స్వామియే శరణం అయ్యప్పా...

సత్తుపల్లి: స్వామియే శరణం అయ్యప్పా అంటూ మాలధారుల శరణుఘోషతో సత్తుపల్లి మార్మోగింది. మున్సిపల్‌ చైర్మన్‌ కూసంపూడి మహేష్‌ ఆధ్వర్యాన స్థానిక శ్రీహరిహరాత్మజ అయ్యప్పస్వామి దేవాలయంలో బుధవారం రాత్రి అయ్యప్ప మహా పడిపూజ నిర్వహించారు. కేరళకు చెందిన మేలుతంత్రి చంద్రమౌళి వెంకటేష్‌శర్మ ఈ పూజ నిర్వహించగా మాజీ ఎమ్మెల్యే సండ్ర వెంకటవీరయ్యతో పాటు సత్తుపల్లి, అశ్వారావుపేట, చింతలపూడి, విస్సన్నపేట ప్రాంతాల నుంచి వందలాది మంది మాలధారులు హాజరయ్యారు. అలాగే, ద్రోణంరాజు మల్లికార్జున స్వామి, సుబ్బారావు బృందాల సంకీర్తనలు, భజనలు ఆకట్టుకున్నాయి. ఆలయ నిర్వాహకులు దోసపాటి అమరలింగేశ్వరరావు, వందనపు సత్యనారాయణ, శ్రీను, పోలిశెట్టి శివకుమార్‌, శీలపురెడ్డి హరికృష్ణారెడ్డి, పర్వతనేని వేణు, కిషోర్‌రెడ్డి, కూసంపూడి రామారావు, బొంతు శ్రీనివాసరావు, క్రాంతి శ్రీనివాసరావు పాల్గొన్నారు.

శరణుఘోషతో మార్మోగిన సత్తుపల్లి