గ్రూప్‌ 3 పరీక్షలు ప్రశాంతం

గ్రూప్‌ 3 పరీక్షలు ప్రశాంతం

సోమవారం శ్రీ 18 శ్రీ నవంబర్‌ శ్రీ 2024
● అభ్యర్థుల హాజరు శాతం 54.27 ● జూనియర్‌ కాలేజీలో కలెక్టర్‌ తనిఖీ

మెదక్‌జోన్‌: గ్రూప్‌3 పరీక్షలు తొలిరోజైన ఆదివారం ప్రశాంతంగా జరిగాయి. సోమవారం కూడా ఎగ్జామ్‌ జరుగుతోంది. జిల్లావ్యాప్తంగా 5,867 మంది అభ్యర్థులకు 19 పరీక్ష కేంద్రాలను ఏర్పాటు చేశారు. ఉదయం, మధ్యాహ్నం.. పరీక్షలు జరుగగా హాజరు 54.27 శాతంగా ఉంది. ఉదయం 5,867 మంది అభ్యర్థులకు గాను 3,187 మంది హాజరయ్యారు. 2,680 మంది గైర్హాజరయ్యారు. హాజరు 54.32 శాతంగా ఉంది. మధ్యాహ్నం 5,867 మందికి గాను 3,184 మంది పరీక్షకు కూర్చున్నారు. 2,683 మంది గైర్హాజరు కాగా హాజరు శాతం 54.27గా నమోదైంది. జిల్లా కేంద్రంలోని ప్రభుత్వ బాలుర జూనియర్‌ కాలేజీ పరీక్ష కేంద్రాన్ని కలెక్టర్‌ రాహుల్‌రాజ్‌ తనిఖీ చేశారు. నిబంధనలు పకడ్బందీగా చేయాలని చీఫ్‌సూపరింటెండెంట్లను ఆదేశించారు. సోమవారం కూడా పరీక్ష ఉంటుందని అభ్యర్థులు గంట ముందే రావాలన్నారు.

న్యూస్‌రీల్‌