రోడ్ల నిర్మాణాలను వేగంగా పూర్తి చేయాలి

రోడ్ల నిర్మాణాలను వేగంగా పూర్తి చేయాలి

● కలెక్టర్‌ తమీమ్‌ అన్సారియా

ఒంగోలు వన్‌టౌన్‌: పల్లెపండుగ కార్యక్రమంలో భాగంగా చేపట్టిన రోడ్ల నిర్మాణ పనులను అత్యంత వేగవంతంగా పూర్తి చేయాలని కలెక్టర్‌ ఏ తమీమ్‌ అన్సారియా అధికారులను ఆదేశించారు. కలెక్టరేట్‌లో సంబంధిత అధికారులతో శనివారం సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ పూర్తయిన పనులకు సంబంధించి బిల్లులను అప్‌లోడ్‌ చేయాలన్నారు. పనులకు బిల్లులు వెంటనే చెల్లిస్తారన్నారు. ఒంగోలు, సంతనూతలపాడు, దర్శి, మార్కాపురం, గిద్దలూరు, నియోజకవర్గాల్లో ఈ రోడ్ల నిర్మాణ పనులను పర్యవేక్షిస్తున్న అధికారులు శ్రద్ధగా చేయాలన్నారు. ఈ పనులు చేపట్టడంలో ఎక్కడైనా రెవెన్యూ పరంగా సమస్యలు తలెత్తితే అక్కడి తహశీల్దార్లతో సమన్వయం చేసుకుని సమస్యను పరిష్కరించుకోవాలన్నారు. సమావేశంలో డ్వామా పీడీ జోసఫ్‌ కుమార్‌, పంచాయతీ రాజ్‌ ఎస్‌ఈ జీ బ్రహ్మయ్య, ఈఈలు, డీఈలు తదితరులు పాల్గొన్నారు.