తేనెటీగల పెంపకంతో ఉపాధి

తేనెటీగల పెంపకంతో ఉపాధి

తల్లాడ: రైతులు పంటల సాగుతో పాటు తేనెటీగల పెంపకంపై దృష్టి సారించాలని, తద్వారా సుస్థిర ఆదాయం సొంతమవుతుందని డీఎఫ్‌ఓ సిద్ధార్థ్‌ విక్రమ్‌ సింగ్‌ తెలిపారు. తల్లాడ అటవీ రేంజ్‌ పరిధిలో ఎఫ్‌డీఓ మంజుల, రేంజ్‌ అధికారి ఉమతో కలిసి మంగళవారం ఆయన లోకవరం, గూడూరుల్లో పర్యటించారు. ఈ సందర్భంగా రైతులు, మహిళలతో సమావేశమైన డీఎఫ్‌ఓ తేనెటీగల పెంపకం, అటవీ సంరక్షణ ప్రాముఖ్యతను వివరించారు. సుస్థిర జీవనోపాధి కోసం తేనెటీగల పెంపకాన్ని ఎంచుకోవాలని తెలిపారు. అలాగే, అడవుల సంరక్షణలో ఉద్యోగులకు సహకరించాలని సూచించారు. ఈ సమావేశాల్లో వీఎస్‌ఎస్‌ల సభ్యులు, అటవీ శాఖ ఉద్యోగులు పాల్గొన్నారు.