విత్తన, ఎరువుల షాపుల తనిఖీ

విత్తన, ఎరువుల షాపుల తనిఖీ

గంగారం: మండలంలోని విత్తన, ఎరువుల షాపులను డీఏఓ విజయనిర్మల బుధవారం ఆకస్మికంగా తనిఖీ చేశారు. గంగారం, కోమట్లగూడెంలోని రైతు ఆగ్రోస్‌ సేవా కేంద్రాలు, పెద్ద ఎల్లాపూర్‌, మామిడిగూడెంలోని ఓడీసీఎంఎస్‌ షాపులను తనిఖీ చేసి రికార్డులను పరిశీలించారు. బిల్‌ బుక్కులు, స్టాక్‌ రిజిస్టర్లు, లైసెన్స్‌లను పరిశీలించారు. రైతులు కొనుగోలు చేసిన విత్తనాలకు వెంటనే రశీదులు ఇవ్వాలన్నారు. పెద్ద ఎల్లాపూర్‌ గ్రామంలో పొద్దుతిరుగుడు, మిర్చి పంటలను క్షేత్రస్థాయిలో పరిశీలించారు. అనంతరం రైతులకు పలు సూచనలు, సలహాలు చేశారు. కోమట్లగూడెంలోని ధాన్యం కొనుగోలు కేంద్రాన్ని సందర్శించారు. కార్యక్రమంలో ఏఓ రాంబాబు, డీహెచ్‌ఎస్‌ఓ జినుగు మరియన్న, తహీసీల్దార్‌, ఏఈఓలు తదితరులు పాల్గొన్నారు.