ధైర్యంగా ఉండండి..అండగా ఉంటాం

ధైర్యంగా ఉండండి..అండగా ఉంటాం

బాసర: విద్యార్థులు ధైర్యంగా ఉండాలని, సమస్యలు పరిష్కరించడానికి అండగా ఉంటామని నిర్మల్‌ జిల్లా బాసర ట్రిపుల్‌ఐటీ వైస్‌ చాన్స్‌లర్‌ ప్రొఫెసర్‌ గోవర్థన్‌, అదనపు కలెక్టర్‌ ఫైజాన్‌ అహ్మద్‌ అన్నారు. బుధవారం ఆర్జీయూకేటీ స్టూడెంట్‌ వెల్ఫేర్‌ డిపార్ట్‌మెంట్‌, నిర్మల్‌ జిల్లా చైల్డ్‌ వెల్ఫేర్‌ డిపార్ట్‌మెంటు సంయుక్త ఆధ్వర్యంలో అవగాహన కార్యక్రమం నిర్వహించారు. ఈ సందర్భంగా వారు మాట్లాడుతూ విజయాన్ని అందుకునే సమయంలో అనేక సవాళ్లు ఎదురవుతాయని, వాటిని అధిగమించేందుకు అనేక మార్గాలు ఉంటాయన్నారు. ఉలిదెబ్బలు తట్టుకుంటేనే రాయి శిల్పంగా మారినట్టు జీవితంలో వచ్చే ఒడిదొడుకులను తట్టుకుంటే ఉన్నత విద్య, ఉద్యోగ, ఉపాధి అవకాశాలు మెండుగా ఉంటాయని తెలిపారు. ఈ కార్యక్రమంలో అడ్మినిస్ట్రేటివ్‌ ఆఫీసర్‌ రణధీర్‌ సాగి, డాక్టర్‌ నాగరాజు, డాక్టర్‌ పావని, జిల్లా చైల్డ్‌ వెల్ఫేర్‌ డిపార్టుమెంటు అధికారులు ఉద్యోగులు, విద్యార్థులు తదితరులు పాల్గొన్నారు.