‘ఉద్యమానికి సిద్ధంగా ఉండాలి’

‘ఉద్యమానికి సిద్ధంగా ఉండాలి’

బెజ్జూర్‌: నియోజకవర్గ ప్రజల సమస్యలపై పోరా డేందుకు కార్యకర్తలు సిద్ధంగా ఉండాలని బీఆర్‌ఎస్‌ రాష్ట్ర నాయకుడు డాక్టర్‌ ఆర్‌ఎస్‌ ప్రవీణ్‌కుమార్‌ పిలుపునిచ్చారు. రాబోయే రోజుల్లో పార్టీ బలోపేతానికి కృషి చేయాలని కోరారు. మండలంలోని మర్తిడి గ్రామంలో కార్యకర్తలతో శుక్రవారం ఏర్పా టు చేసిన సమావేశానికి హాజరయ్యారు. నెలక్రితం మండల కేంద్రానికి చెందిన ముగ్గురు యువకులు సోమిని ఎర్రబండ ప్రాణహితలో ఈతకు వెళ్లి గల్లంతై మృతిచెందగా, బాధిత కుటుంబాలను పరామర్శించి ఆర్థికసాయం అందించారు. ఈ సందర్భంగా మాట్లాడుతూ.. చేతికి అందివచ్చిన యువకులు అ కాల మరణం చెందడం బాధాకరమన్నారు. మండలంలోని బారెగూడ, పోతేపల్లి గ్రామాల్లో పర్యటించగా, పలువురు రైతులు సమస్యలు తెలిపారు. లుంబినగర్‌ గ్రామానికి చెందిన రత్నం మౌనిక ఇటీవల కానిస్టేబుల్‌ ఉద్యోగం సాధించగా ఆమెను శా లువాతో సత్కరించి శుభాకాంక్షలు తెలిపారు. ఆ యన వెంట నియోజకవర్గ కన్వీనర్‌ లెందుగురి శ్యా మ్‌రావు, నాయకులు రాజ్‌కుమార్‌, యాదవ్‌, రాంప్రసాద్‌, రాజు, సలీం, నవీన్‌, బుస సారయ్యయా దవ్‌, దేవయ్య, ఖాజామోయిన్‌, బాబుమోహన్‌, ప్రకాశ్‌, భిక్షపతి, కొండయ్య తదితరులున్నారు.