మల్లన్న సేవలో శ్రీశైల జగద్గురు పీఠాధిపతి

మల్లన్న సేవలో శ్రీశైల జగద్గురు పీఠాధిపతి

శ్రీశైలంటెంపుల్‌: శ్రీశైల భ్రమరాంబా మల్లికార్జున స్వామిఅమ్మవార్లను శ్రీశైల జగద్గురు పీఠాధిపతి శ్రీశ్రీశ్రీ చెన్నసిద్దరామ శివాచార్య మహాస్వామి దర్శంచుకుని ప్రత్యేక పూజలు నిర్వహించుకున్నారు. గురువారం మల్లన్న దర్శనార్థం ఆలయం వద్దకు విచ్చేసిన పీఠాధిపతికి రాజగోపురం వద్ద ఈఓ ఎస్‌.ఎస్‌.చంద్రశేఖర ఆజాద్‌, అర్చకులు ఆలయ మర్యాదలతో స్వాగతం పలికారు. అనంతరం పీఠాధిపతి మల్లికార్జున స్వామివారిని, భ్రమరాంబాదేవిని దర్శించుకుని ప్రత్యేక పూజలు నిర్వహించుకున్నారు. అమ్మవారి ఆలయం వద్ద ఆశీర్వచన మండపంలో పీఠాధిపతి గౌరవార్థం పండితులు వేదగోష్టి నిర్వహించారు. ఆలయ అధికారులు పీఠాధిపతిని సత్కరించారు.