గజ్వేల్‌ డిగ్రీ కళాశాలకు అటానమస్‌ హోదా

గజ్వేల్‌ డిగ్రీ కళాశాలకు అటానమస్‌ హోదా

గజ్వేల్‌రూరల్‌: పట్టణంలోని ప్రభుత్వ డిగ్రీ కళాశాలకు అటానమస్‌ హోదా లభించింది. జిల్లాలోని సిద్దిపేట ప్రభుత్వ డిగ్రీ కళాశాల తర్వాత రెండో అటానమస్‌ కళాశాలగా గజ్వేల్‌ డిగ్రీ కళాశాలకు దక్కింది.ఈ మేరకు మంగళవారం కేంద్ర ప్రభుత్వ సంస్థ అయిన యూనివర్సిటీ గ్రాంట్స్‌ కమిషన్‌ (యూజీసీ) నుంచి ఉత్తర్వులు వచ్చినట్లు కళాశాల ప్రిన్సిపాల్‌ నిఖత్‌ అంజుమ్‌ పేర్కొన్నారు. అటానమస్‌ హోదా రావడం సంతోషకరమన్నారు. అటానమస్‌ హోదా రావడంతో పూర్వ విద్యార్థులు, పట్టణ ప్రముఖులు హర్షం వ్యక్తం చేస్తున్నారు.