అనధికార దుకాణాలే అధికం

అనధికార దుకాణాలే అధికం

జిల్లాలో ఈ ఏడాది దాదాపు 350కు పైగా అధికారికంగా దుకాణాలు కేటాయిస్తే.. అనధికారికంగా రెట్టింపు స్థాయిలో ఏర్పాటు చేసినట్లు అగ్నిమాపశాఖాధికారులే చెబుతున్నారు. ఒక్క నెల్లూరు నగరంలో ఆర్‌ఎస్‌ఆర్‌ గ్రౌండ్స్‌లో 28, వీఆర్సీ గ్రౌండ్స్‌లో 46, వైఎంసీ గ్రౌండ్స్‌లో 19, ఎస్‌వీజీఎస్‌ కళాశాల గ్రౌండ్స్‌లో 20, సర్వోదయ గ్రౌండ్స్‌లో 10 మొత్తం 123 దుకాణాలకు సంబంధించి సోమవారం సాయంత్రం లాటరీ విధానంలో లైసెన్స్‌దారులకు కేటాయించారు. అయితే అధికారుల అనుమతులు లేకుండా నగరంలోని మైపాడుగేటు, నవాబుపేట, మినీబైపాస్‌రోడ్డు, చిల్డ్రన్స్‌పార్క్‌, పొదలకూరురోడ్డు, వేదాయపాళెం తదితర ప్రాంతాల్లో ఇష్టారాజ్యంగా బాణసంచా దుకాణాలు ఇళ్ల మధ్య టీడీపీ నేతల అండదండలతో ఏర్పాటు చేశారు. ఒక్కొక్క దుకాణానికి రూ.50 వేల నుంచి రూ.లక్ష చెల్లిస్తే ఎక్కడైనా దుకాణం ఏర్పాటు చేసుకునే అవకాశం ఇస్తున్నారు. వీటిపై ఎలాంటి చర్యలు తీసుకోవడానికి వీల్లేదని సంబంధిత శాఖల అధికారులను ఆదేశించారు.