరరావు తదితరులు పాల్గొన్నారు.
Comments
Please login to add a commentAdd a comment