పతకమే ధ్యేయంగా ఆడాలి

పతకమే ధ్యేయంగా ఆడాలి

అమలాపురం రూరల్‌: కర్నూలు జిల్లా నందికొట్కూరులో ఈ నెల 26 నుంచి 27 వరకు 27వ రాష్ట్ర స్థాయి సబ్‌ జూనియర్‌ బాల బాలికల సపక్‌ తక్రా చాంపియన్‌ షిప్‌ పోటీలు జరగుతాయని అంబేడ్కర్‌ కోనసీమ జిల్లా సేపక్‌ తక్రా క్రీడ అధ్యక్షుడు జవ్వాది తాతబాబు, కార్యదర్శి కేతా సాయిదుర్గ ప్రసాద్‌ తెలిపారు. వారం రోజులుగా జిల్లా టీమ్‌కు ఎంపికై న వివిధ ప్రాంతాలకు చెందిన బాల బాలికలకు కోచ్‌ యాండ్ర గౌతమ్‌ ఆధ్వర్యంలో అమలాపురం ఎస్‌కేబీఆర్‌ కళాశాలలో ప్రత్యేక శిక్షణ నిర్వహించారు. శిక్షణ ముగింపు సభ శుక్రవారం నిర్వహించారు. క్రీడాకారులను ఉద్దేశించి తాతబాబు మాట్లాడుతూ పతకమే ధ్యేయంగా ఆడి మంచి క్రీడా స్ఫూర్తిని ప్రదర్శించి జిల్లాకు మంచి పేరు తీసుకురావాలని కోరారు. జిల్లా క్రీడాకారులను వాకర్స్‌ సభ్యులు డాక్టర్‌ వై.నరసింహారావు, తొట రాము, కూచిమంచి కృష్ణ, కొమ్ముల సురేష్‌ అభినందిచారు. టీం మేనేజర్‌ జీవీ బాబు, అసోసియేషన్‌ సభ్యులు మనగాల మన్యం, సైదుల రమణ ,బుల చిరంజీవి, పీవీ రావు పాల్గొన్నారు.