రేపటి నుంచి ఎస్జీఎఫ్‌ ఉమ్మడి జిల్లా ఎంపిక పోటీలు

కరీంనగర్‌స్పోర్ట్స్‌: పాఠశాలల క్రీడాసమాఖ్య ఆధ్వర్యంలో కరీంనగర్‌ ఉమ్మడి జిల్లాస్థాయి ఎంపిక పోటీలను ఈనెల 12 నుంచి పలు ప్రాంతాల్లో నిర్వహిస్తున్నట్లు జిల్లా విద్యాశాఖ అధికారి సీహెచ్‌ జనార్దన్‌రావు, ఎస్జీఎఫ్‌ కార్యదర్శి వేణుగోపాల్‌ తెలిపారు. ఆయా జట్ల ఎంపిక పోటీలకు హాజరయ్యే క్రీడాకారులు ఎలిజిబిలిటీ ఫారాలతో సంబంధిత తేదీల్లో మైదానాల్లో రిపోర్టు చేయాలని సూచించారు.

●

● ఈనెల 12న ఉమ్మడి జిల్లా అండర్‌–14, 17 బాలబాలికల జిమ్నాస్టిక్స్‌, అండర్‌–17 బాలబాలికల వెయిట్‌ లిఫ్టింగ్‌ ఎంపిక పోటీలు కరీంనగర్‌లోని ప్రాంతీయ క్రీడాపాఠశాలలో జరుగుతాయి.

● ఈనెల 13న ఉమ్మడి జిల్లాస్థాయి అండర్‌–17 బాలుర క్రికెట్‌ జట్టు ఎంపిక పోటీలు పెద్దపల్లి జిల్లా మంథనిలోని జీజేసీ మైదానంలో నిర్వహిస్తారు.

● ఈనెల 16న ఉమ్మడి జిల్లాస్థాయి బేస్‌బాల్‌ అండర్‌–14, 17 బాలబాలికల ఎంపిక పోటీలు కరీంనగర్‌ అంబేడ్కర్‌ స్టేడియంలో జరుగుతాయి.

● ఈనెల 18న ఉమ్మడి జిల్లాస్థాయి నెట్‌బాల్‌ అండర్‌–17 బాలబాలికల ఎంపిక పోటీలు చొప్పదండిలోని జిల్లాపరిషత్‌ పాఠశాలలో నిర్వహిస్తారు.