ద్రవిడ వర్సిటీలో ఉద్యోగినికి వేధింపులు

ద్రవిడ వర్సిటీలో ఉద్యోగినికి వేధింపులు

కుప్పం: ‘నువ్వు అటెండర్‌గా పనికిరావు..స్వీపర్‌గా, తోటమాలిగా పనిచేసుకో’ అంటూ రిజిస్ట్రార్‌ వేధిస్తున్నారని బాధితురాలు మీడియాతో ఆదివారం వాపోయింది. బాధితురాలి కథనం మేరకు, 2007లో ద్రవిడ వర్శిటీలో భాగ్యలక్ష్మి అటెండర్‌గా చేరారు. అప్పటి నుంచి వివిధ విభాగాల్లో అటెండర్‌గా పనిచేస్తున్నట్టు వెల్లడించారు. గతంలో వర్సిటీలో పనిచేస్తున్న ఔట్‌సోర్సింగ్‌, కాంట్రాక్టు ఉద్యోగులకు ప్రభుత్వం జీతాలు సక్రమంగా ఇవ్వలేదని ఉద్యోగులు ధర్నాలు చేపట్టారు. అప్పట్లో భాగ్యలక్ష్మి అనారోగ్యం కారణంగా ఆ ధర్నాలకు హాజరు కాలేదు. దీంతో ఆమైపె యూనియన్‌ నాయకులు తీవ్రంగా మండిపడ్డారు. అంతేకాకుండా ధర్నాకు రాలేదని తమిళ విభాగంలో పనిచేస్తున్న మహిళా ఉద్యోగులతో భాగ్యలక్ష్మిపై దాడి చేయించి గాయపరిచారు. దీనిపై అప్పట్లో గుడుపల్లె పోలీస్‌ స్టేషన్‌లో భాగ్యలక్ష్మి ఇచ్చినా ఫిర్యాదు మేరకు ఆరుగురిపై పోలీసులు కేసు నమోదు చేశారు. ఈ కేసును వాపసు తీసుకోవాలని వర్సిటీ అధికారులు వేధిస్తున్నారని, చెప్పినట్లు వినకపోతే అటెండర్‌ నుంచి స్వీపర్‌గా మార్చుతామని బెదిరిస్తున్నట్లు ఆమె వాపోయారు. దీంతో పాటు తన భర్త గుండె నొప్పితో బాధపడుతున్నారని, ఈ విషయం వర్సిటీ అధికారులకు తెలిసినా మరింత ఒత్తిడి చేస్తున్నారని తెలిపారు.ఈ మేరకు వర్సిటీ మహిళా విభాగానికి ఫిర్యాదు చేసినట్లు ఆమె పేర్కొన్నారు. దీనిపై ఉన్నతాధికారులు స్పందించి తనకు న్యాయం చేయాలని ఆమె కోరారు.

జిల్లా కబడ్డీ జట్ల ఎంపిక

పుంగనూరు: పట్టణంలోని బీఎంఎస్‌ క్లబ్‌లో ఆదివారం జిల్లా కబడ్డీ బాలబాలికల జట్ల ఎంపికకు పోటీలను జిల్లా అసోసియేషన్‌ అధ్యక్షుడు రామచంద్ర ఆధ్వర్యంలో నిర్వహించారు. ఈ పోటీలకు ఉమ్మడి జిల్లాలకు చెందిన వివిధ ప్రాంతాల క్రీడాకారులు హాజరయ్యారు. ప్రతిభ ఆధారంగా బాలికల జట్టులో 12మంది క్రీడాకారులు, మరో ఇద్దరు స్టాండ్‌బైలు, బాలుర జట్టులో 12మందితోపాటు మరో ఐదుగురు స్టాండ్‌బైలను ఎంపిక చేసినట్లు చెప్పారు. జనవరి 3 నుంచి కర్నూలులో నిర్వహించనున్న 50వ బాలబాలికల అంతర్‌ జిల్లా కబడ్డీ పోటీలలో ఈ జట్లు పాల్గొంటాయని అధ్యక్ష, కార్యదర్శులు తెలియజేశారు.

జిల్లా జట్టుకు ఎంపికై న బాలికలు: పూజిత, నేత్ర, శాలిని, అన్షిత, సుస్మిత, రాజాద్రి, లిఖిత, లోహిత, నక్షత్ర, మంజుల, నాగేశ్వరి, అనూష, హిందూ, శ్రీజ ఎంపికయ్యారు

బాలుర జట్టు: గణేష్‌ శివ అనిల్‌, భార్గవ్‌, కార్తీక్‌, శరత్‌, సల్మాన్‌ విక్రమ్‌, అన్నాదొర, విజయ్‌, అలెక్స్‌, మేరీమోక్షి, చిరంజీవి, మహేష్‌, లోకేష్‌ యుగంధర్‌, రాజు, హుస్సేన్‌, రవి, క్యాథిస్‌.