చిరుతల గణన నివేదిక వెల్లడి

చిరుతల గణన నివేదిక వెల్లడి

భువనేశ్వర్‌: రాష్ట్రంలో తొలిసారిగా చిరుత పులుల సంతతిని లెక్కించారు. ఈ మేరకు ఇటీవల అనుబంధ సిబ్బంది, యంత్రాంగానికి కెమెరా ట్రాపింగు ఇతరేతర రంగాల్లో ప్రత్యేక శిక్షణ కల్పించారు. రాష్ట్ర అటవీ శాఖ స్వతంత్రంగా ఈ లెక్కింపు చేపట్టింది. ఈ లెక్కింపులో రాష్ట్రంలో సమగ్రంగా 696 చిరుతు పులులు ఉన్నట్లు వెల్లడించారు. పులుల సంచార ప్రాంతాల్లో కెమెరా ట్రాపింగ్‌, పాదముద్రలు వంటి విధానాలతో ఈ ప్రక్రియ నిర్వహించారు. ఆయా ప్రాంతాల్లో వేర్వేరు చోట్ల 284 కెమెరాలను అమర్చారు. పులుల సంతతి పరిరక్షణ ప్రధాన లక్ష్యంగా రాష్ట్ర అటవీ శాఖ ఈ సన్నాహానికి నడుం బిగించడం విశేషం. 2022 సంవత్సరంలో జాతీయ పులుల సంరక్షణ వర్గం(ఎన్‌టీసీఏ) రాష్ట్రంలో పులుల సంతతి లెక్కింపు నిర్వహించింది. ఈ గణనలో రాష్ట్రంలో 568 పులులు ఉన్నట్లు తేల్చింది. అంతకు ముందు 2018 సంవత్సరంలో నిర్వహించిన లెక్కల్లో 760 పులులు రాష్ట్రంలో సంచరిస్తున్నట్లు వెల్లడించారు. ఈ ఏడాది తొలిసారిగా రాష్ట్ర అటవీ శాఖ చిరుత పులుల సంతతిని లెక్కించి విశ్వసనీయ గణాంకాలను వెల్లడించిందని భావిస్తున్నారు. తాజా గణాంకాల ప్రకారం రాష్ట్రంలో సాధారణ చిరుత పులులతో నల్ల చిరుత పులులు కూడా సంచరిస్తున్నట్లు గుర్తించారు.

1/2

చిరుతల గణన నివేదిక వెల్లడి

2/2

చిరుతల గణన నివేదిక వెల్లడి