నేటి నుంచి రాష్ట్రస్థాయి హ్యాండ్‌బాల్‌ పోటీలు

నేటి నుంచి రాష్ట్రస్థాయి హ్యాండ్‌బాల్‌ పోటీలు

కోస్గి: పట్టణంలోని ప్రభుత్వ ఉన్నత పాఠశాల ఆవరణలో గురువారం రాష్ట్రస్థాయి హ్యాండ్‌ బాల్‌ పోటీలు ప్రారంభం కానుంది. అండర్‌–17 విభాగంలో ఎస్‌జీఎఫ్‌ ఆధ్వర్యంలో నిర్వహిస్తున్న ఈ పోటీలకు ఉమ్మడి పది జిల్లాల నుంచి 400 మంది క్రీడాకారులు, 50 మంది కోచ్‌, మేనేజర్లు హాజరవుతున్నారని టోర్నమెంట్‌ ఆర్గనైజర్‌ బాల్‌రాజ్‌ తెలిపారు. మూడు రోజుల పాటు జరగనున్న ఈ పోటీల ప్రారంభోత్సవానికి కలెక్టర్‌ సిక్తా పట్నాయక్‌, కడా ప్రత్యేకాధికారి వెంకట్‌రెడ్డి, డీఈఓ అబ్దుల్‌ ఘనీ తదితరులు హాజరవుతున్నట్లు చెప్పారు. ఈ మేరకు ఏర్పాట్లను పరిశీలించారు. హ్యాండ్‌బాల్‌ సెక్రెటరీ జియావుద్దీన్‌, త్రోబాల్‌ సెక్రెటరీ ఆసీఫ్‌, ఫిజికల్‌ డైరెక్టర్‌ నర్సిములుతో పాటు పలువురు ఉన్నారు.