TV
తెరుచుకున్న చెర్లోపల్లి అంగన్‌వాడీ తలుపులు
రామగిరి: మండలంలోని చెర్లోపల్లిలో అంగన్‌వాడీ కేంద్రం తలుపులు మంగళవారం ఎట్టకేలకు తెరుచుకున్నాయి. టీడీపీ నేతలు అంగన్‌వాడీ కేంద్రానికి తాళం వేయడంతో లబ్ధిదారులు పడుతున్న ఇబ్బందులపై ఈ నెల 17న ‘టీడీపీ నేతల బరితెగింపు’ శీర్షికన ‘సాక్షి’లో కథనం వెలువడిన విషయం తెలిసిందే. స్పందించిన సీడీపీఓ కవితాదేవి, సూపర్‌వైజర్‌ గంగాభవానీ మంగళశారం చెర్లోపల్లిలో పర్యటించారు. అంగన్‌వాడీ కేంద్రం తలుపులు తెరిపించి ఆయా లక్ష్మీనరసమ్మ ద్వారా గర్భిణులు, బాలింతలు, చిన్నారులకు పౌస్టికాహారాన్ని పంపిణీ చేయించారు. కాగా, కేంద్రంలో టీచర్‌ పోస్టు ఖాళీగా ఉండడంతో రోజూ అంగన్‌వాడీ కేంద్రం తలపులు తీసి పౌష్టికాహారాన్ని పంపిణీ చేయాలని ఆయాను ఆదేశించారు. కొన్ని నెలలుగా రాజకీయ గ్రహణంతో మూత పడిన అంగన్‌వాడీ కేంద్రం మంగళవారం తెరచుకోవడంతో గ్రామస్తులు హర్షం వ్యక్తం చేశారు.
తెరుచుకున్న చెర్లోపల్లి అంగన్‌వాడీ తలుపులు
Comments
Please login to add a commentAdd a comment