యువకుడి ఆత్మహత్యాయత్నం

ఆదిలాబాద్‌టౌన్‌: జిల్లా కేంద్రంలోని టూటౌన్‌ పోలీస్‌స్టేషన్‌ పరిధిలోని పంజాబ్‌చౌక్‌ సమీపంలోగల లాడ్జిలో ఓ యువకుడు ఆత్మహత్యాయత్నం చేశాడు. తాంసి మండలంలోని ఓ గ్రా మానికి చెందిన సదరు యువకుడు వివాహితతో కలిసి లాడ్జికి వెళ్లాడు. వారి మధ్య వివాదం తలెత్తగా యువకుడు లాడ్జిలోని ఫ్యాన్‌కు ఉరి వేసుకున్నట్లు సమాచారం. దీంతో సదరు మహిళ లాడ్జి సిబ్బందికి సమాచారమిచ్చింది. వారు అతడిని రిమ్స్‌ ఆస్పత్రికి తరలించగా చికిత్స పొందుతున్నాడు. ఈ విషయమై టూ టౌన్‌ సీఐ కరుణాకర్‌ రావును సంప్రదించగా తమకెలాంటి ఫిర్యాదు అందలేదని తెలిపారు.

పోక్సో కేసులో

ఒకరి రిమాండ్‌

ఆదిలాబాద్‌టౌన్‌: బాలికను కిడ్నాప్‌ చేసిన కేసులో పట్టణంలోని శాంతినగర్‌కు చెందిన మహ్మద్‌ సమీర్‌ అనే యువకుడిని బుధవారం అరెస్ట్‌ చేసి రిమాండ్‌కు తరలించినట్లు వన్‌ టౌన్‌ సీఐ సునీల్‌కుమార్‌ తెలిపారు. ప్రేమ పేరిట నమ్మించిన సమీర్‌ బాలికను ఇంటి నుంచి తీసుకెళ్లగా పట్టుకున్నట్లు పేర్కొన్నారు. సమీర్‌పై పోక్సో కేసు నమోదు చేసినట్లు తెలిపారు.