మహారాష్ట్ర, ఒడిశా నుంచి గంజాయి రవాణా

మహారాష్ట్ర, ఒడిశా నుంచి గంజాయి రవాణా

బొమ్మనహళ్లి : బెంగళూరు నగరానికి మహారాష్ట్ర, ఒడిశా నుంచి భారీగా గంజాయి దిగుమతి అవుతోంది. అక్కడ తక్కువ ధరకే గంజాయి కొనుగోలు చేసి నగరానికి తీసుకువచ్చి విక్రయిస్తున్నారు. ఈక్రమంలో హలసూరుగేట్‌, మడివాళ పోలీసులు గంజాయి విక్రేతలపై ఉక్కుపాదం మోపారు. నలుగురు విక్రేతలను అరెస్ట్‌ చేసి లక్షల విలువైన గంజాయి స్వాధీనం చేసుకున్నారు. హలసూరు గేట్‌ పోలీస్‌స్టేషన్‌ పరిధిలోని బన్నప్ప రోడ్డులో ఒకరు బైక్‌పై గంజాయి ఉంచుకొని విక్రయిస్తుండగా పోలీసులు దాడి చేశారు. అతని వద్దనుంచి రూ. 4 లక్షల విలువైన దాదాపు 12 కేజీల గంజాయి రూ. 1600 నగదు, బైకు తదితరాలను స్వాధీనం చేసుకున్నారు. అదేవిధంగా సిల్క్‌బోర్డు వద్ద గంజాయి విక్రయిస్తుండగా మడివాళ పోలీసులు దాడి చేశారు. ముగ్గురిని అరెస్ట్‌ చేసి రూ.4.20 లక్షల విలువైన 7 కిలోల 310 గ్రాముల గంజాయి స్వాధీనం చేసుకున్నారు. నగరంలో విచ్చలవిడిగా గంజాయి రవాణా జరుగుతోందనే ఆరోపణలున్నాయి.

పట్టుబడిన గంజాయి

నలుగురు విక్రేతల అరెస్ట్‌