నేడు ప్రధానోపాధ్యాయుల పదోన్నతుల కౌన్సెలింగ్‌

అనంతపురం ఎడ్యుకేషన్‌: అనంతపురం కార్పొరేషన్‌తో పాటు ఉమ్మడి జిల్లాలోని మునిసిపాలిటీల పాఠశాలల ప్రధానోపాధ్యాయుల పదోన్నతుల కౌన్సెలింగ్‌ బుధవారం నిర్వహించనున్నారు. ఇందుకోసం విద్యాశాఖ అధికారులు కసరత్తు చేస్తున్నారు. అనంతపురం కార్పొరేషన్‌ సంస్థ ఒక యూనిట్‌గా, తక్కిన ఉమ్మడి జిల్లాలోని మునిసిపాలిటీలు ఒక యూనిట్‌గా పదోన్నతులు చేపట్టనున్నారు. ఇప్పటికే తుది సీనియార్టీ జాబితాను విడుదల చేశారు. బుధవారం ఉదయం 11 గంటలకు డీఈఓ కార్యాలయంలో సర్టిఫికెట్ల వెరిఫికేషన్‌ నిర్వహించనున్నారు. సర్వీస్‌ రిజిస్టర్‌, ఒరిజినల్‌ సర్టిఫికెట్లు తీసుకురావాలని డీఈఓ ప్రసాద్‌బాబు సూచించారు. సర్టిఫికెట్ల పరిశీలన తర్వాత మధ్యాహ్నం 3 గంటలకు పదోన్నతుల కౌన్సెలింగ్‌ నిర్వహించి ఆయా స్థానాలను భర్తీ చేయనున్నారు. ఈ కౌన్సెలింద్‌లో మొత్తందా 6 గ్రేడ్‌–2 ప్రధానోపాధ్యాయుల పోస్టులతో పాటు 7 ఎల్‌ఎఫ్‌ఎల్‌ ప్రధానోపాధ్యాయుల పోస్టులను భర్తీ చేయనున్నారు. ఇందుకోసం అవసరమైన ఏర్పాట్లన్నీ ఇప్పటికే పూర్తి చేశారు.