రక్తదానం ప్రాణదానంతో సమానం

రక్తదానం ప్రాణదానంతో సమానం

హొసపేటె: రక్తదానం ప్రాణదానంతో సమానమని డివిజనల్‌ కంట్రోలర్‌ ఆర్వీ పురాణిక్‌ అన్నారు. నగరంలోని కేకేఆర్‌టీసీ బస్సు డిపోలో నిర్వహించిన ఉచిత ఆరోగ్య పరీక్ష, రక్తదాన శిబిరాన్ని ఆయన ప్రారంభించి మాట్లాడారు. నిత్యం ప్రజాసేవలో బిజీగా ఉండే రవాణా శాఖ సిబ్బంది ఆరోగ్య రక్షణకు ఎక్కువ ప్రాధాన్యత ఇవ్వాలన్నారు. సిబ్బందికి రక్తపోటు, మధుమేహం, కంటి, దంత, క్షయ వంటి సాధారణ వ్యాధులకు పరీక్షలు చేశారు. ప్రజలకు క్షయ వ్యాధిపై అవగాహన కల్పించేందుకు ఏర్పాటు చేసిన పోస్టర్‌ను ఆయన విడుదల చేశారు. వైద్యులు డాక్టర్‌ సహన, డాక్టర్‌ లక్ష్మి, హెచ్‌డీఎఫ్‌సీ బ్యాంక్‌ మేనేజర్‌ ఆనంద్‌, క్షయవ్యాధి సూపర్‌వైజర్‌ ఖాసింసాబ్‌, ఐసీటీసీ కన్సల్టెంట్‌ సిద్దేశ్వర్‌, యూనిట్‌ అధ్యక్షుడు పరమేశ్వరప్ప, ఆరోగ్య సిబ్బంది, కార్మికులు పాల్గొన్నారు.