క్లుప్తంగా

రోడ్డు ప్రమాదంలో యువకుడికి గాయాలు

సిరికొండ: మండలంలోని వాయిపేట్‌ వెళ్లే దారిలో సోమవారం ద్విచక్ర వాహనం, టిప్పర్‌ ఢీకొన్న ఘటనలో చిమ్మన్‌గూడికి చెందిన యువకుడికి తీవ్ర గాయాలయ్యాయి. పంటచేనుకు వెళ్లిన జాదవ్‌ విజయ్‌ ద్విచక్ర వాహనంపై ఇంటికి వెళ్తుండగా ఎదురుగా వచ్చిన టిప్పర్‌ ఢీకొట్టింది. తీవ్రగాయాలు కావడంతో గమనించిన స్థానికులు 108కు సమాచారం అందించడంతో వాహనంలో రిమ్స్‌కు తరలించారు.

ముగ్గురు యువకుల బైండోవర్‌

జన్నారం: మండల కేంద్రంలోని బస్టాండ్‌ ప్రాంతంలో ఆదివారం రాత్రి మద్యం సే వించి న్యూసెన్స్‌ చేసిన ముగ్గురు యువకులపై కేసు నమోదు చేసి తహసీల్దార్‌ రా జమనోహర్‌రెడ్డి ఎదుట బైండోవర్‌ చేసినట్లు ఎస్సై రాజవర్దన్‌ సోమవారం తెలి పారు. పొనకల్‌ గ్రామానికి చెందిన మ హ్మద్‌ అవేజ్‌, మహ్మద్‌ ట్రాబేజ్‌, చిలువేరు కార్తీక్‌ మద్యం సేవించి రోడ్డుపై న్యూసెన్స్‌ చేయడంతో స్థానికులు ఇచ్చిన సమాచార ం మేరకు కేసు నమోదు చేసినట్లు పేర్కొన్నారు. తల్లిదండ్రుల సమక్షంలో వారికి కౌన్సెలింగ్‌ నిర్వహించి తహసీల్దార్‌ ఎదు ట బైండోవర్‌ చేసినట్లు ఎస్సై తెలిపారు.

బైక్‌ను ఢీకొట్టి బొలెరో బోల్తా

ఇంద్రవెల్లి: ముందుగా వెళ్తున్న బైక్‌ను ఢీకొట్టిన ఘటనలో బొలెరో బోల్తా పడిన సంఘటన మండలంలో చోటు చేసుకుంది. స్థానికులు తెలిపిన వివరాల ప్రకారం ముత్నూర్‌ గ్రామానికి చెందిన వ్యాపారి గోపాల్‌ సోమవారం ద్విచక్ర వాహనంపై ఇంద్రవెల్లికి వస్తుండగా వెనుకనుంచి అతివేగంగా వచ్చిన బొలెరో బైక్‌ను ఢీకొట్టి బోల్తా పడింది. ఘటనలో బైక్‌ నడుపుతున్న గోపాల్‌కు తీవ్రంగా, బొలెరోలో ఉన్న మహారాష్ట్రకు చెందిన ఇద్దరికి స్వల్ప గాయాలయ్యాయి. గోపాల్‌ను చికిత్స నిమిత్తం రిమ్స్‌కు తరలించగా పరిస్థితి విషమంగా ఉన్నట్లు కుటుంబ సభ్యులు తెలిపారు. ఎస్సై దుబ్బాక సునీల్‌ ఘటన స్థలానికి చేరుకుని రోడ్డుపై ఉన్న వాహనాన్ని జేసీబీ సాయంతో తొలగించి ఇంద్రవెల్లి పోలీసు స్టేషన్‌కు తరలించారు. కాగా సంఘటనపై ఇప్పటి వరకు ఎలాంటి ఫిర్యాదు రాలేదని ఎస్సై తెలిపారు.

ద్విచక్ర వాహనాలు ఢీ.. ఒకరికి గాయాలు

లోకేశ్వరం: మండలంలోని మొహళ గ్రామ సమీపంలో రెండు ద్విచక్ర వాహనాలు ఢీకొన్న ఘటనలో ఒకరికి గాయాలైనట్లు ఎస్సై అశోక్‌ తెలిపారు. లోకేశ్వరంకు చెందిన జంగం స్వప్న, రాజేశ్వర్‌ దంపతులు నందిపేట్‌ నుంచి స్వగ్రామానికి బైక్‌పై వస్తుండగా నందిపేట్‌ మండలంలోని బ ద్గుణ గ్రామానికి చెందిన సాయన్న బైక్‌పై వచ్చి ఢీకొట్టడంతో స్వప్నకు తీవ్రగాయాలయ్యాయి. నిర్మల్‌ ఆస్పత్రికి తరలించి చికి త్స అందిస్తున్నారు. సాయన్నపై కేసు నమోదు చేసినట్లు ఎస్సై తెలిపారు.