హోరాహోరీగా సాఫ్ట్‌బాల్‌ పోటీలు

హోరాహోరీగా సాఫ్ట్‌బాల్‌ పోటీలు

తవణంపల్లె: ఆంధ్రప్రదేశ్‌ పాఠశాల విద్య, జిల్లా విద్యాశాఖ సౌజన్యంతో జిల్లా స్కూల్‌గేమ్స్‌ ఫెడరేషన్‌ ఆధ్వర్యంలో 68వ రాష్ట్రస్థాయి అండర్‌–14 సాఫ్ట్‌బాల్‌ టోర్నమెంటు పోటీలు రెండో రోజైన శనివారం కూడా హోరాహోరీగా సాగాయి. అరగొండ బాలుర హైస్కూల్‌ క్రీడామైదానంలో అండర్‌–14 బాలికల జట్లు, అరగొండ టోటల్‌ హెల్త్‌ క్రీడామైదానంలో అండర్‌–14 బాలుర జట్లు సాఫ్ట్‌బాల్‌ పోటీలను నిర్వహించారు.

సెమీ ఫైనల్లో సత్తాచాటిన బాలుర జట్ల వివరాలివీ..

అనంతపురం బాలుర జట్టుపై చిత్తూరు బాలుర జట్టు గెలిచింది. అలాగే శ్రీకాకుళం బాలుర జట్టుపై కడప బాలుర జట్టు, కృష్ణ జిల్లా బాలుర జట్టుపై గుంటూరు బాలుర జట్టు విజయం సాధించింది. నెల్లూరు జిల్లా బాలుర జట్టుపై విజయనగరం బాలుర జట్టు గెలిచింది.

బాలికల జట్లు..

చిత్తూరు బాలికల జట్టుపై విజయనగరం బాలికల జట్టు గెలవగా, అనంతపురం జిల్లా బాలికల జట్టుపై కడప బాలికల జట్టు విజయం సాధించింది. కృష్ణ జిల్లా బాలికల జట్టుపై పశ్చిమగోదావరి బాలికల జట్టు, నెల్లూరు జిల్లా బాలికల జట్టుపై గుంటూరు జిల్లా బాలికల జట్టు విజయకేతనం ఎగురవేసి సెమీఫైనల్‌కు చేరాయి.