24న ఉమ్మడి జిల్లాస్థాయి చెస్‌పోటీలు

24న ఉమ్మడి జిల్లాస్థాయి చెస్‌పోటీలు

రెబ్బెన(ఆసిఫాబాద్‌): జిల్లా కేంద్రంలోని బాలికల ఆదర్శ క్రీడాపాఠశాలలో ఈ నెల 24న ఉమ్మడి జిల్లాస్థాయి చెస్‌ పోటీలు నిర్వహిస్తున్నట్లు చెస్‌ అసోసియేషన్‌ జిల్లా అధ్యక్షుడు సంపత్‌కుమార్‌, ఉపాధ్యక్షుడు ఉపేందర్‌, టోర్నమెంట్‌ కన్వీనర్‌ రవీందర్‌ ఒక ప్రకటనలో తెలిపారు. అండర్‌ 9, 11, 13, 14, 15 విభాగాల్లో ఓపెన్‌ టూ ఆల్‌ పద్ధతిలో ఈ పోటీలు కొనసాగుతాయన్నారు. అసోసియేషన్‌ ఆధ్వర్యంలో క్రీడాకారులకు ఉచిత భోజన సౌకర్యం కల్పిస్తున్నామని తెలిపారు. ఆసక్తి గల క్రీడాకారులు సద్వినియోగం చేసుకోవాలని కోరారు. వివరాలకు చీఫ్‌ ఆర్బిటెర్‌ అంబాల కల్పన, ఎం.శృతిలను 8978146456 నంబర్‌లో సంప్రదించాలని సూచించారు.

కారు ఢీకొని ఒకరి మృతి

భీమారం: మండల కేంద్రంలోని ఇప్పలబొగుడ వద్ద జాతీయ రహదారిపై బుధవారం జరిగిన ప్రమాదంలో ఓ ప్రైవేట్‌ పాఠశాల బస్సు డ్రైవర్‌ మృతిచెందాడు. జైపూర్‌ ఏసీపీ వెంకటేశ్వర్‌ తెలిపిన వివరాల ప్రకారం.. భీమారం నుంచి మంచిర్యాల వైపు మోటార్‌సైకిల్‌పై వెళ్తున్న జైపూర్‌ మండలం రసూల్‌పల్లి గ్రామానికి చెందిన ఆకుదారి మల్లేశ్‌(28)ను వెనుక నుంచి కారు అతి వేగంగా ఢీకొట్టింది. దీంతో కిందపడి తీవ్రంగా గాయపడిన మల్లేశ్‌ను 108అంబు లెన్స్‌లో ఆసుపత్రికి తరలిస్తుండగా మృతిచెందాడు. కారు డ్రైవర్‌ పారిపోయాడని ఏసీపీ తెలిపారు. సంఘటన స్థలాన్ని జైపూర్‌ ఏసీపీ వెంకటేశ్వర్‌, శ్రీరాంపూర్‌ సీఐ వేణుచందర్‌ పరిశీలించారు. ప్రమాదం జరిగిన తీరుపై తెలుసుకున్నారు.