నేడు విశాఖకు చంద్రబాబు

నేడు విశాఖకు చంద్రబాబు

మహారాణిపేట: ముఖ్యమంత్రి చంద్రబాబు నాయుడు శనివారం విశాఖ రానున్నారు. ఈమేరకు పర్యటన ఏర్పాట్లను కలెక్టర్‌ హరేందిర ప్రసాద్‌, ముఖ్యమంత్రి భద్రతా సిబ్బంది, పోలీసు కమిషనర్‌ శంఖబ్రత బాగ్చి తదితరులు పరిశీలించారు. శనివారం మధ్యాహ్నం ఒంటి గంట సమయంలో సీఎం చంద్రబాబునాయుడు హెలికాప్టర్‌లో విశాఖ చేరుకుంటారు. ఈమేరకు కోస్టల్‌ బ్యాటరీ వద్ద హెలిప్యాడ్‌ను అధికారులు పరిశీలించారు. అక్కడ నుంచి కలెక్టర్‌ కార్యాలయానికి చేరుకుంటారు. అక్కడ వివిధ అంశాలపై సమీక్ష సమావేశం నిర్వహించనున్నారు. దీంతో కలెక్టరేట్‌ను విద్యుత్‌ దీపాలతో తీర్చిదిద్దారు. పార్కును అందంగా తయారు చేశారు.