అనుమానాస్పద స్థితిలో వ్యక్తి మృతి

అనుమానాస్పద స్థితిలో వ్యక్తి మృతి

కొండమల్లేపల్లి: కొండమల్లేపల్లి మండలం గుమ్మడవెల్లి గ్రామంలో ఓ వ్యక్తి అనుమానాస్పద స్థితిలో మృతి చెందాడు. ఈ ఘటన సోమవారం చోటుచేసుకుంది. పోలీసులు, స్థానికులు తెలిపిన ప్రకారం.. గుమ్మడవెల్లి గ్రామానికి చెందిన పంగ శ్రీను(39) రోజు మాదిరిగానే ఉదయం 6 గంటలకు పొలం పనులకు వెళ్లాడు. మృతుడి భార్య కవిత తమ చేనులో పత్తి తీయడానికి కూలీలను వెంటబెట్టుకొని ఉదయం 9.30 గంటలకు వెళ్లింది. అప్పటికే పంగ శ్రీను అక్కడ పడి ఉండడాన్ని చూసిన భార్య అంబులెన్స్‌కు ఫోన్‌ చేయడంతో దేవరకొండ ప్రభుత్వ ఆసుపత్రికి తరలించారు. అప్పటికే శ్రీను మృతి చెందినట్లు వైద్యులు నిర్ధారించారు. కాగా మృతుడి ఎడమ నడుము పైభాగాన చర్మం చీలి ఉండడంతో మృతుడి కుటుంబ సభ్యులు అనుమానం వ్యక్తం చేస్తున్నారు. మృతుడికి భార్య, కుమారుడు, కుమార్తె ఉన్నారు. మృతుడి తల్లి పంగ సైదమ్మ ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ రామ్మూర్తి తెలిపారు.