కారు పల్టీ కొట్టి ఎనిమిది మందికి గాయాలు

Published Sun, Jan 12 2025 2:06 AM | Last Updated on Sun, Jan 12 2025 2:06 AM

ఒంటిమిట్ట : మండల పరిధిలోని పోలిబుచ్చయ్యగారిపల్లి సమీపంలో జాతీయ రహదారిపై శనివారం కారు పల్టీ కొట్టిన ఘటనలో ఎనిమిది మందికి గాయాలయ్యాయి. పోలీసుల వివరాల మేరకు అన్నమయ్య జిల్లా పుల్లంపేట మండలం, తిప్పాయపల్లి గ్రామస్తులు వైఎస్సార్‌ జిల్లా పులివెందుల మండలంలోని బంధువుల ఇంటికి వెళ్లి పుల్లంపేటకు తిరుగు ప్రయాణమయ్యారు. మండల పరిధిలోని పోలుబుచ్చయ్యగారిపల్లి గ్రామం వద్ద షిప్ట్‌ డిజైర్‌ కారు అతివేగంతో వస్తూ అదుపు తప్పి పల్టీ కొట్టింది. దీంతో కారులో ఉన్న ఐదుగురు పెద్దలు, ముగ్గురు చిన్నపిల్లలకు గాయాలయ్యాయి. వీరిలో హిమబిందు (22) అనే మహిళ తలకు, కాలికి బలమైన రక్తగాయాలయ్యాయి. సమాచారం తెలుసుకున్న ఒంటిమిట్ట పోలీసులు నేషనల్‌ హైవే పెట్రోలింగ్‌ పోలీసులు సంఘటన స్థలానికి చేరుకొని గాయపడిన వారిని 108 వాహనంలో కడప రిమ్స్‌కు తరలించారు.