ఖరీదైన విదేశీ గంజాయి పట్టివేత

సాక్షి, సిటీబ్యూరో: విదేశాల్లో లభించే ఖరీదైన గంజాయిని నగరంలో విక్రయిస్తున్న నిందితులను ఎకై ్సజ్‌ పోలీసులు పట్టుకున్నారు. నగరానికి చెందిన మోహిత్‌, మరో ఇద్దరితో కలిసి బెంగళూరు నుంచి..విదేశాల్లోను, హిందూకుష్‌ పర్వత శ్రేణుల్లోనూ లభించే ‘ఓజీ కుష్‌’అనే రకానికి చెందిన ఖరీదైన గంజాయిని నగరానికి తెప్పించి విక్రయిస్తుండగా పోలీసులు దాడి చేశారు. వారి వద్ద నుంచి 57 గ్రాముల ఓజీ కుష్‌ను స్వాధీనం చేసుకున్నారు. దీని విలువ రూ.1.75 లక్షలు ఉంటుందని అధికారులు తెలిపారు. పట్టుబడిన ముగ్గురు నిందితులు చిరుద్యోగులు. వీరిని మల్కాజిగిరి ఎకై ్సజ్‌ పోలీస్‌ స్టేషన్లో అప్పగించారు వీరిపై గతంలో కూడ పలు కేసులు ఉన్నాయని ఎస్టీఎఫ్‌ పోలీసులు తెలిపారు.