No Headline

నల్లగొండ : కలెక్టర్‌ ఇలా త్రిపాఠి శనివారం పలు కార్యక్రమాల్లో బిజీబిజీగా గడిపారు. నల్లగొండలో ఈశా ఫౌండేషన్‌ ఆధ్వర్యంలో నిర్వహిస్తున్న గ్రామోత్సవ్‌లో స్వయంగా వాలీబాల్‌ ఆడి క్రీడాకారులను ఉత్సాహపరిచారు. కొండమల్లేపల్లిలోని సాంఘిక సంక్షేమ ఎస్సీ గురుకుల పాఠశాల, కళాశాలను ఆకస్మికంగా తనిఖీ చేశారు. ఇక్కడ వంటశాలను, భోజనాల తయారీని పరిశీలించారు. ఇంటర్మీడియట్‌ ద్వితీయ సంవత్సర ఎంపీసీ విద్యార్థినులకు ఆర్గానిక్‌ కెమిస్ట్రీపై పాఠ్యాంశాన్ని బోధించారు. దేవరకొండ మండలంలోని మైనార్టీ రెసిడిన్షియల్‌, తెలంగాణ బాలికల ట్రైబల్‌ వెల్ఫేర్‌ రెసిడెన్షియల్‌ కళాశాల, కేజీబీవీని సందర్శించారు. ట్రైబల్‌ వైల్ఫెర్‌ కళాశాలలో విద్యార్థినులతో కలిసి సాయంత్రం అల్పాహారం తీసుకుని వారితో ముచ్చటించారు.