పేట మార్కెట్‌కు 31,399 బస్తాల ధాన్యం

పేట మార్కెట్‌కు 31,399 బస్తాల ధాన్యం

భానుపురి (సూర్యాపేట) : సూర్యాపేట వ్యవసాయ మార్కెట్‌ యార్డుకు మంగళవారం వరి ధాన్యం పొటెత్తింది. 31,399 బస్తాల ధాన్యం మార్కెట్‌ యార్డుకు అమ్మకానికి వచ్చింది. సూర్యాపేట పరిసర ప్రాంతాల్లో దీపావళి తర్వాత వరి కోతలు ముమ్మరంగా సాగుతున్నాయి. దీనికి తోడుగా ప్రభుత్వ కొనుగోలు సెంటర్లలో ధాన్యం కొనుగోళ్లు ప్రారంభం కాలేదు. కాంటాలు అయ్యేందుకు చాలా ఆలస్యం కావడంతో రైతులు నేరుగా వ్యవసాయ మార్కెట్‌ యార్డుకు ధాన్యాన్ని తీసుకొస్తున్నారు. సోమవారం 38,715 బస్తాల ధాన్యం వచ్చింది. రెండోరోజు మంగళవారం 31,399 బస్తాలు రాగా.. అత్యధికంగా జైశ్రీరాం రకం 16,746 బస్తాలు ఉంది. గరిష్టంగా రూ.2416లు, కనిష్టంగా రూ.1409ల ధర పలికింది. తర్వాత ఐఆర్‌ 64 రకం 8356 బస్తాలు, బీపీటీలు 3124 బస్తాలు, హెచ్‌ఎంటీలు 2944 బస్తాల చొప్పున ధాన్యం వచ్చింది.