యువకుడికి కత్తిపోట్లు

హిందూపురం అర్బన్‌: స్థానిక మున్సిపల్‌ పరిధిలోని మోతుకపల్లిలో శుక్రవారం సాయంత్రం ఇద్దరు యువకుల మధ్య చోటు చేసుకున్న చిన్నపాటి గొడవ చివరకు కత్తిపోట్లకు దారి తీసింది. గతంలో మంచి స్నేహితులుగా ఉన్న చందు, రోహిత్‌... డబ్బు విషయంగా మనస్పర్థలు రేగడంతో విడిపోయారు. ఈ క్రమంలో మోతుకపల్లి వద్ద టీ బంక్‌ నడుపుతున్న చందు వద్దకు శుక్రవారం సాయంత్రం రోహిత్‌ వెళ్లి డబ్బు విషయంగా గొడవ పడ్డాడు. అసహనానికి గురైన చందు కత్తితో రోహిత్‌పై దాడి చేయడంతో ఎడమచేతిపై తీవ్ర గాయమైంది. ఘటనపై ఎస్‌ఐ శ్రీధర్‌ కేసు నమోదు చేసి, దర్యాప్తు చేపట్టారు.