సినీహీరో సుమంత్‌కు సన్మానం

సినీహీరో సుమంత్‌కు సన్మానం

ప్రొద్దుటూరు క్రైం : సినీ నటుడు సుమంత్‌ను ప్రొద్దుటూరు అక్కినేని అభిమానులు సన్మానించారు. సోమవారం రాత్రి రాయల్‌ కౌంటీలో అక్కినేని అభిమాన సంఘం జిల్లా అధ్యక్షుడు నల్లం రవిశంకర్‌ ఆధ్వర్యంలో ఘనంగా సత్కరించారు. ప్రముఖ చారిత్రాత్మక ప్రాంతమైన గండికోటలో సుమంత్‌ హీరోగా ‘మహేంద్ర గిరిలో వారాహి’ అనే చిత్ర షూటింగ్‌ నిర్వహిస్తున్నారు. ఈ చిత్రం విజయవంతం కావాలని వారు ఆకాంక్షించారు. కడప జిల్లా వాసులు తనపై చూపుతున్న అభిమానాన్ని మరువనని సుమంత్‌ ఈ సందర్భంగా తెలిపారు. కార్యక్రమంలో అభిమానులు ఖలీల్‌, మనోహర్‌, సుదర్శన్‌, సాయి తదితరులు పాల్గొన్నారు.