TV
ధనుష్ చిత్రం
ప్రేమికుల రోజున
తమిళసినిమా: కోలీవుడ్‌లో వర్క్‌ హాలిక్‌ నటులలో ధనుష్ ఒకరు అని చెప్పక తప్పదు. కథానాయకుడిగా, దర్శకుడుగా, నిర్మాతగా వరుస విజయాలతో దూసుకుపోతున్న నటుడు ఈయన. ఇటీవల ధనుష్ స్వీయ దర్శకత్వంలో కథానాయకుడిగా నటించిన రాయన్‌ చిత్రం విడుదలై కమర్షియల్‌గా మంచి సక్సెస్‌ అయిన విషయం తెలిసిందే. కాగా ప్రస్తుతం ఈయన మరోసారి దర్శకత్వం వహిస్తూ కథానాయకుడిగా నటిస్తున్న ఇడ్లీ కడై చిత్ర షూటింగ్‌ జరుపుకుంటోంది. ఇకపోతే ధనుష్ స్వీయ దర్శకత్వంలో తన వండర్‌ బార్‌ ఫిలిమ్స్‌ పతాకంపై నిర్మిస్తున్న నిలవుక్కు ఎన్‌ మేల్‌ ఎన్నడీ కోపం చిత్రం షూటింగ్‌ పూర్తి చేసుకుని ప్రస్తుతం నిర్మాణాంతర కార్యక్రమాలు జరుపుకుంటుంది. బ్యూటిఫుల్‌ లవ్ స్టోరీ గా తెరకెక్కుతున్న ఈ చిత్రం ద్వారా ధనుష్ సోదరి కొడుకు భవిష్‌ కథానాయకుడిగా పరిచయం అవుతున్నారు. నటి అనైక సురేంద్రన్‌, మాథ్యూ థామస్‌, ప్రియా ప్రకాష్‌ వారియర్‌ నాయికలుగా నటిస్తున్న ఇందులో శరత్‌ కుమార్‌ తదితరులు ముఖ్య పాత్రలు పోషిస్తున్నారు. కాగా నటి ప్రియాంక మోహన్‌ స్పెషల్ సాంగ్‌లో ప్రేక్షకులను కనువిందు చేయనున్నారు. జీవీ. ప్రకాష్‌ కుమార్‌ సంగీతం అందిస్తున్న ఈ చిత్రంలోని గోల్డెన్‌ స్పారో అనే పల్లవితో సాగే పాటను విడుదల చేయగా చిత్రంపై మంచి హైప్‌ను క్రియేట్‌ చేసింది. కాగా ఈ చిత్రాన్ని వచ్చే ఏడాది ప్రేమికుల రోజు సందర్భంగా ఫిబ్రవరి 14న విడుదల చేయడానికి సన్నాహాలు చేస్తున్నట్లు తాజా సమాచారం. కాగా ధనుష్ టాలీవుడ్, స్టార్ నాగార్జున నటి రష్మిక మందన్న ప్రధాన పాత్ర పోషిస్తున్న ద్విభాషా చిత్రం కుబేర చిత్రం కూడా 2025లో సమ్మర్‌ స్పెషల్‌గా తెరపైకి రానుంది. ఇక పోతే ధనుష్ త్వరలో హిందీ చిత్రం చేయడానికి సిద్ధమవుతున్నారని తెలిసింది.
నిలవుక్కు ఎన్‌ మేల్‌ ఎన్నడీ కోవం చిత్రంలో నటుడు భవిష్‌, అనైక సురేంద్రన్‌
ధనుష్ చిత్రం
Comments
Please login to add a commentAdd a comment