TV
రోడ్డు ప్రమాదంలో యువకుడి దుర్మరణం
సిరికొండ: మండలంలోని తాటిపల్లి గ్రామంలో బుధవారం జరిగిన రోడ్డు ప్రమాదంలో రాజన్న సిరిసిల్ల జిల్లా కోనరావుపేట మండలం మరిమడ్ల గ్రామానికి చెందిన యువకుడు దుర్మరణం చెందినట్లు ఎస్సై ఎల్‌ రామ్ తెలిపారు. గజ్జల అజయ్‌కుమార్‌(26) అనే యువకుడు సిరికొండ వైపు నుంచి మరిమడ్లకు వెళ్తుండగా తాటిపల్లి గ్రామంలో ద్విచక్ర వాహనం అదుపు తప్పి కింద పడగా, తలకు బలమైన గాయమై అక్కడికక్కడే మృతి చెందాడన్నారు. కేసు నమోదు చేసి దర్యాప్తు చేస్తున్నామన్నారు.
సౌదీ అరేబియాలో కులాస్‌పూర్‌ వాసి..
మోపాల్‌(నిజామాబాద్‌రూరల్‌): మండలంలోని కులాస్‌పూర్‌ గ్రామానికి చెందిన కోర్వ మోహన్‌ (45) సౌదీ అరేబియాలో ఆదివారం జరిగిన రోడ్డు ప్రమాదంలో మృతి చెందాడు. గ్రామస్తులు, కుటుంబసభ్యులు తెలిపిన వివరాలు ఇలా ఉన్నాయి.. ఉపాధి కోసం కోర్వ మోహన్‌ గత కొన్నేళ్లుగా గల్ఫ్‌, సౌదీ అరేబియాకు వెళ్లి వస్తున్నాడు. ప్రస్తుతం సౌదీలోని ము న్సిపాలిటీ (బల్దియా)లో పని చేస్తున్న ఆయన ఆదివారం పని ప్రదేశంలో వర్షం కురుస్తుండటంతో మ్యాన్‌హోల్‌ సరి చేసేందుకు వెళ్లి రోడ్డు ప్రమాదంలో గాయపడ్డాడు. అక్కడి ఆస్పత్రి లో చికిత్స పొందుతూ మృతిచెందాడు. మృతుడికి భార్య సరోజ, కుమారుడు అరవింద్‌ ఉన్నాడు. మృతదేహాన్ని స్వ గ్రామానికి రప్పించేలా ఎమ్మెల్యే భూపతిరెడ్డి చర్యలు తీసుకో వాలని బాధిత కుటుంబ సభ్యులు, గ్రామస్తులు కోరుతున్నారు.
కంటైనర్‌ ఢీకొని ఏఆర్‌ హెడ్‌ కానిస్టేబుల్‌..
ఆర్మూర్‌టౌన్‌: ఆర్మూర్‌ మున్సిపాలిటీ పరిఽధిలోని పెర్కిట్‌ చౌరస్తా వద్ద జరిగిన రోడ్డు ప్రమాదంలో హైవే పెట్రోలింగ్‌ హెడ్‌ కానిస్టేబుల్‌ రాథోడ్‌ ప్రతాప్‌సింగ్‌(50) మృతిచెందాడు. పోలీసులు తెలిపిన వివరాలు ఇలా ఉన్నాయి.. మెడిసిన్‌ కోసం రాథోడ్‌ ప్రతాప్‌సింగ్‌ బుల్లెట్‌పై ఆర్మూర్‌వైపు వస్తుండగా జాతీయ రహదారి చౌరస్తా వద్ద హైదరాబాద్‌నుంచి నిర్మల్‌వైపు వెళ్తుతున్న కంటైనర్‌ ఢీకొట్టింది. ఈ ఘటనలో ప్రతాప్‌సింగ్‌ అక్కడికక్కడే మృతి చెందాడు. కంటైనర్‌ డ్రైవర్‌ పరారయ్యాడని, కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.
రోడ్డు ప్రమాదంలో యువకుడి దుర్మరణం
Comments
Please login to add a commentAdd a comment