ఆఖరిరోజు అట్టహాసంగా..

ఆఖరిరోజు అట్టహాసంగా..

సాక్షిప్రతినిధి,కరీంనగర్‌: ఉమ్మడి కరీంనగర్‌– మెద క్‌– ఆదిలాబాద్‌– నిజామాబాద్‌ జిల్లాల గ్రాడ్యుయేట్స్‌, టీచర్స్‌ ఎమ్మెల్సీ స్థానాలకు నామినేషన్‌ ప్రక్రియ ముగిసింది. సోమవారం నామినేషన్లకు ఆఖరురోజు కావడంతో భారీగా అభ్యర్థులు పోటెత్తారు. అనుచరులు, కార్యకర్తలు వెంటరాగా వివిధ పార్టీలు, స్వతంత్ర అభ్యర్థులు నామినేషన్లు దాఖలు చేశారు. చివరిరోజు 59 నామినేషన్లు వచ్చినట్లు అధికారులు తెలిపారు. ఇందులో 51 గ్రాడ్యుయేట్స్‌ కోసం రాగా.. మిగిలిన 8 టీచర్స్‌ స్థానానికి వచ్చిన ట్లు వివరించారు. మూడో తేదీన మొదలై నామినేషన్లలో ఇప్పటి వరకు గ్రాడ్యుయేట్స్‌కు 100, టీచర్స్‌ ఎమ్మెల్సీకి 17 నామినేషన్లు వేసినట్లు తెలిపారు.

● కాంగ్రెస్‌ అభ్యర్థి నరేందర్‌రెడ్డి రెండోసెట్‌ నామినేషన్‌ దాఖలు చేశారు. ఆయన వెంట పీసీసీ అధ్యక్షుడు మహేశ్‌కుమార్‌ గౌడ్‌, మంత్రులు శ్రీధర్‌బా బు, పొన్నం ప్రభాకర్‌, ఉత్తమ్‌కుమార్‌ రెడ్డి, సీతక్క, కొండా సురేఖ, విప్‌లు ఆదిశ్రీనివాస్‌, అడ్లూరి లక్ష్మణ్‌, ఎమ్మెల్సీ జీవన్‌రెడ్డి, ఎమ్మెల్యేలు ఉన్నారు.

● ప్రసన్న హరికృష్ణ బీఎస్పీ నుంచి, మాజీ మేయర్‌ రవీందర్‌సింగ్‌, ట్రస్మా శేఖర్‌రావు స్వతంత్రులుగా నామినేషన్‌ వేశారు. రవీందర్‌సింగ్‌ కేసీఆర్‌ చిత్రపటంతో వెళ్లి నామినేషన్‌ వేయడం గమనార్హం. బీఆర్‌ఎస్‌కు చెందిన వీరిద్దరూ స్వతంత్రులుగా బరిలోకి దిగడం విశేషం.

● టీచర్‌ ఎమ్మెల్సీ స్థానానికి ఎస్టీయూ, టీపీఆర్టీయూ బలపరిచిన సిట్టింగ్‌ ఎమ్మెల్సీ కూర రఘోత్తంరెడ్డి, టీఎస్‌యూటీఎఫ్‌, ఉపాధ్యాయ అధ్యాపక సంఘాలు బలపరిచిన వై అశోక్‌కుమార్‌ నామినేషన్‌లు వేశారు.

ముగిసిన గ్రాడ్యుయేట్స్‌, టీచర్స్‌

ఎమ్మెల్సీ నామినేషన్లు

ఒకేరోజు నామినేషన్‌ వేసిన

59 మంది అభ్యర్థులు

రెండుస్థానాలకు కలిపి మొత్తం

117 దాఖలు

ప్రధాన పోటీదారులంతా మిలియనీర్లే

రూ.120 కోట్ల వ్యక్తిగత ఆస్తులతో

ముందంజలో అంజిరెడ్డి

1/3

ఆఖరిరోజు అట్టహాసంగా..

2/3

ఆఖరిరోజు అట్టహాసంగా..

3/3

ఆఖరిరోజు అట్టహాసంగా..