రేపు జాబ్‌మేళా

భువనగిరి టౌన్‌: జిల్లాలోని నిరుద్యోగ యువతకు ప్రైవేట్‌ రంగంలో వివిధ ఉద్యోగాల కల్పనకు ఈనెల 29న ఉదయం 11గంటలకు భువనగిరి జిల్లా ఉపాధి కల్పనా కార్యాలయంలో జాబ్‌మేళా కం ఇంటర్వ్యూలు నిర్వహించనున్నట్టు జిల్లా ఉపాధి కల్పన అధికారి పి.సాహితి మంగళవారం ఒక ప్రకటనలో తెలిపారు. ముత్తూట్‌ మైక్రోఫిన్‌ కంపెనీలో 37 కస్టమర్‌ రిలేషన్‌ ఆఫీసర్‌, బ్రాంచి రిలేషన్‌ మేనేజర్‌ పోస్టులకు ఇంటర్వ్యూలు నిర్వహిస్తున్నట్లు పేర్కొన్నారు. ఇంటర్‌ అర్హతతో రూ.16 వేల నుంచి రూ.22 వేలు, డిగ్రీ ఉత్తీర్ణతతో రూ.22 వేల నుంచి రూ.30 వేల వరకు వేతనం ఉంటుందని తెలిపారు. ఎంపికై న వారు భువనగిరి, జనగామ, గజ్వేల్‌, సిద్దిపేట, రామాయంపేట, హుజూరాబాద్‌, భూపాలపల్లి, పరకాల బ్రాంచీల్లో పనిచేయాల్సి ఉంటుందని తెలిపారు. అర్హత, ఆసక్తి గలవారు బయోడేటాతో పాటు, విద్యార్హతల సర్టిఫికెట్స్‌ జిరాక్స్‌ కాపీలతో జిల్లా ఉపాధి కల్పనా కార్యాలయానికి ఈనెల 29న ఉదయం 11 గంటల లోపు రావాలని కోరారు.