జాతీయ పవర్‌ లిఫ్టింగ్‌ పోటీలకు ‘పీబీ సిద్ధార్థ’ విద్యార్థులు

జాతీయ పవర్‌ లిఫ్టింగ్‌ పోటీలకు ‘పీబీ సిద్ధార్థ’ విద్యా

విజయవాడస్పోర్ట్స్‌: జాతీయ పవర్‌ లిఫ్టింగ్‌ పోటీలకు ప్రాతినిధ్యం వహించే ఆంధ్ర జట్టుకు తమ కాలేజీ విద్యార్థులు నాగశివస్వామి, రామకృష్ణ, గురుబ్రహ్మం, శుభాకర్‌, కాంచన ఎంపికైనట్లు కాలేజీ క్రీడా విభాగాధిపతి డాక్టర్‌ టి.వి.బి. కృష్ణారెడ్డి తెలిపారు. ఈ నెల పదో తేదీన రాజమండ్రిలో జరిగిన రాష్ట్ర స్థాయి పోటీల్లో కాలేజీ విద్యార్థులు సుదీక్ష, భావన, గంగరాజుతో పాటు రాష్ట్ర జట్టులో చోటు దక్కించుకున్న ఐదుగురు క్రీడాకారులు పతకాలు సాధించారన్నారు. త్వరలో హైదరాబాద్‌లో జరిగే జాతీయ పోటీల్లో రాష్ట్ర జట్టుకు ఎంపికై న విద్యార్థులు పాల్గొంటారన్నారు. ప్రతిభ చూపిన క్రీడాకారులను కాలేజీ అధ్యక్షుడు డాక్టర్‌ సి.నాగేశ్వరరావు, కార్యదర్శి పి.లక్ష్మణరావు, కన్వీనర్‌ ఎస్‌.వెంకటేశ్వరరావు, ప్రిన్సిపాల్‌ డాక్టర్‌ ఎం.రమేష్‌, డైరక్టర్‌ వి.బాబురావు, డీన్‌ రాజేష్‌ కాలేజీ ఆవరణలో గురువారం అభినందించారు.