టాక్సీప్లేట్‌ వాహనాలకు రాయితీ రద్దు

ఆసిఫాబాద్‌: ప్రభుత్వం అమలు చేస్తున్న టీ– ఫ్రైడ్‌ పథకంలో ఎస్సీ, ఎస్టీ తెగలకు చెందిన వారికి టాక్సీప్లేట్‌ కార్లు/టాక్సీలకు అందించే రాయితీ నుంచి మినహాయించినట్లు జిల్లా పరిశ్రమల కేంద్రం జనరల్‌ మేనేజర్‌ మదిరే అశోక్‌ శుక్రవారం ఓ ప్రకటనలో తెలిపారు. రవాణా రంగంలో భాగంగా జేసీబీలు, డెలివరీ వ్యాన్లు, జట్‌కింగ్‌ మిషిన్లు, టాక్సీ ప్లేట్‌ కార్లు, టాక్సీలు రాయితీ ద్వారా పొందినట్లు పేర్కొన్నారు. డిసెంబర్‌ 1నుంచి టాక్సీ ప్లేట్‌ కార్లు/టాక్సీలకు సబ్సిడీ పొందేందుకు టీ–ఫ్రైడ్‌ నుంచి మినహాయించినట్లు తెలిపారు. టాక్సీ ప్లేట్‌ కార్లకు మినహా మిగితా వాహనాలన్నింటికీ పథకంలో ఎలాంటి మార్పులు చేయలేదని పేర్కొన్నారు. ఎస్సీ, ఎస్టీ లబ్ధిదారులు మార్పులను గమనించి దరఖాస్తు చేసుకోవాలని సూచించారు.