లబ్ధిదారులకు సబ్సిడీ త్వరగా అందించాలి: కలెక్టర్‌

సాక్షి, సిటీబ్యూరో: జిల్లాలో ఎస్సీ, ఎస్టీ లబ్ధిదారులకు వివిధ శాఖల ద్వారా అందించిన వాహనాలకు సంబంధించిన సబ్సిడీని వెంటనే విడుదల చేయాలని కలెక్టర్‌ అనుదీప్‌ దురిశెట్టి అధికారులను ఆదేశించారు. మంగళవారం కలెక్టరేట్‌ సమావేశ మందిరంలో పరిశ్రమల శాఖ ఆధ్వర్యంలో టీజీ ప్రైడ్‌ స్కీమ్‌ కింద ట్రాన్స్‌పోర్టు, ప్యాసింజర్‌, గూడ్స్‌ వాహనాలకు సంబంధించిన సబ్సిడీపై శాఖల వారీగా సమీక్షించారు. ఈ సందర్భంగా కలెక్టర్‌ మాట్లాడుతూ ప్రభుత్వం నుండి సబ్సిడీ అందగానే వెంటనే లబ్ధిదారులకు చెల్లించాలని సూచించారు. యువత అభిరుచి మేరకు వివిధ పారిశ్రామిక రంగాల్లో శిక్షణ అందించి వారి ఆర్థిక బలోపేతానికి కృషి చేయాలని సూచించారు. ఈ సమావేశంలో పరిశ్రమల శాఖ జీఎం పవన్‌ కుమార్‌, ఎస్సీ కార్పొరేషన్‌ ఎగ్జిక్యూటివ్‌ డైరెక్టర్‌ డాక్టర్‌ రమేష్‌, డీటీడబ్ల్యూఓ కోటాజీ, ఎల్డీఎం సుబ్రహ్మణ్యం, ఐపిఓ హేమ, వివిధ శాఖల అధికారులు పాల్గొన్నారు.